Unicode.
ဒါ့အပြင် သူက လီယဲ့လည်းမဟုတ် ။ စုန့်ကျိုးမြို့၏ ဂိတ်ဝက ဘယ်မှာမှန်းတောင်မသိတာ ဘယ်နားသွားခိုးရမှန်းလည်းမသိပေ ။ တစ်ခုခုရှာမတွေ့ခင် သေအောင်အရိုက်ခံရမှာကြောက်သည် ။ ဒီအကြံက လုံးဝတွက်ချေမကိုက်သလို လက်တွေ့လည်းမကျဘူး ။
လမ်းလျှောက်နေရင်း နည်းလမ်းတစ်ခုခုစဥ်းစားကြည့်လိုက်သော် သူ့မျက်လုံးများက ရုတ်တရက်တောက်ပလာသည် ။
" တောထဲက သစ်သီးတွေကိုစားလို့ရတာပဲ "
ပြီးခဲ့တဲ့အခေါက်က သူလမ်းပျောက်ခဲ့သောတောအုပ်မှာ အတော်လေးကောင်းသည် ။ သူ အလောတကြီး ဖြတ်လျှောက်လာခဲ့ရပေမယ့် ရောင်စုံတောရိုင်းအသီးအနှံများကိုတော့ ရေးတေးတေး မှတ်မိနေသည် ။ လင်းကျစ်ရန်သည် တောတွင်းတွင်ရှင်သန်နိုင်မည့် နည်းလမ်းပေါင်းစုံကိုတွေးလိုက်ပြီး တိုက်ခိုက်ရေးစိတ်ဓာတ်နှင့် စိတ်ဝင်စားမှုများက တောက်လောင်လာသည် ။
လင်းကျစ်ရန်က စိတ်လှုပ်ရှားစွာ မေးလိုက်သည် ။
" Systemရေ ငါ အရင်တစ်ခေါက်က ရောက်ဖူးတဲ့တောအုပ်ဆီပြန်သွားချင်တယ်..မင်းလမ်းမှတ်မိလား..အဲ့မှာဆို စားစရာ အသီးအနှံတွေအများကြီးရှိတယ် "
[System - ကျွန်တော်မှတ်မိတယ်..ဒါပေမယ့် တောတွင်းက သစ်သီးရိုင်းတွေကိုတကယ်စားချင်တာလား..ချီရန်မသေမျိုးလောကက အဆင့်မြင့်ကမ္ဘာဖြစ်ခုဖြစ်ပြီး တောအုပ်ထဲမှာဆို အန္တရာယ်များတယ်..ဒီနေရာက ဝိညာဥ်အသီးအနှံတွေက အခန့်မသင့်ရင် အရမ်းအဆိပ်ပြင်းတာ..သာမန်လူတစ်ယောက်အဖို့ ဗိုက်ပုပ်သွားတာလောက်က အဆန်းမဟုတ်ဘူး]
လင်းကျစ်ရန်: ". .. "
ဒါက လင်းကျစ်ရန်အတွက် တကယ်ကိုမကောင်းပါ ။ ခိုးစားလို့မရ၊ လုစားလို့မရနှင့် နောက်ဆုံးတောထဲက သစ်သီးသစ်နှံတွေကိုပါ စားလို့မရလျှင်ဘာသွားစားရတော့မှာလဲ ။ ကိုယ့်ကိုယ်ကိုပြန်စားရမှာလား ။
[ System က ထပ်ဖြည့်ပြောသည် - ကျေးဇူးပြုပြီး လူကြီးမင်းမသိတဲ့အရာတွေကိုလျှောက်မစားမိပါစေနဲ့..တကယ်လို့ အန္တရာယ်ရှိမရှိ မသေချာရင် ကျွန်တော့်ကိုလာမေးပါ..အဖြေနဲ့ဝန်ဆောင်မှုတွေ ပေးလို့ရပါတယ်]
आप पढ़ रहे हैं
ဒီတစ်ခါလည်းဇာတ်လမ်းသွေဖည်သွားပြန်ပြီလား?(MyanmarTranslation)
काल्पनिकJust a fan translation. Eng name- Did the affectionate love interest collapse today. cover pic from pinterest.credit to artist. Author- 即墨遥 စိတ်ကူးယဥ်ဝတ္တုတိုင်းတွင်shouဇာတ်ကောင်အားနှစ်သက်သဘောကျသည့်အရန်ဇာတ်ပို့Gongဆိုတာပါစမြဲ။Shouလေးကိုဇာတ်လိုက်Go...
