Unicode
~~🏞ငွေမြို့တော်မှ
အမုန်းမြို့ရိုး🏞~~
အပိုင်း(၇၈)
"မိန့်ခွန်းအာဏာရောက်လာခဲ့တာပဲ.."
အမှုထမ်းနှစ်ယောက်၏လျှောက်တင်စကားကိုကြားသည်နှင့် သိင်္ဃ့အရုပ်ကြိုးပြတ်ထိုင်ရင်း မချင့်မရဲရေရွတ်မိသည်။
ယူကြုံးမရဖြစ်နေသည့်သူအရှင်ကိုကြည့်ပြီး သီဟကစိတ်မကောင်းစွာနှင့်
"အရှင် နန်းတော်ကိုပဲအရင်ပြန်လိုက်ပါလား.. ကျွန်တော်နတ်မိမယ်ကို လိုက်ရှာပေးပါမယ်"
"မဖြစ်ဘူး ငါကိုယ်တိုင် သူ့ကိုလိုက်ခေါ်မယ်.."
"အရှင်..မလိုက်ပါနဲ့ အခုချိန်မှာအရှင့်စိတ်တွေက တော်တော်ပင်ပန်းထားပါတယ် အနားယူဖို့လိုအပ်နေတယ် ဒါကြောင့်ကျွန်တော်ပဲ သွားပါရစေ.. ဘယ်လိုပဲဖြစ်ဖြစ်ကျွန်တော်နတ်မိမယ်ကိုရအောင်ခေါ်လာမှာပါ ဒီမနက်မိုးရွာထားတော့ သူတို့ဝေးဝေးမရောက်လောက်သေးပါဘူး"
သီဟ၏ဖျောင်းဖျစကားကို သိင်္ဃ့ကလက်ခံလိုဟန်မရှိဘဲ..
"မိန့်ခွန်းအာဏာနဲ့ မင်းတစ်ယောက်တည်း ရင်ဆိုင်တာ အန္တရာယ်များတယ်သီဟ ပြီးတော့ ဒါငါတို့ကြားက ရှင်းရမဲ့ကိုယ်ရေးကိုယ်တာ ပြသာနာပါ ငါလိုက်ခဲ့မယ်.."
"အရှင့်မှာမြို့တော်အရေးကိစ္စရှိပါသေးတယ် အခုမြို့တော်ဟာကြောက်စရာကောင်းတဲ့အန္တရာယ်ကြားထဲရောက်နေပါတယ် ဒါကိုဖြေရှင်းဖို့ကအရှင်တစ်ယောက်ပဲစွမ်းသာနိုင်တဲ့အတွက် နန်းတော်ကိုပဲ ပြန်လိုက်ပါ နတ်မိမယ်ကိစ္စကို ကျွန်တော့်တာဝန်ထားပါ.."
သီဟစကားကာသင့်လျော်သည်မို့ သိင်္ဃ့လည်းစိတ်လျှော့လိုက်သည်။ ဟုတ်သည်.. မြို့တော်အတွက်အလျင်အမြန်ဖြေရှင်းရမဲ့ ပြသာနာကြီးတစ်ရပ်ကရှိနေသည်ပဲ။ သိင်္ဃ့မျက်နှာမသာမယာနှင့်
"ကောင်းပြီ.. နတ်မိမယ်ကိုပြန်ခေါ်လာနိုင်ဖို့ မင်းကိုပဲအားကိုးယုံကြည်လိုက်မယ် သီဟ.."
"စိတ်ချပါအရှင်.. ကျွန်တော်အရှင့်အတွက် နတ်မိမယ်ကို မရရတဲ့နည်းနဲ့ခေါ်လာပေးပါ့မယ်"
YOU ARE READING
ငွေမြို့တော်မှ အမုန်းမြို့ရိုး
Fantasyသိပ်လှတဲ့ ဒီနေရာလေးကို ငွေမြို့တော်လို့ ခေါ်တယ်... သူကတော့မြို့တော်ကိုကာကွယ်ပေးတဲ့ မြို့ရိုးတစ်ခုနဲ့ တူတယ် ကျွန်မအတွက်တော့ အမုန်းမြို့ရိုးပေါ့... သိပ္လွတဲ့ ဒီေနရာေလးကို ေငြၿမိဳ႕ေတာ္လို႔ ေခၚတယ္... သူကေတာ့ၿမိဳ႕ေတာ္ကိုကာကြယ္ေပးတဲ့ ၿမိဳ႕႐ိုးတစ္ခ...
