Unicode
~~🏞ငွေမြို့တော်မှ
အမုန်းမြို့ရိုး🏞~~
အပိုင်း(၇၀)"ဆရာ.. မြေခွေးတွေကို နယ်စပ်မှာ အယောင်ပြထားခိုင်းလိုက်ပါပြီ "
မိုက်ကယ်စကားကြောင့် မိန့်ခွန်းခေါင်းညိတ်လိုက်ပြီး
"ကောင်းပြီ သူတို့ကိုဆက်အယောင်ပြခိုင်း တစ်ယောက်ယောက်လာခဲ့ရင် ပုန်းနေဖို့ပြော အခုက တိုက်ဖို့မဟုတ်ဘူး အာရုံလှည့်စားဖို့အတွက်ပဲ နားလည်လား.."
"ဟုတ်ကဲ့ ကျွန်တော်အသေအချာပြောထားပါတယ် ဒီကောင်တွေကရိုင်းပေမဲ့ အခုချိန်ကသူတို့ခေါင်းဆောင်အဖမ်းခံထားရတယ်ထင်ပြီး ကျွန်တော်တို့အပေါ်အားကိုးယုံကြည်နေပါတယ် တစ်ခုပဲ အရမ်းသွေးဆူနေကြလို့ အကြာကြီးတော့ငြိမ်ခိုင်းလို့ရမယ်မထင်ဘူး အခုထက်ထိတော့ ကျွန်တော်တို့ပြောစကားတွေကို လက်ခံပါသေးတယ်"
"ငါသိပြီ စိတ်မပူနဲ့ သိပ်မကြာတော့ပါဘူး ငါကသေဆိုသေ ရှင်ဆိုရှင်ဖြစ်လာတဲ့အထိ ငါ့စကားကိုတစ်သွေမသိမ်းနားထောင်လာတော့မှာပါ "
မိန့်ခွန်းကသူ့အဓိပ္ပာယ်နှင့်သူဆိုပြီးနောက် ကျေနပ်စွာပြုံးလိုက်ကာ..
"မင်း ငါနဲ့လိုက်ခဲ့ ငါတို့ငွေမြို့တော်နယ်မြေထဲ ဝင်ရမယ်"
"ဟုတ်ကဲ့ဆရာ..."
မိုက်ကယ် သူ့ဆရာခေါ်ရာနောက်လိုက်ခဲ့သည်။ မိန့်ခွန်းကာ အရှေ့နယ်စပ်၌မြေခွေးတွေကို အယောင်ပြခိုင်းထားပြီး ထိုဘက်ကိုငွေမြို့တော်ကလူတွေအာရုံစိုက်နေစဉ် သူကတော့ အနောက်ဘက်မှနေ၍ ငွေမြို့တော်နယ်မြေထဲသို့ခိုးဝင်လာခဲ့၏။ သူ့တွင် မိတ်ဿရထံမှသိမ်းဆည်းထားသောငွေမြို့တော်၏နယ်မြေလမ်းကြောင်းမြေပုံရှိနေသဖြင့် ငွေမြို့တော်ထဲကို ခိုးဝင်ရသည်က သိပ်မခက်ခဲလှပါ။
သို့နှင့် သူတို့ငွေမြို့တော်၏နယ်မြေအတွင်းသို့ လျှို့ဝှက်စွာခိုးဝင်လာခဲ့ကြသည်။ ငွေမြို့တော်နယ်နမိတ်ထဲရောက်တော့ မိန့်ခွန်းဦးတည်သွားခဲ့သည်ကတားမြစ်ဂူ..။
ဟုတ်သည်...။ အနက်ရောင်မန္တန်တွေ ပြည့်နှက်နေသော တားမြစ်နေရာ။ တစ်ချိန်က ထိုနေရာ၌ သူသည် ကြောက်စရာကောင်းသော အနက်ရောင်စည်းကိုချိုးဖောက်လျက် ငွေမြို့တော်ကို သွေးစွန်းစေခဲ့သည်မဟုတ်လား။
YOU ARE READING
ငွေမြို့တော်မှ အမုန်းမြို့ရိုး
Fantasyသိပ်လှတဲ့ ဒီနေရာလေးကို ငွေမြို့တော်လို့ ခေါ်တယ်... သူကတော့မြို့တော်ကိုကာကွယ်ပေးတဲ့ မြို့ရိုးတစ်ခုနဲ့ တူတယ် ကျွန်မအတွက်တော့ အမုန်းမြို့ရိုးပေါ့... သိပ္လွတဲ့ ဒီေနရာေလးကို ေငြၿမိဳ႕ေတာ္လို႔ ေခၚတယ္... သူကေတာ့ၿမိဳ႕ေတာ္ကိုကာကြယ္ေပးတဲ့ ၿမိဳ႕႐ိုးတစ္ခ...