" မောင့်ကို လွမ်းတယ် "
စကားကလေးက ဘာမှမဟုတ်ဘူးလို့ထင်ရပေမယ့် သီဟရင်ထဲဝယ် ဗြောင်းဆန်သွားသည်။ ချစ်တယ်၊လွမ်းတယ်ဆိုတဲ့စကားကို လွယ်လွယ်မပြောတတ်တဲ့သူက အခုတော့ လွမ်းသည်တဲ့။ မျက်ရည်ကျခဲတဲ့သူကလွမ်းလို့ဆိုကာမျက်ရည်ကျနေပြန်သည်။
ရူးအောင်များပြုစားနေသလားချစ်ရသူ။
" သဲငယ်ကွာ! "
" ငါ့ကိုရော လွမ်းရဲ့လား "
" ဘယ်လိုများမေးလိုက်တာလဲ၊ ဒီကောင်ကသေမတတ်လွမ်းနေရတာ၊ အချစ်ရဲ့ မောင်ဆိုတဲ့ခေါ်သံကြောင့်မလာအောင်ထိန်းချုပ်ထားရတာ "
" ငါ ငါဘာဖြစ်မှန်းမသိဘူး၊ ငါ မောင့်ကိုလွမ်းတယ် "
" မငိုပါနဲ့ဗျာ၊ အရမ်းများပင်ပန်းနေလား၊ မောင်ဆက်လုပ်လိုက်ရမလား "
" ဟင့်အင်း ငါ့ဘာသာငါအဆုံးသတ်လိုက်မယ်"
" ဟိုကိစကိုခေါင်းထဲကထုတ်လိုက်တော့နော်၊ မောင်ရှင်းပေးမယ်"
" အင်း "
မျက်နှာလေးငယ်ကာ မြင်ရသည်မို့ ပြေးကာသွားတွေ့ချင်မိသည်။ မျက်နှာထက်ကမျက်ရည်တွေကိုလည်း ကိုယ်တိုင်ဖယ်ရှားပေးချင်မိသည်။ ချစ်ရသူရဲ့မျက်ရည်အား ဘယ်အကြောင်းကြောင့်ပဲဖြစ်ဖြစ်မမြင်လိုပါ။
" နားဉီးလေ ပင်ပန်းလာတယ်မလား "
" မောင် အိပ်ချင်လို့လား "
" မဟုတ်ပါဘူး သဲငယ်ပင်ပန်းနေတယ်ထင်လို့၊ မောင်စောင့်ဆိုစောင့်ပေးမယ်လေ "
" အင်း စောင့်ပေး"
ထိုစကားကြောင့် သီဟ အသည်းယားလာသည်။ ခွဲနေရတဲ့အချိန်လေးမှာ ချစ်ရသူစီက မကြားဖူးတာတွေကြားနေရသည်။
" မောင်! "
" ဗျာ "
" မောင် ငါ့ကို လှောင်နေတာမလား "
" ဟောဗျာ မလှောင်ရပါဘူး၊ "
" အဲ့တာဆို ဘာလို့ပြုံးနေတာလဲ "
" သဲငယ်ကိုချစ်လို့ "
" ဟမ် ဘာဆိုင်လို့"
" အချစ်တွေကြောင့် ပြုံးမိတာပေါ့ဗျာ၊ သဲငယ်သိလား မောင်ကလေ အရင်ကလူဆိုးလူကြမ်းပေါ့၊ ဒါပေမယ့် သဲငယ်နဲ့တွေ့ရပြီးနောက်ပိုင်း မောင်လူဆိုးလူကြမ်းလုပ်ရတယ်ထက် သဲငယ်ကိုသဘောကျရတဲ့အလုပ်ကို ပိုပြီးသဘောကျတယ်"
YOU ARE READING
မောင့်မူပိုင် (Completed)
RomanceMarriage Life လေးကို ပုံဖော်ထားပါတယ်။ သွေးထက်သံယိုဖြစ်ခြင်းများအနည်းငယ်ပါနိုင်ပါသည်။ စိတ်ကူးယဉ်ဇာတ်လမ်းတစ်ပုဒ်ဖန်တီးထားတာဖြစ်တဲ့အတွက် လက်တွေ့နဲ့ မသက်ဆိုင်ပါဘူး။ sweet တဲ့အပိုင်းပိုသွားမှာမို့ သဘောမကျပါက ကျော်သွားပေးဖို့ တောင်းဆိုပါရစေ။
