The white lotus ( Complete )

තෙවන දිගහැරැම. .

මෙය මාගේ මනඃකල්පිතයක් පමණි. සැබෑ ජීවිතයේ අයවලුන් හා ඒහා සබැදි ස්ථාන මෙම කථාංගයට කිසිදු සබදතාවක් නොමැති බැවින් ඒවා සම්බන්ධ කර නොගන්න.

බස් එකෙන් බැහැල ගෙදරට ආව මම ඉස්සෙල්ලම දැක්කෙ පුංචි කාලෙ මම ඉස්කෝලෙ ඇරිල එනකම්ම මග බලන් උන්න ඒ ඇස් දෙකමයි....මගෙ සුදු ආච්චි ... වෙනද වගේම අදත් මන් එනකන් දොරකඩ ලගට ඇවිත් රෝද පුටුවට වෙලා බලන් ඉන්නවා. ........ ඇත්තටම වයසත් එක්ක ඒ ඇකිලිල ගිය පපුවෙ තාමත් මට උතුරන්න තරම් වෙනසක් නැතුව ආදරේ තිබුන ......

*************************************

" සුදු ආච්චිට මම කී සැරයක් කියල තියෙනවද මං එනකන් බලන් ඉන්න එපා කියලා. ..... ඔයා හොද නෑ සුදු ආච්චි. ...... සීය තාත්තා තාම ආවෙ නැද්ද ?"

"අදත් ටිකක් රෑ වෙයි කීව දරැවො..... දවල් ඇවිත් කාල එහෙම ගියේ. ...... වලව්වෙමැණිකෙ කීවයි කිව්වෙ කාමරයක් අස්පස් කරල දෙන්න කියල ..... වික්‍රමසිංහ හාමුගෙ පුතා ඇවිත්ලු ..ඒකයි මේ හදිසියේම කාමරය අස් කරන්න කියල තියෙන්නේ. ........"

"කවුරු. ..... සුදු ආච්චි ඔය කියන්නේ කා ගැනද...... "

"උඹට මතක නැතුව ඇති දරැවො. ..... කොහොමත් පුංචි හාමු මෙහෙන් යද්දී අවුරුදු දහයක් විතර මයෙ හිතේ ..... ශිෂ්‍යත්වෙ ඉහලින්ම පාස් උන නිසා කොලඹ ලොකු ඉස්කෝලෙකට ගියානෙ.....දැන් දොස්‌තර මහත්තයෙක්. .........."

" එහෙමද. ........ ...... වලව්වෙ හාමු වගේම ඇති එහෙනම්........ .......සුදු ආච්චි මම ගිහින් සීය තාත්තට උදව්වක් කරල එන්නම්. ........නැත්තන් එන්න ගොඩක් රෑ වෙයි...... "

" අනේ දරැවො ආව විතරයිනෙ ...... මහන්සිත් ඇති...... ."

"ඒකට මොකද. ..... "

හෙම්බිරිස්සාවට ද මන්දා මගෙ ඔලුවත් ටිකක් රිදුන උනත් ඇදන් හිටිය ඇදුම ගලවල ඇදුමකුත් දාගෙන මම වලව්ව පැත්තට ගියා............ ඇත්තටම වලව්වෙ මිනිසුන්ට උතුරන්න සල්ලි තිබුනත් උන්ගෙ හිත්වල මනුස්සකම කියන එක ගෑවිලවත් තිබුනෙ නෑ...... තිබුනන් තිබුනෙ මහ ලොකු වලව් කාරයො කියන පුහු මානය විතරයි ........ මොනව උනත් ගමේ ජීවත් උන අපි වගේ දුප්පත් මිනිස්සු එදා වගේම අදත් වලව්වට කඹුරනව............ මං එද්දීම වලව්වෙ හාමිනේ ගෙයි මිදුලට වෙලා බලන් උන්න........ එදා වගේම වෙනස් නොවුනු ඒ ඔසරි පොට හරි මාන්නෙන් අතට ගත්ත වෙනකොට මම ඒ දිහා බලන් උන්න. ....... උන් කරේ හැමදාම උන්ට ඉහලින් යන්න ගිය එවුන්ව පහලට ඇදල දාපු එක මිසක් අඩුම තරමේ එදා වේල හොයාගෙන කන මිනිස්සු කියලවත් නොබල උන්ව තවත් තලා දාපු එක විතරයි.................