Unicode.
လင်းကျစ်ရန်ကလှောင်လိုက်သည်
" အခုချိန်မှာ ခင်ဗျားဘာပြောပြော ကျွန်တော် ယုံမယ်ထင်နေလား "
ကျိုးယွဲ့ကမျက်လွှာချပြီး စိတ်မကောင်းစွာဖြင့်ခေါင်းခါလိုက်သည်
" သခင်လေးဒါကိုဖြည်းဖြည်းချင်းစဉ်းစားကြည့်ပါ...ဘာပဲဖြစ်ဖြစ်သူမကသေမျိုးတစ်ယောက်ပါပဲ...ကိုယ့်ကိုယ်ကိုဒုက္ခမပေးနဲ့ "
လင်းကျစ်ရန်က သူနှင့်စကားဆက်ပြောဖို့ကိုပင်စိတ်မဝင်စားတော့။ သို့ပေမယ့် ကျိုးယွဲ့လှည့်ထွက်သွားသော် သူ့ခါးရှိဓါးတွင်ချိတ်ဆွဲထားသောပန်းပွားဆီသို့အကြည့်ရောက်သွားခဲ့ပြီးနောက် ရုတ်တရက်လှမ်းမေးလိုက်သည်
" ဒါနဲ့ ခင်ဗျားနဲ့အတူတောက်ဓမ္မကျင့်တဲ့အမျိုးသမီးက ဘယ်လိုသေသွားခဲ့တာလဲ "
ကျိုးယွဲ့ကခဏရပ်လိုက်ပြီး လှည့်ကြည့်ကာပြုံးသည်
" ငါ့ကြောင့်သေသွားခဲ့တာလို့ မင်းကိုပြောခဲ့ဖူးတယ် "
လင်းကျစ်ရန်က နှုတ်ဆိတ်နေပြီးသူ့ကိုသာကြည့်နေလိုက်သည်။ ကျိုးယွဲ့က လက်ဆန့်ကာ ဓါးတွင်ချိတ်ဆွဲထားသောပန်းပွားကိုလှမ်းကိုင်လိုက်ရင်းသူ့အမူအရာက လွမ်းဆွတ်နေသယောင်
" ငါကသန်မာချင်တယ်...အတားအဆီးတွေအကုန်ကျော်ဖြတ်ပြီချီရန်မသေမျိုးလောကကိုတက်လှမ်းရမယ်လို့ ကတိပြုခဲ့တယ်...ဒါပေမယ့် သူမကကျ အားနည်းတယ်...ငါထွက်သွားပြီးတဲ့နောက် သူမကို တစ်ယောက်တည်းထားခဲ့ဖို့စိတ်မချနိုင်ဘူး...ဒါကြောင့်သူမငါ့ရဲ့ဘေးမှာအမြဲရှိနေရအောင် ငါသူမကိုသတ်ပစ်ခဲ့တယ် "
စကားပြောပြီးနောက် သူကလည့်ထွက်သွားခဲ့သည်။လင်းကျစ်ရန်သည်နောက်ဆုံးတွင်တော့မကျိန်ဆဲပဲမနေနိုင်ပေ။ဟုတ်တယ်!ယဲ့လျှိုရင်နဲ့အတူရှိနေတဲ့လူမှန်သမျှဘယ်သူမှမကောင်းဘူး!အရှက်မရှိလိုက်တာ!
...........
ယဲ့လျှိုရင်က ကုလားထိုင်တွင်ထိုင်နေရင်း လက်ဖက်ရည်ခွက်ကိုမော့သောက်လိုက်ကာမျက်ခုံးပင့်လိုက်သည်
" ယဲ့အာအဆင်ပြေရဲ့လား "
ကျိုးယွဲ့ကတံခါးမှဖြည်းဖြည်းချင်းလျှောက်ဝင်လာခဲ့ကာ ရိုသေစွာပြုံးလိုက်သည်
YOU ARE READING
ဒီတစ်ခါလည်းဇာတ်လမ်းသွေဖည်သွားပြန်ပြီလား?(MyanmarTranslation)
FantasyJust a fan translation. Eng name- Did the affectionate love interest collapse today. cover pic from pinterest.credit to artist. Author- 即墨遥 စိတ်ကူးယဥ်ဝတ္တုတိုင်းတွင်shouဇာတ်ကောင်အားနှစ်သက်သဘောကျသည့်အရန်ဇာတ်ပို့Gongဆိုတာပါစမြဲ။Shouလေးကိုဇာတ်လိုက်Go...