Unicode.
ဝမ်းယွီမှာ ရုတ်တရတ်ပင် တွန်းထုတ် ခံလိုက်ရပါသောကြောင့် အံ့သြကာ မှင်သက်နေမိလေသည်။အကြောင်းအရင်းကို မေးရန် ပြင်လိုက်စဉ်မှာပင် လင်းကျစ်ရန်၏ ဒေါသနှင့်အတူ စိတ်ပျက်မှု၊ဝမ်းနည်းမှု တို့နှင့်ပါ ရင်ဆိုင်လိုက်ရကာ ဓာတ်ပုံအထပ်လိုက်ဖြင့် ပစ်ပေါက်ခံလိုက်ရသည်ပင်။
သူက ခေါင်းငုံ့ပြီး ကြည့်လိုက်ပါသော် သူ၏ မျက်နှာမှာ အလွန်ပင် ပျက်ယွင်းသွားရလေ၏။ လင်းကျစ်ရန်သည်ကား မတ်တပ်ရပ်လျက် ဝမ်းယွီကို နာကျင်စွာ ကြည့်ကာ ပြောလာသည်။
" မင်းကိုယ့်ကို ရှင်းပြသင့်တယ်လို့ မထင်ဘူးလား "
' သက်သေက အရမ်းကို ခိုင်မာနေပြီ..မင်းတို့ အနမ်းပေး နေတဲ့ ပုံတွေက ဒီမှာရောက်နေပြီ..မင်းဘယ်လိုငြင်းမလဲ ကြည့်ကြသေးတာပေါ့..'
လင်းကျစ်ရန်မှာ တမင်သက်သက်ပင် ယခုအမူအရာကို လုပ်ယူထားလေပြီး နောက်ဆုံးပိတ်အနေဖြင့် ဝမ်းယွီဘက်မှ လမ်းခွဲစကားပြောလာမည့်အချိန်ကို စောင့်နေလိုက်သည်။
' ဒီနေ့တော့မင်း..ငါနဲ့လုဆွေ့ကို...နှစ်ယောက်ထဲက တစ်ယောက် ရွေးကိုရွေးရတော့မယ် '
ဝမ်းယွီမှာ အစပိုင်းတွင်တော့ တကယ့်ကို အံ့သြသွားခဲ့ပြီးနောက် လျင်မြန်စွာပင် သူ၏ အမူအရာအားထိန်းလိုက်နိုင်ပြီး တည်ငြိမ်သွားသည်ပင်။ သူက အောက်သို့ငုံ့ကာ ဓာတ်ပုံများကိုနှေးကွေးစွာကောက်ယူလိုက်ပြီး တစ်ပုံချင်းစီကို သေချာလေး ကြည့်ကာ လင်းကျစ်ရန်အား ပြောလာပါ၏။
" ကျွန်တော့်နောက်ကို တစ်ယောက်ယောက် နောက်ယောင်ခံလိုက်နေတာ... "
လင်းကျစ်ရန်က အေးတိအေးစက်ပင် ပြောလိုက်ချေ၏။
" မင်းနဲ့လုဆွေ့ကဘာတွေလဲဆိုတာ..ကိုယ့်ကို အရင်ဆုံး ရှင်းပြသင့်တယ်လို့ မထင်ဘူးလား "
ဝမ်းယွီ၏ မျက်ဝန်းများက ရှင်းလင်းပြတ်သားနေလျက် လင်းကျစ်ရန်အား တည်ငြိမ်စွာ စိုက်ကြည့်လိုက်ပြီးနောက် နှေးကွေးစွာ ပြောလာလေ၏။
" ဒါက အထင်လွဲရုံသက်သက်ပဲ..ကျွန်တော် ခင်ဗျားကိုရှင်းပြ ပါ့မယ် "
YOU ARE READING
ဒီတစ်ခါလည်းဇာတ်လမ်းသွေဖည်သွားပြန်ပြီလား?(MyanmarTranslation)
FantasyJust a fan translation. Eng name- Did the affectionate love interest collapse today. cover pic from pinterest.credit to artist. Author- 即墨遥 စိတ်ကူးယဥ်ဝတ္တုတိုင်းတွင်shouဇာတ်ကောင်အားနှစ်သက်သဘောကျသည့်အရန်ဇာတ်ပို့Gongဆိုတာပါစမြဲ။Shouလေးကိုဇာတ်လိုက်Go...