KATAHIMIKAN
Hindi kita gusto.
Wala akong pagtingin sa'yo
Pero bakit nalulungkot ako sa hindi mo pagkibo,
Nasasaktan ako sa hindi mo pagpansin sa presensya ko?Narinig ko sa iba na ikaw ay mayroon nang gusto.
Biglang may pagkirot sa aking puso.
Hindi ko naman dapat maramdaman ito
Kasi magkaibigan lang tayo.Pero bakit ganito?
Hinahanap ko ang pangungulit mo?
Ang boses mo at mga kwento mo?
Bakit kailangan mong magbago?Tatanggapin ko naman kung pagsasabihan mo ako.
O kung hihilingin mo na ako ay lumayo.
Hindi yung ganito, sinasaktan mo ako.
Dapat ba na ganito ang katapusan ng ating kwento?Oo magkaibigan lang tayo.
Pero karapatan ko naman sigurong may marinig mula sa'yo.
Hindi dahil sa makasarili ako
Kundi dahil nadudurog ako sa katahimikang ito.
YOU ARE READING
Isang Daang Patak Ng Tula (COMPLETED)
PoetryIto ay antolohiya ng mga tula na tungkol sa pagmamahal, pagkasawi, pagpapaubaya, pagpapalaya at paghilom. Ang bawat pagpatak ng luha ay may katumbas na isang tula. Nawa'y magustuhan at maantig ang puso niyo sa mga tulang ito. Magawa sanang mayakap a...