عمياء القاسي

بارت135

♡ وما طال الغياب الا ليتنظرك القلب ♡ ..
الجزء 135 من
#رواية : 🔞عمياء القاسي🔞
#للكاتبة: Sanae El idrissi
#____للانتقام___وجه___اخر__

كمل قهوتو وهو منزل حاجبو بريبة وفبالو مية مطرقة فرااس .. ثايغر وعبد المجيد وساانتوس هدو ماشي اي وحدين وهو عارف هدشي .. واحد كيبقاا هو لعلمو اصول المهنة والتاني يدو طويلة فالبلاد وتالت هو ملك عالم الجريمة .. تبسم بخبث وهو كيفكر فيهم وبهمس قال
نزار : واناا هو ملاك الموت ديالكم
رجع نظرو للشدى لبقا جالسة فالحديقة وزاد فابتسامتو
نزار :العمياااء (كيمسح فمو بالمنديل ) لازم نلعبو معك شوياا
وقف كيشوف فالفاليز وهو كيحدر تيشورت وقلب الدورة محول عينو لغرفة لمعيشة فين كانو جالسين واتجه عندهم

كانت شادية حداا يوسف مجمعين وعبد الله حداهم جالسين فلفوطوي هما كيشربو العصير مع الحلويات وهو بعينيه مقابلها فجردة بما انو جدران القصر كلهم من الزاج .. تنهد عبد الله باسى ورجع نظرو ليوسف لكيعاود لشادية
يوسف : هههه لهلا يوريك شنو درت لدك الصفريطة هههه خليتها تاخرجات لجردة وطلقت عليها الكلب وعائلته السعيدة دوك لكانو عضوني ههه اكتبان له كسلوم لبناي غادية هاربة كتغوت بديك لفصاله ورجيلات الدجاجة مت بالضحك ههه
شادية كضحك : اهااه و اش وقع
يوسف : جات دك زعرة صفرة شعر عاوناتها ..هدك لمسيميمه دختو ..ياربي السلامه شرانية كتبان فييها خنزرات فالكلب رجع لور كوون غاكانت منين عضني تعاوني هههه وقلت ليا (كيعيبها) نتا اهدك حثالة المجتمع تفرق على صاحبتي ولا نوريك وجهي اعع متكبرة فحالها فحال خوهاا

غمزاتو شادية يسكت يلاه غايضور وهو يبان ليه واقف عليهم كملاك الموت داير يدو فجيبو ، ومنخزر فيوسف
نزار : حسن لك بعد من طرييق ختي هاني كنحدرك
رجع نظرو لعبد الله وبغرور هز راسو وهو داير يدو فجيبو وعاقد حواجبو
نزار : غادي نديها معيااا (كيشير لشدى ) عندي شغل ومغانبقاش هنا فالقصر
كان عبد الله داير رجل فوق رجل نزلهم وهو كيشوفيه ببرود
عبد الله : شنو نفهم من هدشي ؟؟
نزار بدون اهتمام : هي مرااتي (قالها بتهكم) ومهمتي نحميها سو غاتبقاا معياا فلبلاصة فين غانكوون
عطاه بالظهر بلما يتسنا جوابو زاد زوج خطوات ووقف منين سمع صوتو
عبد الله : كلنا عارفين حقيقة زواجكم .. هدشي غي مؤقت
ضار عندو نزار بملامح ممحية وتبسم بعجرفة محول عينو لهم كلهم
نزار : هدا كيبقاا قراري اناا ، كات تمثيلية ولا حقيقة اناا لكنقول ماشي شي حد غيري
تمشى خارج ببتسامه وهو هاز راسو وتوجه لفاليز جرهم وخرج مخليهم ورا مقابلينو باستفهام .....