Unicode
~~🏞ငွေမြို့တော်မှ
အမုန်းမြို့ရိုး🏞~~
အပိုင်း(၁၂)
"ဟူး..."
စိမ့်ခနဲ့ဖြစ်အောင်တိုးဝင်လာသည့်လေအေးကြောင့် မယ်ဖျပ်ခနဲ့လန့်နိုးလာသည်။ ရွက်ဖျင်းတဲအပေါက်ဟနေသဖြင့် ဘေးတစ်ဖက်ကိုကြည့်လိုက်တော့ အိပ်ယာထက်တွင် သိင်္ဃရှိမနေ။ သူအပြင်ထွက်သွားသည်လား..။
တွေးနေစဉ်မှာ ခပ်သဲ့သဲ့ကြားလိုက်ရသည့် စကားသံများကြောင့် မယ်အပြင်ဘက်သို့ အသာချောင်းကြည့်လိုက်၏။ ညည့်နက်ချိန်ခါမို့ ပတ်ဝန်းကျင်ကာ မှောင်မိုက်နေသည်။ မှိန်ဖျော့ဖျော့ လရောင်အောက်တွင် တွေ့လိုက်ရသည်က သိင်္ဃနှင့်သီဟ။
ဒီအချိန်ကြီး သူတို့ဘာလုပ်နေကြသလဲ...။
မယ်တအံ့တဩဖြစ်သွားရသလို စိတ်ဝင်စားမိသွား၏။ ထိုခဏ သူမထံခပ်သဲ့သဲ့ပျံ့လွင့်လာသည့်စကားများ..။
"ဘာပြောတယ် မိန့်ခွန်းအာဏာတို့လိုက်လာနေတယ်ဟုတ်လား..."
"................. "
"သေချာတယ်လား ကျေးဌက်"
".................. "
သူဘယ်သူနှင့်ပြောနေပါလိမ့်။ အပေါ်ကိုမော့ကြည့်လျက် တစ်ယောက်တည်းစကားတွေဆိုနေသည်မှာထူးဆန်းလှသည်။ သို့သော် မိန့်ခွန်းအာဏာဆိုသည့်ကိုကြီးနာမည်ကိုကြားလိုက်ရသဖြင့် မယ်စိတ်ဝင်စားသွားပြီး အသာနားစွင့်မိသည်။
"ဒါဆိုမိန့်ခွန်းကရွက်လှေနဲ့ရေစီးကြောင်းကို ဖြတ်ကျော်လာခဲ့နိုင်ပြီပေါ့လေ အဟွန်း ရွက်လှေကိုတောင်ပင့်ခေါ်ပြီး လျှိုဝှက်လမ်းကနေမြစ်ကြောင်းတံခါးကိုဖြတ်ကျော်နိုင်တယ် တော်သားပဲ.."
ချီုးကျူးတာလည်းမဟုတ်ဘဲနှင့် သူ့မူပိုင်အတိုင်းခပ်ရွဲ့ရွဲ့ဆိုနေသည်။ အတော်အမြင်ကတ်ဖို့ကောင်းသည့်လူ..။
"သူတို့ကိုအကဲခတ်ကြည့်ထား ငါတို့နောက်လိုက်မီဖို့ကအဝေးကြီးမို့ စိတ်ပူစရာမရှိပေမဲ့ တစ်ခုခုထူးခြားရင် ငါ့ကိုလျှောက်တင်ပါ"
".............."
"ပြီးတော့.. ကျေးဌက်လေး မိန့်ခွန်းက မင်းနဲ့တွေ့ဆုံဖူးတယ် သတိထားပါ မင်းကအပြင်ပန်းကကြည့်ရင်သာမာန်ဌက်တစ်ကောင်ပဲမို့ အလွယ်တကူသတိမပြုနိုင်ပေမဲ့ မိန့်ခွန်းကိုလျော့တွက်လို့ မရဘူး အရမ်းဉာဏ်ပြေးပြီးပါးနပ်တယ်"
YOU ARE READING
ငွေမြို့တော်မှ အမုန်းမြို့ရိုး
Fantasyသိပ်လှတဲ့ ဒီနေရာလေးကို ငွေမြို့တော်လို့ ခေါ်တယ်... သူကတော့မြို့တော်ကိုကာကွယ်ပေးတဲ့ မြို့ရိုးတစ်ခုနဲ့ တူတယ် ကျွန်မအတွက်တော့ အမုန်းမြို့ရိုးပေါ့... သိပ္လွတဲ့ ဒီေနရာေလးကို ေငြၿမိဳ႕ေတာ္လို႔ ေခၚတယ္... သူကေတာ့ၿမိဳ႕ေတာ္ကိုကာကြယ္ေပးတဲ့ ၿမိဳ႕႐ိုးတစ္ခ...
