عمياء القاسي

بارت148

♡ العشق الذي استنزف كياني ♡ ..

#رواية : 🔞عمياء القاسي🔞

#للكاتبة: Sanae El idrissi

#____للانتقام___وجه___اخر__

جاكلين : ولكن كاين مشكل ، هد السم كيتعطا على شكل جرعات وبالضبط ثلاته وبين كل جرعة وجرعة اسبووع ولكن الى متعطاتش لجرعة لاخيرة كيبطل المفعول ديالو كأنك عمرك عطيتيه جرعات قبل
وقفات  فردوس بنرفزة كتعض على شفايفها تمشي وتجي بحواجب منقضة : وشنو غانديير دبااا كغانديير نشربو ليه تلاته دلمرات  .. وانا محبوسة هناا واش مالقيتي تاسم من غير هذا
جاكلين : فراسك هدا اللي معجبككش تقام غالي راه افضل انواع السموم فالسوق السوداء واقواها سم قااتل ومكيبانش فالدم ومعندو حتى اعراض حتى يلقا راسو بااح ماات مغاديش تشك بلي تسمم حتى يطيح بسكتة قلبية وهدشي فالجرعة الثالتة
ضورات فردوس بعصبية راسها لناحية طابل دزاج يا اللي كانت قدام السرير وتحنات على ركابيها مخلية شعرهاا مزلع فوق الطابل كانت الطابل عامرة كلها بالكوكايين وزوج خنيشات صغار مزال ممحلولين محطوطين فوقها  .. ثروة كبييرة محطوطة هككاك كتهدر فحوايج خايبين  واللي ليهم عواقب وخيمة فالمستقبل  .. سدات فتحة نيفها واستنشقات كمية من الكوك وهزات راسها فجاكلين كتشوف فيها
فردوس : الى منتاقمتش اجاكي عمري نرتاح (جلسات فالارض كتمسح نيفها بكمها)    ظلموووني بزااف  ظلمااتني الدنياا وظلموني نااسها ، معارفاش شكون والديا معارفاش اصلي وجدوري معارفا والو ، وحيدة فهد الدنياا لا حنين لا رحيم ومحنوش فيا طمعو فيا وانا بنت صغييرة تعداو علياا وانا بنت عشر سنين .. فعمر خاصني نهز الالعاب هزيت موس وقتلت .. هربت من ظلم الخيرية لقيت ظلم مضووبل فالشارع اضطريت نحمي راسي براسي (بدات تبكي) فرااسك فينما نعس فليل كنعس فيدي زاجة باش لحاول يقرب مني نضربو  ..  فرااسك بلي كنبيع لورد فرومبان لمنادل ونمسح طموبيلات باش يلاه يلوحو عليا دوك زوج دريال صدقة ونشري مناكل  ..   حتى تلاقيت بنزار (سكتات لوهلة مباتش تعاود ماضيه لجاكلين ) هو حماني وربااني متخلاش عليا والوحيد لبغاني لشخصي ماشي لجسدي هو بصح كيبان صعيب وقاسي لكن الحقيقة داخلو طفل صغيير خاص ليخرجو من الظلمات للنور .. الحقد مكيطردش الحقد فقط الحب لكيطردو .. الظلام مكيطردش الظلام فقط النور لكيطردوو خوياا خااصو ليخرجو من ظلمتو وتعاستو بالحب خاصو يدين يخرجوه يوريه النور
تبسمات جاكلين باسى :  علاش كتقولي كلام مقداش ديريه نتي مصرة تنتاقمي ياك قلتي الحقد مكيطردش الحقد  اممم ؟؟
فردوس : قصتي اناا غير قصتي غريبة عجيبة قصتي قصة كرامة وكبرياء قصة عفة و شرف (نزلات دمعه من عينيها) قتلت فسن صغير على ود شرفي وبعد 12 لسنة  غانعاود نقتل ولكن قبل كلشي على قبل خوياا غانحيد الكلب من طريقو وعلى قبل وجهي لمشااا وعلى قبل دموعي لنزلو وكرامتي لتجرحات والاعتداء اللي تعرضت لييه  .. 
جاكلين  :  كاينا طرييقة باش تخرجي 
فردوس : واللي هي
جاكلين تنهداات بود وناضت من فور السرير جالسة حداها شادا فيديها : بما انهم مخلاوكش تخرجي بصفتك فردوس غايخليوك تخرجي بصفتك خدامة .. (تبسمات ) كيف خرجت نجيب الكوكايين والسم غاتخرجي تنتاقمي وحتى حد مغايرد البااال