حطام 💔مكتملة💔

💔167💔

🔥حُطـــــــــــــام🔥
🥀تَمـــــرُّد المَشاعـــــر🥀
#167

كانت متكية على الطموبيل حتى كتشوف ..جوج طموبيلات دلبوليس ومعاهم طموبيل دباها..نزل باها مخلوع شدها من دراعها:شكون دار فيك هاد الحالة
زادت فلبكة كتر وكتر وكتدوي بكلام مامفهوومش وهي مزيرة ليه على يديه
شد ليها وجها بيديه بجوج ودوة:دابة تهدني وقوليلي أش وقااع شكون تجرأ ودار فيك هاد الحاالة
زادو نزلو دموعها ونطقات بصوت باكي:مارية أبابا مارية

لداخل
جلسات فوق الفطوي مرجعة راسها اللور راسها كيضرها بزااف واسفل بطنهاا كيمشي ويجي لحريق

حلات عنيها فاش سمعات صوت الجرس ودقان بالجهد فلباب..

جات لخدامة كطير هي والحاجة لي كانت لفوق كتصلي وعاودو ليها اش وقاع

حلات الخدامة لباب حتى كيدخل لوكاس كيشي عجاجة وتيريزا موراااه وعاد رجال البوليس حتى هوماا
فنفس اللحضة دخل وليد من الجردة من بعد ما سلا المكالمة ديالو .شاف قدامو شال ديالها فوق الفطوي هزو ولواه على راسها بخفة وبعد كيشوف فهاد طبافة لي جات

مارية غير شافت البوليس ناضت واقفة كتشوف فوليد وتيريزا وفبالها انه تيريزا عاودات كلشي للوكاس
حتى كتسمع صوت لوكاس كيدوي معاها بصوت ساخط وهو كيقرب ليها:كيفاااااش تجرأتي ودرتي هاد الحالة فبنتيي..واش عارفة راسك شنو درتيييي ..ومعاااامن غلطتيييي
بغة يزيد يقرب ليها وهو يوقف ليه وليد فطريقو:لوكاس ماتغلطش تانت
لوكاس شاف فوليد وزاد تعصب من هاد البرود ديالو غوت ليه فوجهو:وااش من نييييييتك لا كنتي نت مامسوقش وفدماغك حاجة خرا..هدي راه بنتي ونحرق دنياا على قبلهااا
وشاف فمارية:مزال ما خلاق هدا لي يتكرفس على بنتييي ويبكيهاا
غوت بالجهد وعنيه على مارية:شدووهاااا هادشي خاصوو محضر
يلا ايقربو ليهاا وهو يغوت ثاني وليد:تا وااحد ما غايقرب ليها
وقفو وهوما ماعارفينش اش يديرو ...

تيريزااا كتغليييي ماشي حيت ضرباتها مارية لااا من تصرف وليد وكيف تجاهلها هي ومهتم بمارية..كون قتلاتها مارية وجا هو ووقف معاها..غتنساا كاع داكشي لي دارت ليها ماارية...هدشي لي مخلي العافية تشعل فقلبهااا

تيريزا قربات لعند وليد وشداتو من الكول مزيرة عليه ودوات بلغوات:واشش كاع هدشي لي درت على قبلك وكدير فيا هدشي دويييي...شكون لي مرااتك انا ولا هييييي..واش باغييي تحمقنييي
مسحات دموعهاا ورجعات شافت فيه:ياك ما باغي تسمح فياااا ياك كتوجد باش تلوحنيي ياااااااك باغي تبقة معاهاااااااا...لااااا واخة نعرف نقتلك اولسد وماتفرقش عليا وماتكونش لغيييريي..نفضل موتك على تمشيي علياااا

ودورات وجها كتشوف فباها :باباا عندي ما نقول لييك
وشافت فوليد تاني وقربات تا لوجهو ونطقات بصوت شبه مسموع:غنقولو كلشي
وبقات كتشوف فعنيه..ميل راسو وقرب تت هو تا لوجها ونطق:سبق وقلت لك ما كانتهددش
غوتاات:غنقووووول كلشيييييي
بقة غير كيشوف فيها بدوك شوفات ديال ما على باليش ..زاد جهلهااا
بدات غير كتغوت:راااااه غنقولو كلشييييييي واش ماكاتخااااااالقش واش ماتكلبنيييش مانقوووواش واش باغي تحمقنييي
وليد شد ليها فمهااا بالجهد ودوة:ها باك قدامك ماتصدعيليش راسي .تنترات منوو صافي خرجات على السيطرة:غنقووولوووو كنقسسسم ليك غنقولوو وفرمشة عين اتمووت
لوكتس قرب ليها:شغا تقوليي هضري شنو واقع

مارية كتحس بقلبها ايوقف وهي كتشوف تيريزا كيف تمجنات وممكن فأي لحضة تقول كلشييي
تيريزا طاحت على ركابيها فالارض:واااش بهاد الدراااجة مرخص حيااااااتك واش على قبلها ولا على قبل حاجة خراا
تحنا لعندها لوكاس:تيريزا وقفييي وهضري وكنواعدك انكون معااك غير دوي باباك ديما معاك
شافت فيه بعنيها الدامعين ونطقات:مابغبتش مارية تبقة قتلها ولا شوف شنو دير ليهاااا نفيها ولا اي حاجة تلمهم تبعد ليااا من راااااااجليي
اخر كلمة قالتها بلغواات
لوكاس جمع الوقفة مامايستحملش يشوف بنتو هكاك:شدوهااا شكا تسناااااو واش بغيتوو تا هاد الخدمة نساليها معاااااكم

كيبقة لوكاس هو الرئيس لكبير غيسمعوو ليه اكييد
مارية شافت وليد جاي لجيهتها وأكيد ايكبر الموضوع وتوقع شي حاجة..تخشات وسط ابوليس:انا غنمشي معاكم
يلاه وليد ايوصل ليها وهو يدير لوكاس اشارة للبوليس لوخرين وقفو ليه فطريقو خلاااوه جعرر مزيان وهو كيشوف لمينوط فيديهاا..دفعهم ولكن تجمعو عليه كاملييين شادينوو وهو كيتنتر ويغووت:رخييييييي منهااااا كنقسم لييييك انقتللللك رخيييييييييييييي
ما سمعش ليه داك البوليسي خرجها من دار بلمينوط نيشان للفاركونيط ركبوها وديماراو
تيريزا واقفة وكتشوف فيه

#يتبع واش داوعا ولا غا جابلي الله🙄