" တောက်စ်!!!! "
တစ်ဖက်တွင် ပြန်ကြားရသော စကားတွေကြောင့် ဒေါသထွက်နေသည်။ တစ်ယောက်တည်း Bar ကို လာလောက်မည်ဟုတွေးကာ အခုလိုကြံစည်လိုက်ခြင်းဖြစ်၏။
" ဘာလို့ ဒီနေ့မှ နှစ်ယောက်လုံးရှိနေရတာလဲ!!! "
ခုံကို ဘုန်းခနဲမြည်အောင်ရိုက်ချလိုက်တာမို့ အရှေ့က သူတွေမှာလည်းတုန်လှုပ်သွားသည်။ အခန်းတွင်းဒေါသထွက်နေသူမှာ တခြားသူတော့မဟုတ် မင်းမြတ်စိုးဖြစ်သည်။
မင်းမြတ်စိုးနဲ့ သီဟမင်းထင်ဟာ စီးပွားရေးပြိုင်ဖက်ဖြစ်သလို ငယ်စဉ်ကျောင်းသားဘဝကတည်းက အမြင်မကြည်ကြတဲ့ရန်သူများဖြစ်သည်။ ဒါကိုလည်း မြတ်ထွဋ်ခေါင် သိပြီးသားဖြစ်သည်။
မင်းမြတ်စိုးရဲ့ ပြိုင်ဆိုင်လိုစိတ်က ထက်သန်နေတာကြောင့် အခုလိုဖြစ်နေရသည်။ သို့သော်သူကိုယ်တိုင်ကတော့မသိပေ။
" မင်းတို့တွေ အသုံးကိုမကျဘူး!!! "
* ဒီတစ်ခေါက်တော့ ရှိစေတော့၊ နောက်မှတွေ့ကြတာပေါ့ *
...................
မနေ့ညက နှစ်ယောက်လုံးသောက်ထားတာကြောင့် အချိန်နောက်ကျနေပြီဖြစ်သော်လည်းမထကြပေ။
ခုံပေါ်က မြည်လာတဲ့ ဖုန်း vibrate သံကြောင့် သီဟ နိုးလာသည်။ ဖုန်းကိုကိုင်လိုက်တော့
" သား "
" ပြော မာမီ "
" ဒီနေ့ သားတို့နှစ်ယောက် အိမ်လာခဲ့ပါလားလို့ "
" ကျွန်တော် အစ်ကို့ကို တချက်မေးကြည့်လိုက်မယ် "
" အေးပါကွယ် လာဖြစ်အောင်တော့ပြောကြည့်နော် "
" ဟုတ်ကဲ့ "
သီဟဖုန်းကိုချကာ ဘေးကိုကြည့်မိတော့ ထွဋ်ခေါင်က အိပ်မောကျနေဆဲဖြစ်သည်။ မနှိုးသေးပဲထားထားလိုက်သည်။
မျက်နှာသစ်သန့်စင်ပြီးနောက် အောက်ထပ်ကိုဆင်းလာတော့
" Boss မနက်စာစားတော့မလား "
" မစားတော့ဘူး ပျားရည်လေးတစ်ခွက် ကျွန်တော့်ကိုပြင်ပေးမလား "
" ဟုတ်ကဲ့ "
" မင်းဝေ "
" ဗျာ Boss "
YOU ARE READING
မောင့်မူပိုင် (Completed)
RomanceMarriage Life လေးကို ပုံဖော်ထားပါတယ်။ သွေးထက်သံယိုဖြစ်ခြင်းများအနည်းငယ်ပါနိုင်ပါသည်။ စိတ်ကူးယဉ်ဇာတ်လမ်းတစ်ပုဒ်ဖန်တီးထားတာဖြစ်တဲ့အတွက် လက်တွေ့နဲ့ မသက်ဆိုင်ပါဘူး။ sweet တဲ့အပိုင်းပိုသွားမှာမို့ သဘောမကျပါက ကျော်သွားပေးဖို့ တောင်းဆိုပါရစေ။
