ညနေခင်းသွားရမည်ဆိုသော ညစာစားပွဲတစ်ခုကြောင့် မလိုက်ချင်ပေမယ့်လိုက်ရဉီးမည်မို့ မျက်နှာကတော့ ဆူပုတ်နေသည်။ ရှိုင်းသန့်ပို့ပေးထားတဲ့ ဝတ်စုံကိုဝတ်ကာ ရေမွှေးဆွတ်လိုက်သည်။
အောက်ထပ်ကိုဆင်းလာတော့ သီဟက အဆင့်သင့်ထိုင်စောင့်နေသည်။ အနားမှာသွားရပ်တော့ Tablet ကိုကြည့်နေရာမှ မော့ကြည့်လာသည်။
" သွားလို့ရပြီလား "
" ရပြီ "
ပြတ်တောင်းသောစကားနဲ့အတူ အရှေ့ကနေထွက်သွားသည်။ မင်းဝေဖွင့်ပေးထားတဲ့ကားပေါ်တက်ကာ နှစ်ယောက်သား ညစာစားပွဲရှိရာသို့ဉီးတည်လိုက်သည်။
Hotel ရှေ့ရောက်တော့ အထဲကိုဝင်ဖို့လုပ်နေသူအား သီဟဖမ်းဆွဲလိုက်သည်။
" ဘာလဲ မဝင်ဘူးလား "
" ကျွန်တော့်လက်ကိုကိုင်ထား "
" ဘာကိစ္စကိုင်ရမှာလဲ "
" ကျစ်! ခင်ဗျား.... "
သီဟ စိတ်မရှည်စွာဖြင့် ထွဋ်ခေါင်ရဲ့လက်နဲ့သူလက်အား ယှက်ကာ ဆုပ်ကိုင်လိုက်သည်။ အလိုမကျမှုများနဲ့ဖြစ်နေသော ထွဋ်ခေါင်ကတော့ မျက်နှာက ဆူပုတ်ပုတ်သာ။
စီးပွားရေးလုပ်ငန်းရှင်တော်တော်များများရောက်နှင့်နေကြပြီဖြစ်ပြီး နှစ်ယောက်သား လက်ချင်းယှက်ကာဝင်လာတာကြောင့် မမြင်ဖူးသည့်အတိုင်းကြည့်နေကြသည်။
" ဒီက သီဟမင်းထင်လားမသိ "
အနောက်က ခေါ်သံတစ်ခုကြောင့် လှည့်ကြည့်မိလိုက်သည်။
" ဟုတ်ပါတယ်ဗျ "
" ငယ်ငယ်လေးပဲ ရှိသေးတာပဲ "
" ဒါနဲ့ ဒီဘက်က "
" ကျွန်တော့်ခင်ပွန်း မြတ်ထွဋ်ခေါင်ပါ "
" လူငယ်လေးနှစ်ယောက်ဆိုတော့ အများကြီးအောင်မြင်နေတာပဲ Congratulations!"
" ကျေးဇူးပါဗျ "
တစ်ယောက်ချင်း လာမိတ်ဆတ်ကြတာမို့ မပြုံးချင်ပဲ ပြုံးရသေးသည်။
" ဘာသောက်မလဲ "
" ငါ သောက်ချင်တာကို မင်းတိုက်မှာလား "
YOU ARE READING
မောင့်မူပိုင် (Completed)
RomanceMarriage Life လေးကို ပုံဖော်ထားပါတယ်။ သွေးထက်သံယိုဖြစ်ခြင်းများအနည်းငယ်ပါနိုင်ပါသည်။ စိတ်ကူးယဉ်ဇာတ်လမ်းတစ်ပုဒ်ဖန်တီးထားတာဖြစ်တဲ့အတွက် လက်တွေ့နဲ့ မသက်ဆိုင်ပါဘူး။ sweet တဲ့အပိုင်းပိုသွားမှာမို့ သဘောမကျပါက ကျော်သွားပေးဖို့ တောင်းဆိုပါရစေ။
