حطام 💔مكتملة💔

💔61💔

🔥حطام🔥
🖤شرارة انتقام🖤
الجزء :61
لداخل فالفيلة
نزلات هي ونارة وجلسو يفطرو ماشافتش حتى لجيهتو كتاكل بهدوء بحالا تاحاجة ما وقعات من داك الحرب لي دوزو
لبارح .. كان كيشرب من قهوتو ببرود كتر منها مرة مرة كيرمقها بنظرة ويتفحص ملاميحها عارف شي حاجة كدور فراسها
حيت هي ماشي من النوع لي كيتبت ويستسلم .وكيفكر فلقرار لي تاخدو من بعد تفكير طوييل خلاه يسهر نص دالليل ..هدا
هو الحل سلا قهوتو فاش وصلو ميساج قراه وشاف فيها:غنتسناك نتي ونارة فطموبيل
شافت فيه شوفة ناقصة :علاش
وقف وهو غادي جهة لباب:ماتعطلوش
دوات ببرود : مغادييين فين ..
وليد وقف وهو عاطيها بالضهر غيجاوبها حتا كتوقف عليها نارة شاداها من يديها كتترجاها بعيونها : عافاك مبغيتش نبقا
فالدار ..
طولات فيها الشوفة وفنفس الوقت دوراتها فراسها .. حسن ليها تخرج ولا تبقا فهاد 4 دالحيوط والنگير ديال جداه كثر منو
نييت لا كانت برا غتقدر تعصبو كثر وكيفما بغات ..
طلعات بدلو عليهم لبسات حجابها هازة الصاك فيديها .. ولبسات لبنتها حوايج السخان على قبل البرد مع جاكيط وهبطو
سبقاها نارة وهي كل تفكيرها كيفاش غتقدر تنتاقم منو ..
لقاتو قدام طموبيل قرب لنارة بابتسامة هي غير كتشوف فيه وتحاول تفهم شنو كيدير وليد :اجي معايا
نارة بتررد هزات راسها فماريا لي حركات ليها راسها ب اه عاد مدات يديها ليه طلعها لسيارة اللور دار ليها حزام الأمان ومشى
لبلاصتو طلع وماريا باقا واقفة بلاما تتحرك ... نزل الزاج ونطق وليد:كتسناي لعراضة ولا شنو قلبات عينيها وتمات غادية باغا
طلع لوور حدا نارة حتى قفزات على صوت لكلاكصون
فهمات قصدو صبرات راسها بزز كتوعدلو بالشر مبغاش تناقش معاه رجعات لبلاصة حداه .. طلعات بقاو عينيه عليها حتى
دارت السمطة عاد كسيرا ومرة مرة يرمي عينو لنارة وهوا مبتاسم ماريا عينيها على الطريق مدياهاش فلي حداها وعينيه
غيكلوها ولكن فمو مكينطق بوالو
مارياا مدورة وجهها للجيهة لاخرة كتشوف لبرا الطوموبيل .. وعيونهاا مكينطقو من لي فبالها .. يمكن هادا هو هدووء ما قبل
العاصفة
مسافة طريق حتا كيوقفو حدا واحد المبنا كبييير زجاجييي بلاصا لوطو ودار عند نارة مخاطبهاا : متخرجيش تا نفتح الباب
هبط لعندها فتح الباب وخرجها معاه دار شاف فمارياا لي باقا جالسة دغيا خبات التيليفون فجيبها باش ميشوفوش ..
معرفهاش اش كدير .. دق عليها من الزااج باش تفهم راسها
فتحات الباب هازة صاكها ومعاجبها حال وخرجات تابعاه مشا ببنتوو مع ديك الدخلة لي دايرينها .. كتوصلك للداخل دالمبنا لي
كان عبارة عن اوطيل فخم ماريا رفعات راسها تتقرا فالسمية متايقاش فيه ولا فافعالو وفين جايبهم كلشي كدقق فيه وتعقل
عليه بحاليلا غادة مع عزرائيل قباض لرواح
بشوية بشوية حتا كيجي يستقبلهم المسؤول وهو كيرحب بيهم بالدارجة المغربية كان اوطيل فيه ريسطو كبيير وكلاص
التحت كيجيو ليه المغاربة لي لباس عليهم فالمانيا وشي مرات كيجيو حتا لي ماشي مغاربة
المسؤول : مرحبا بيك سي وليد ساردار
وليد : شكرا .. تمشاو تابعينو دخلو للمطعم لي كان كلاص بزاف وراقي فتصميمو حتا وقفهم عند واحد الطبلة جات فبلاصة
زيينة وكطل على الديكور ديال برا والجردة
المسؤول : تفضلو .. جلس وليد مجلس حداه نارة قريبة ليه اماا ماريا فجلسات بعيدة عليهم وعاقدة ملامحها بحالا مخرجينها
بزز
لمحها ساردار كيف دارت خلاها مفيه لي يتناقش معاها قدام البنت الهدف ديالو بنتو تفوج ويتقرب منها حتا كيجيي الشاف
ديال المطعم بنفسو عندهم باش ياخد الطلب ديالهم : مرحبا بيكم اسي سردار
وليد هز ليه براسو .. جاوبو الشاف : تقدرو تخليونا حنا نختارو طلبكم هاد المرة وأكيد غتكون طبلة ملكية
وليد شاف فماريا لي ممسوقاش ورجع جاوبو مامهتمش : ممكن غير بغيت تركزو ليا على طلباات نارة ودار عندها كيشوف
فيها بابتسامة
الشاف : نهار كبير هادا نخليكم براحتكم ..
ورجع للمطبخ باش يوجد ليهم الغدا مخلي داك جوج كي زيت ولعافية هي كتخطط وتفكر فهاد ااخرجة وهو كيحاول يقرا افكارها وسكاتها ماعاجبوش
#يتبع