عمياء القاسي

بارت 34

♡ وما طال الغياب الا ليتنظرك القلب ♡ ..
الجزء 34 من

#رواية : 🔞عمياء القاسي🔞

#للكاتبة: Sanae El idrissi

#__قربان___عشقي_لكي..

كانت واقفا فالكوزينة كتنقي لخضرة منزلة حواجبها بريبة وجالسا فدار غي بغندورا صيفية نصكم محيدا لفولار ومطلعا شعرها الاسود كعكة .. تلفتات زاديا حجبانها ملي سمعات الحس فالكوزينة
شادية: فين خليتي ختك ؟؟
كان يوسف لداخل لابس تيشورت كحل مع سروال تجين  كحل وايرماكس داير نظيظراتو وريحتو تشم من بعيد عوال يطيح تيتيز بن لمسخوط لاخر ، هز تفاحه وتعلق جلس فوق البوطاجي حدا شادية
يوسف: قالت لك باتبقا فجريدة ملي تسالي
شادية:  تلاته ونص دنهار هدي ومزال مجاات ؟؟
يوسف: خليها شويا وتبان لك داخله
نزلات حاجبها مخسرة وجهها كتنقي لخضرة ، عض فتفاحتو ورجع شافيها
يوسف: مالكم ليوم كلشي طايح عليه الضيم تقول ميت لكم جرو
شادية: ساعة لله وصافي (كتمسح جبينها بظهر يدها) ختك شاغلة بالي ، وممهنياش من جيهتها بنتي بقا صغيرة مشافت متشوفت تحرمت من ابسط لحوايج ، تحرمات من عينيها من قرايتها من فرحتها (بدات تبكي) عايشة بكلوة وحده كنظل نخمم ونبات نخمم عنداك يجي نهار وتعيا لها دك لكلوة اش غاندير فين غانرد الراس؟؟
بحرا  ما فرحنا رجعات كتمشا على رجليها ورجعات كضحك كيف قبل وخاا بقا مقلقة فداخلها ، انا تقهرت تقهرت تقهرت من خوفي عليها تقهرت من خوفي نفيق نهار ونلقاها ماتت
عقد حاجبو وقرب يدو كيمسح دموعها: ليهديك الواليدة فال الله ولا فالك ليطول بعمرها
شادية: كنت بيت بنتي تقرا بيتها تزوج ويكونو عندها ولاد تخدم وتحقق احلامها ، كلشي تبخر .. بنتي ظلامت عليها دنيا وظلماتها عليا تنا .. بقدما هي كتعاني فالسكات انا كنعاني بضوبل هئ هئ مبقيتش صابرة اولدي عييت
يوسف:( نقر من فوق لبوطاجي وحط التفاحه قرب عندها عنقها) ليهديك الواليدة مالكم غي كتفايلو على هد لبنت تفائلو بالخير ، ربما مصيرها غير لكنتوقعوا حنا  .. شكون عارف من هناا لغدا اش غايوقع ربي كبيير اميمتي (باس راسها) ليدير لفيها الخير

دخل عبد الله لابس جلابة وداير طاغيتو مخنزر فيوسف : قرب ين العصر مغاديش تصلي ؟
يوسف:( بعد من مو) مكنصلييييش
عبدالله : بوجهك حمر كتقولها (شاف فشادية) مالكي تاني؟؟ كتبكي عليه يكما دار شي زبلة ومسبقة دوك دموع التماسيح باش نخرجو منها راه بيميني هد لمرة مسوقي فيه
شادية:( كتمسح وجهها) نتا خاصك غي امتا دوز للولد (نزلات حاجبها) شدى تعطلات وتشوشت عليها
عبدالله:(كيحك دقنو) بصح لعصر علاين ومزال مجاات ..
يادن نصلي ومن طريقي لجامع ندوز نشوفها راه كتكون غي فجريدة لورا دك لقريبة للمعهد
شادية : وخاا
دور عينو للوراء مين سمع سرسار ديال الدار : هاهي جاات نوارتي عمرها طويل
تبسم  ومشا يحل لباب  تبعاتو شادية كتجري ، بلما تحس حتى يوسف استغرب منها وتبعها تاهو حل عبد الله لباب كيضحك وهو يجمعها مين لقا ولد يكون فعمر شدى  : ولدي يونس بيتي شي حاجه
كان كيلهث الظاهر انو جاي كيجري دار يدو على ركبتو : بنتك اعمي عبد الله ضربوها بالقرطاس للراس  وماتت شفتها بعيني داتها سيارة دلموتا بعيني شفتها.........