ဒီတစ်ခါလည်းဇာတ်လမ်းသွေဖည်သွားပြန်ပြီလား?(MyanmarTranslation)

အပိုင်း(၂၈.၁)

Unicode.

မူယန်သည် မြင့်မြတ်သောတောင်ထွတ်ဖွင့်မည့် ကြုံတောင့်ကြုံခဲ ဖြစ်ရပ်မျိုးကို ကြုံတွေ့ရလိမ့်မယ်လို့ မထင်ထားခဲ့ပေ။ သူက လင်းကျစ်ရန်အား စိတ်အားထက်သန်စွာပင်မေးလာခဲ့လေသည်။

" ငါ့အတွက် သင့်တော်တဲ့ နတ်လက်နက်ကို ငါတကယ်ရှာတွေ့နိုင်မယ်လို့မင်းထင်လား "

လင်းကျစ်ရန်က တိတ်တဆိတ်တွေးလိုက်လေသည်။ဘယ်လို နတ်လက်နက်အမျိုးအစားလဲ?မင်းကိုင်ဆောင်ရမှာက သုံးလောကရဲ့ဖန်ဆင်းရှင်နတ်ဘုရားရဲ့ ဒဏ္ဍာရီထဲကနတ်လက်နက်ပဲကွ!မင်းအတွက် ရွှမ်းရန်က သူ့ရဲ့ကိုယ်ပိုင်နတ်ဓားကိုတောင်ပေးလိုက်တာ။

သူက မူယန်ကို နှစ်သိမ့်ပေးလိုက်သည်။

" မင်းရှာတွေ့မယ်လို့ငါယုံတယ် "

မူယန်က လင်းကျစ်ရန်ပြောတာကိုကြားသော် သိပ်ပြီးစိတ်မပူမိတော့။ပြီးတော့ သူက အကောင်းမြင်အတွေးရှိသည်။ ပိုကောင်းတဲ့ နတ်လက်နက်ရှာတွေ့နိုင်မလားဆိုတာ အရေးမကြီးပေ။ ထို့ကြောင့်သူက ပြုံးလိုက်ကာဆို၏။

" အင်း..ဟုတ်ပြီ "

ထိုညတွင်၊ လင်းကျစ်ရန်တစ်ယောက် အိပ်ရာပေါ်တွင် မှောက်လိုက် လှန်လိုက်နှင့် မျက်စိကြောင်နေလေသည်။ သုံးရက်ကြာပြီးနောက် မူယန်၏ ရင်သပ်ရှုမောဖွယ်စွမ်းဆောင်ရည်များအပေါ် စိတ်လှုပ်ရှားလို့နေသည်။မူယန်က ဓားကိုဆွဲနှုတ်နိုင်ခဲ့သည့်အချိန်တွင် ရွှမ်းရန်က သူ့ကိုတပည့်အဖြစ်လက်ခံကာ ထိုမှစ၍ သူက အခြေတည်ကျင့်ကြံမှု လမ်းကြောင်းပေါ်သို့ရောက်ရှိသွားလိမ့်မည်။သို့သော် မကြာခင်မှာပင်မူယန်ဟာ အနှီနှလုံးသားမရှိတဲ့အဖိုးကြီးကို ချစ်မိသွားခဲ့ပြီး ငယ်ငယ်ရွယ်ရွယ်နှင့် နတ်ဘုရားတစ်ပါးကိုတစ်ဖက်သက်ကြိုက်မိသွားခဲ့လိမ့်မည်ပင်။တစ်ဖက်သက်အချစ်၏ ပင်ပန်းမှုဒါဏ်ကို မူယန်တစ်ယောက်အလူးအလိမ့်ခံစားရမည်ကိုတွေးကြည့်ရင်း မတတ်နိုင်စွာဖြင့် စိတ်မကောင်းဖြစ်လာရပြန်၏။

မင်းဖေဖေက ဒါကိုလက်မခံနိုင်ဘူး!မင်းဘယ်သူ့ကိုမဆိုကြိုက်လို့ရပါတယ်..ဒါပေမယ့် ဘာလို့မင်းဆရာကိုမှကြိုက်သွားရတာလဲ။နတ်ဘုရားတွေက လူတစ်ယောက်ကို အလွယ်တကူသဘောကျမှာမဟုတ်ဘူး။ထားပါတော့..မင်းရဲ့ဒီဖေဖေက မင်းနဲ့ ရွှမ်းရန် ပေါင်းစည်းနိုင်အောင် အသက်ပဲသေပါစေ ရေကုန်ရေခမ်း​ကြိုးစားပေးမယ်ဟုတ်ပြီလား။ မင်းက သူ့ရဲ့အချစ်စစ်ဆိုတာ ရွှမ်းရန်သိလာစေရမယ်!