🍯🍯🍯
Isang oras matapos kong makapagbihis ay may kumatok sa pinto ng kwarto ko, pagbukas ko nakita ko siya may bitbit na spaghetti sa isang kamay at isang basong tubig.
“Matutulog ka na?” Tanong niya.
“Hindi pa,”
Tumabi ako sa gilid. “Pasok ka.”
Dumiretso siya sa kama at inilapag ang mga dala saka sumampa, isinara ko ang pinto.
“Bakit hindi ka pa nakakapagbihis?” Puna ko.
Napatingin siya sa sarili niya. “Oo nga pala, katatapos lang kasi namin magkwentuhan nila ate Hannah e.” Tiningnan niya ako. “Peram damit?”
“Kumuha ka sa closet.” Naupo ako sa silya, bumaba naman siya sa kama at dumiretso sa closet saka pumasok sa banyo.
Paglabas niya suot na niya ang shirt at pants ko. “Napaisip ako,” bungad niya habang tinutuyo ang buhok. “Bakit nga ba ni minsan hindi kita narinig na sumigaw?”
“Saan mo naman napulot 'yan?”
“Ibinulong sa'kin no'ng sabon sa banyo.”
“Hindi ako sumisigaw,” panimula ko habang nakatingin na sa binabasa. “Hindi kita magagawang pagtaasan ng boses o sigawan galit man ako o hindi.”
“Bakit?”
“Do you want someone na sisigawan ka dahil lang magkaaway kayo, may nagawa kang hindi maganda o galit sa'yo?” Tiningnan ko siya.
Umiling siya. “Syempre hindi.”
“Exactly, baka sapakin mo lang ako kapag sinigawan kita.”
“Takot kang masapak ko?”
Umiling ako. “Again, hindi kita magagawang pagtaasan ng boses o sigawan, galit man ako o hindi dahil nirerespeto kita.”
“Kasi crush mo ko?”
“Kasi babae ka.” Pagtatama ko.
Kumurap-kurap lang siya saka itinuloy ang ginagawa. Pagkatapos ay sumampa siya sa kama, nagsimula siyang kumain habang ipinagpatuloy ko ang pagbabasa.
Saglit siyang bumaling sa akin at sinubuan ako. “Handrex,”
“Hmm?” Tiningnan ko siya.
“Pwede ba akong magtanong?”
“Bakit kailangan mo pang magpaalam?”
“E baka kasi focus na focus ka sa binabasa mo.”
Isinara ko ang libro. “Hindi, ano ba ‘yon?”
“Why do you have to do that?” Puna niya.
“Alin?” Pagmamaang-maangan ko kahit pa alam ko ang tinutukoy niya.
“Ayan,” iminuwestra niya ako. “Sabi nila hindi ka daw naiistorbo kapag focus ka sa binabasa mo.”
Napabuntonghininga ako. “Hindi ba't sabi ko, tigilan mo na ang kasusunod sa mga test nila.”
“Can't help it, nac-curious din kasi talaga ako kung ano ang sagot sa mga iniisip nila e.”
“If you have questions or anything that bothers you, just ask right away. You don't have to rely on them just to know the answer.”
Napatango-tango siya. “Noted, pero bakit nga?”
Inilapit ko siya sa akin. “Ang libro pwedeng-pwede kong balikan anumang oras para tapusin pero 'yong mga thoughts at questions mo, hindi.”
YOU ARE READING
Happiness
Teen FictionHanggang kailan mo kayang maghintay kung sa tuwing babalikan ka niya ay palagi ka rin niyang iniiwanan? Handrex Cruise, kilala siya ng halos lahat hindi lamang dahil sa apelyedong nakakabit sa pangalan niya o ang biglaang paghihirap ng angkan niya...
