ဒီတစ်ခါလည်းဇာတ်လမ်းသွေဖည်သွားပြန်ပြီလား?(MyanmarTranslation)

အပိုင်း(၃၂.၂)

Unicode.

ဒီတောကျတဲ့ မြို့လေးက မကြွယ်ဝပေမယ့် လှပသော တောင်တန်းများနှင့် မြစ်ချောင်းများရှိသည်။ တောင်တန်းနှင့် လွင်ပြင်များကို ဖြတ်သန်းသွားလာရသည့်ခံစားချက်မှာ  သစ်လွင်လန်းဆန်းလှသည်။ လင်းကျစ်ရန်က လမ်းလျှောက်နေရင်း systemကို စောဒကတက်လိုက်​၏။

[ လင်းကျစ်ရန်: ဒီလိုအရေးကြီးတဲ့ဇာတ်ဝင်ခန်းမှာ မင်း ဘာလို့ငါ့ကို မိစ္ဆာတပ်မှုးပုန်းနေတဲ့နေရာ ပြောမပြတာလဲ။ ]

[ System: ဒီgame မှာ ကစားသမားတွေကိုယ်တိုင်ဖြေရှင်းရမယ့် ပဟေဠိတွေပါတယ်။ တကယ်လို့ အဖြေအားလုံးကို ပြောပြလိုက်ရင် ဘယ်လိုလုပ် စိတ်ဝင်စားစရာ ကောင်းတော့မှာလဲ။ ]

[လင်းကျစ်ရန်: .... ] မင်းပြောတာက အကျိုးအကြောင်းညီညွတ်နေတော့လည်း..ငါဘာမှ ပြန်မပြောနိုင်တော့ဘူးပေါ့။

လင်းကျစ်ရန်မှာ သက်သာတဲ့နည်းလမ်းကို ရှာမရတဲ့အဆုံး မူယန်နှင့်အတူ သဲလွန်စရှာဖွေဖို့သာဆုံးဖြတ်လိုက်ပါတော့သည်။မူယန်နှင့် လင်းကျစ်ရန်မှာ လယ်သမားတစ်ဦး​၏ အိမ်သို့ရောက်လာခဲ့ကြသည်။ အိမ်ပိုင်ရှင်လယ်သမားက သူတို့ကို တလေးတစားကြိုဆိုရင်း စိတ်မကောင်းဖြစ်နေသော အမူအရာဖြင့်ဆို​၏။ " ကျွန်တော့်ရဲ့ ဆယ်နှစ်သမီးလေးပျောက်သွားခဲ့တယ်။ အိမ်မှာတစ်ကောင်တည်းရှိတဲ့ နွားလည်း မနေ့ကမှအသတ်ခံလိုက်ရတယ်။ "

မူယန်က ပြန်မေးသည်။ " အဲ့ဒီအဖြစ်အပျက်တွေ ဖြစ်တုန်းက အသံတစ်ခုခုကြားမိလိုက်လား။ "

လယ်သမားက ခေါင်းခါသည်။ " ကျွန်တော့်သမီးလေးပျောက်တဲ့နေ့က ကျွန်တော် လယ်ထဲဆင်းနေခဲ့တာ။ အိမ်ပြန်ရောက်တော့သူမကိုမတွေ့တော့ဘူး။ ကလေးသဘာဝအရ အပြင်ထွက်ပြီးဆော့နေတာလို့ထင်ခဲ့ပေမယ့် အချိန်အတော်ကြာ လိုက်ရှာပြီတဲ့အထိမတွေ့ဘူး။ နောက်တော့ ကျွန်တော့်လိုမျိုး တစ်ခြားလူတွေရဲ့ကလေးတွေလည်းပျောက်နေမှန်း သိလိုက်ရတယ်။ဒါက သေချာပေါက် မကောင်းဆိုးဝါးတွေရဲ့လက်ချက်ပဲဖြစ်ရမယ်။ သေသွားတဲ့ နွား အတွက်တော့ မနေ့ညကစူးစူးဝါးဝါးအော်သံ ကြားခဲ့ရတယ်။ဒါမယ့် ကျွန်တော်ရောက်သွားတော့ နွားကသေနေပြီ။ "