ဒီတစ်ခါလည်းဇာတ်လမ်းသွေဖည်သွားပြန်ပြီလား?(MyanmarTranslation)

အပိုင်း(၃၅.၂)

Unicode.

မိုင်ထောင်ချီအဝေးတွင်ရှိနေသောရွှမ်းရန်က ရေကန့်လန့်ကာကိုကြည့်ရင်း နှုတ်ခမ်းထောင့်များကိုကွေးညွှတ်ကာ ပြုံးလိုက်သည်။ " မင်းရှုံးတော့မယ် "

' ရှုံးတယ်လို့ပြောဖို့အရမ်းစောသေးတယ်၊ လီယဲ့က ယဲ့လျှိုရင်နဲ့လိုက်သွားဖို့ပဲသဘောတူလိုက်တာ၊ အဲ့ဒီ အဘိုးကြီး ယဲ့လျှိုရင်က ဘယ်လောက်တောင်ဉာဏ်များလဲ မင်းသိတယ်မို့လား၊ လီယဲ့ကိုလည်း သူတစ်နည်းနည်းနဲ့ လှည့်ဖျားထားတာပဲဖြစ်ရမယ်..ဒါပေမယ့် လီယဲ့က မိစ္ဆာလမ်းစဉ်ကိုကျင့်ရင်တောင် အပြစ်မဲ့လူတွေကို မသတ်သရွေ့သူ့ကို မကောင်းတဲ့လူအဖြစ်သတ်မှတ်လို့မရဘူးလေ..ဟုတ်တယ်မို့လား '

ရွှမ်းရန်က တိုးတိတ်စွာလှောင်ရယ်လိုက်သော်လည်း သူ့မျက်ဝန်းများက ရယ်သွမ်းရိပ်တို့လွှမ်းမနေခဲ့။ " ဟုတ်ပါတယ်..ဒါပေမယ့် လီယဲ့က ဒီလိုအရာတွေကို ကြုံတွေ့ခံစားပြီး ယဲ့လျှိုရင်လှည့်ဖျားတဲ့နောက် ပါသွားပြီးတဲ့နောက် သူ့ရဲ့စိတ်က အရင်လိုဖြူစင်နိုင်ပါတော့မလား "

လူသားတွေရဲ့သဘာဝက အားနည်းပြီးပျော့ညံ့သည်။ ဖျက်စီးပစ်ဖို့လွယ်ကူသည်၊ သူတို့ရင်ထဲက လိုအင်ဆန္ဒကပဲ သူတို့ကိုလမ်းမှားဆီရောက်သွားစေသည်။

ဒါကြောင့်မို့ပဲ သူဟာ လူသားတွေမှာရှိတဲ့စိတ်ခံစားချက်အားလုံးကိုစွန့်လွှတ်ထားခဲ့ခြင်းဖြစ်​၏။ ဒါဆို ဘယ်အရာမှ သူ့စိတ်ကိုတုန်လှုပ်အောင်မလုပ်နိုင်တော့ပါပေ။

လိုအင်ဆန္ဒဟာ ပျက်စီးခြင်းရဲ့ လမ်းစဖြစ်သည်။

' ဒါပေါ့၊ ငါသူ့ကိုယုံတယ်၊ ဒါနဲ့ မင်းက ဘာလို့ ဒီလောက် ခံစားချက်မဲ့နေတာလဲ၊ ဘာလို့ ငါ့ကိုဖယ်ထုတ်ပစ်ချင်တာလဲ၊ ငါကမင်းရင်ထဲက လိုအင်ဆန္ဒတစ်ခုပဲ၊ ဒါကိုမင်းက ဝန်မခံချင်ဘူး '

ရွှမ်းရန်က စကားပြန်မဆိုဘဲ ဝတ်ရုံလက်ကိုဝှေ့ကာ မူရာကျူးကို အပြင်သို့ထုတ်ပေးလိုက်သည်။ မူရာကျူးဟာ အခုအခြေအနေပေါ်တွင် လွန်စွာရှုပ်ထွေးပြီး ရွှမ်းရန်ကို တစ်ချက်ကြည့်ကာ ရွှမ်းရန်ရဲ့ အနေအထားက မရိုရှင်းမှန်းတော့ သူမသိနေသည်။ကြည့်ရတာ ဒါက စင်ကြယ်သော နန်းတော်ရဲ့ အရှင်သခင်ဖြစ်ပုံရသည်။မူရာကျူးဟာ ဒူးထောက်ပြီးရွှမ်းရန်ကိုအရိုအသေပေးကာ တုန်ရီခြင်းမရှိဘဲ လေးစားသောအသံဖြင့် ဆို​၏။ " ကျွန်တော်မျိုးမရဲ့ အသက်ကိုကယ်တင်ပေးတဲ့အတွက် အရှင်သခင်ကို ကျေးဇူးတင်ပါတယ် "