Unicode.
လင်းကျစ်ရန်သည်ကား နှစ်ခါပင်ပြန်တွေးစရာမလိုဘဲ ဝမ်းယွီစိတ်ဆိုးနေကြောင်း သိလိုက်ပြီ ဖြစ်လေရာ လက်ကိုပြန်၍ ရုန်းမထွက်ရဲပါသောကြောင့် ဘာမှမဖြစ်ခဲ့သည့်အတိုင်း ပြုံးမြဲပြုံးထားလျက်သာ။ ပြုံးနေရင်းဖြင့် သူက ကျောက်မင်ဇယ်အား ရိုးသားစွာ ကြည့်လိုက်ပါ၏။ ' အကိုကြီးကျောက်ရေ...ကျွန်တော်မျက်နှာသာ တော်တော်ပေးထားတာနော်..အခု ဇာတ်လမ်းကို ပြန်ထိန်းမတ်ဖို့က မင်းအပေါ်မှာမူတည် သွားပြီ။ '
သူ၏ သုံးစားလို့မရသော ညီလေးနှင့်ယှဥ်၍ လင်းကျစ်ရန်မှာ မျှောင့်လင့်ချက်အားလုံးကို ဗီလိန်အပေါ်၌သာ ပုံအော ထားလိုက်နိုင်တော့သည်။ ကျောက်မင်ဇယ်က လင်းကျစ်ရန်၏လက်ကို အခုထိဆုပ်ကိုင်ထားလေသော ဝမ်းယွီအား တစ်ချက်ကြည့်လိုက်ပြီးနောက် သူ၏မျက်ဝန်းများက ရှုပ်ထွေးနေလျက် ရိုးသားစွာ ဆိုလေ၏။
" အစပိုင်းတုန်းက..လုကျန်း မင်းအကြောင်း ကိုယ့်ကိုပြောလာတော့..ကိုယ်နည်းနည်းစိုးရိမ်ပြီး အကောင်းသိပ်မမြင်ခဲ့ဘူး..ဒါပေမယ့် အခုတော့ စိတ်ချသွားပါပြီ "
လင်းကျစ်ရန်:?
သူတော်ကောင်းယောင် ဆောင်ချက်!
သူအား ကယ်တင်ရန်အတွက် ကျောက်မင်ဇယ်အပေါ်အားထားရန်မှာ မဆီလျော်ပါကြောင်း သိသွားပြီးသော် လင်းကျစ်ရန်မှာ အခုလောလောဆယ် ဆုံးရှုံးမှုအတွက် နောင်တရသလိုပင် ခံစားလာရချေ၏။ ဝမ်းယွီ သည်ကား သူ့အား လွှတ်မပေးဘဲ နှေးကွေးစွာဖြင့် ပြောလာ၏။
" မစ္စတာကျောက်..စိတ်မပူပါနဲ့..ကျွန်တော်တို့နှစ်ယောက်ကြားက ဆက်ဆံရေးက အရမ်းကောင်းပါတယ် "
လင်းကျစ်ရန်မှာ သူ၏လက်ချောင်းများကတင်းကျပ်လာသလိုခံစားလိုက်ရပေရာ လျင်မြန်စွာပင် ထောက်ခံကြောင်း ဆိုလိုက်ချေ၏။
" အင်း..ဟုတ်တယ်...မင်းစိတ်ပူစရာမလိုပါဘူး..ငါတို့နှစ်ယောက်က အရမ်းအဆင်ပြေပါတယ် "
အကြောက်တရားက သူ၏ အသံအား ရေဒီယိုတွင် အလိုအလျောက်ဖြေကြားပေးသည့် စနစ်နှင့် ဆင်တူရိုးမှား ဖြစ်စေလုနီးပါး ပါပေ။
YOU ARE READING
ဒီတစ်ခါလည်းဇာတ်လမ်းသွေဖည်သွားပြန်ပြီလား?(MyanmarTranslation)
FantasyJust a fan translation. Eng name- Did the affectionate love interest collapse today. cover pic from pinterest.credit to artist. Author- 即墨遥 စိတ်ကူးယဥ်ဝတ္တုတိုင်းတွင်shouဇာတ်ကောင်အားနှစ်သက်သဘောကျသည့်အရန်ဇာတ်ပို့Gongဆိုတာပါစမြဲ။Shouလေးကိုဇာတ်လိုက်Go...
