ဒီတစ်ခါလည်းဇာတ်လမ်းသွေဖည်သွားပြန်ပြီလား?(MyanmarTranslation)

အပိုင်း(၁၀.၂)

Unicode.

ကျောက်မင်ဇယ်က မျက်မှောင်ကြုပ်လိုက် ပြီး ။

" ဆီတွေရွှဲနေတယ်...မင်း ပါးစပ်ကို သုတ်လိုက်ဦး "

လင်းကျစ်ရန်: ". .."

ထို့သို့ပြောပြီးနောက် ကျောက်မင်ဇယ်မှာ မတ်တပ်ထရပ်လိုက်ပြီး သူ၏လက်ကို တစ်ရှူးဖြင့် ပွတ်သုပ်ကာ ယုံကြည်မှုရှိစွာဖြင့် ပြုံးလိုက်လေ၏ ။

" ဒါဆိုငါအရင်ပြန်လိုက်တော့မယ်...အရမ်း တွန်းအားမပေးနဲ့ ပြဿနာတိုင်းမှာ ဖြေရှင်းချက်က ရှိပြီးသား "

ထို့နောက် သူက တိမ်လို၊ လေလိုပင် အလျင်အမြန် ထွက်သွားတော့သည် ။ လင်းကျစ်ရန်မှာကား ကျောက်မင်ဇယ်၏ ကျောပြင်အား ရှုပ်ထွေးသော အမူအရာဖြင့်သာ စိုက်ကြည့်လိုက်ပြီးနောက် တစ်ရှုး​ဖြင့် ပါးစပ်ကို ပွတ်သုတ်လိုက်ပါ၏ ။ ဘယ်မှာ ဆီတွေရွှဲနေလို့လဲ? ဒီလောက် နည်းနည်းလေးပဲ ဆိုတာ သိသာနေတာကို...

[လင်းကျစ်ရန်: ငါ့ရဲ့ ဥက္ကဌ ပုံရိပ်က အက်ကြောင်းတစ်ခုထင် သွားပြီ!]

[System: အိုး...]

..................

ရက်အနည်းငယ်ကြာပြီးနောက်၊ ကုမ္ပဏီ၏ ကိစ္စရပ်များမှာ ပြန်လည်၍ လည်ပတ်လာခဲ့ချေ၏ ။ လူအများ၏ အမြင်တွင် လူဆွေ့၏ အရည်အချင်းကြောင့် အင်တာနက်ပေါ်ရှိ သီတင်းများအား ထိန်းချုပ်နိုင်လိုက်ပြီး ရပ်တန့်နေသော ပရောဂျက်များကို ဆက်လက် အကောင်အထည်ဖော် လာနိုင်ခဲ့သည်ပင် ။ လင်းကျစ်ရန်မှာ ဤအရာအားလုံးကို ကြိုတင်၍ သိနေပြီးသားဖြစ်ပါ၍ အထူးတလည် အံ့သြမနေတော့ပေ ။ ဤသည်မှာ လုဆွေ့က သူနှင့် ရှယ်ရာရှင်များအား မြင်စေချင်သောအရာပင် ဖြစ်လေသည် ။

အနည်းဆုံးတော့ ဒါက အပြင်ပိုင်းတွင် ညီအစ်ကိုနှစ်ယောက်၏ ပူးပေါင်းကြိုးစားမှုကြောင့် စိန်ခေါ်မှုများကို အောင်မြင်နိုင်သည်ဟူသော ရင်ထဲထိဖွယ် ဇာတ်လမ်းတစ်ခု ဖြစ်ခဲ့သည်ပင် ။ လင်းကျစ်ရန်မှာကား လုဆွေ့၏ ဇာတ်ကြောင်းအတိုင်း အသည်းအသန်လိုက်၍ အကောင်အထည်ဖော်ချင်စိတ်ရှိနေသည်ကို ကြည့်ရင်းဖြင့် အတော်လေးခံစားသွားရချေ၏ ။