حطام 💔مكتملة💔

💔139💔

🔥حُطـــــــــــــام🔥
🥀تَمـــــرُّد المَشاعـــــر🥀
#139

صافي لغضب عما ليها عنيها شدات لباب وبدات كترش فلبيت وفوق النموسية ولات بحال شي حمقة قربات للناموسية وفيديها لبريكة بركاات وخرجات لعافية شابطة فلحاف ناموسية ورجعات اللور كتشوف كيف دغية لعافية زندات.
..حتى كتسمع باب لحمام تحلات وهو خاارج ..بقات كتشوف فيه شوفات شرانية...كان هاز اافوطة بيديه وصدرو عاري لابس غا شورط..كيشوف فهاد البيت لي تقلب كلو..خلاه هو هدااك فاش دخل لحمام..دابة كيبان بحال شي اعصار داز هلييه..ولعافية لي شابكة فناموسية ومزال زاحفة لجوايه لوخرين تابعة ليصانص لي فكل بلاصة فلبيت...هز راسو فيها كيشوفها كيف كتلهت وتشوف فيه

رما داك الفوطة وهو كارز على سنانوو وكيشوف لعافية قريبة ليها ..قرب ليها:شهادشيي درتي
رجعات اللور وبنفس لحدة ديالو:ماتقربش ليااااا
مسح على راسو كيشوفها مازال راجعة باللور ولعافية كتلهب
مارية :ماكانش عليييك ديرها وتخليني نديييرهااا شنو بغيتيي منييي ياك حدرتك قلت لك نقتلك ونقتل رااسييي لا وقعات شي حاجة بيناتنااا..

وليد كيقرب ليها:دابة اجي نخرجو من لهناا ماتعصبينيش وهاد الهضرة كوليهاا لي وقع وقع
غوتاات فبلاصتهاا كتغليي:حييييت خديتيي لي بغيتيي يااااك درتي داكشيي لي بغيتيييه
ضورات وجهاا ماعارفاش اش ديير باش تطفة لعافية لي فقلبها..كتقلب مع جنابها ما بان ليها غا واحد دييكو هزاتو وشافت فييه وشيراات علييه بييه كون ماتحنااش كون جااه نيشان للرااس:غنقتلللللك اوليييييييييييد غنقتللك
كيشوف فيها كيف شاعلة كتر من لعاافية لي شعلات فلبيت ..من ناموسية للكوافوزة لي موراهاا تاهي شبطات فيها لعافية وزرابي لي فلارض دنيا ولات كلها دخااخن
قرب لهااا وهي تزيد ترجع اللور كتغوت:بعععععععد ماتقربليييييش خلينا نموتوو بجوووج ماغانستحملش نوليي نشووف فييك من داكشي دلبااارح..كون غيير مت وماوقعش داكشيي...كنقسم لك اولييد غنقتلللك ..ماحاملاااش راسييي ماكرهتش هاد الجسم لي كان بين يديك لبارح ودرتي فيه مابغيتي نسحقوو بيدييي نهشوو بسنانيي ...هاد لفرااش لي شاركتيييه مع لوخرااااا هو نفسووو لي نعستينيي فوقوووو نفس لبيت نفس كلشيي شنووو باغيييي مني قوليييي

وليد كيقرب شوية بشوية:دابة اجي نخرجو من لهنا دنيا كلها عافية امارية
مارية:انا بغيتها تشعل فيك وفيااااا

سمعو دقاان بالجهد حتى كتحل لباب كانو تلاتة درجالو وموراهم الحاجة والخداماات
رجاب:ااسي وليييد اش وااقع لعاافية خاص تخرجو..
قبل يكمل كلاموو خنزر فدوك رجال لي فاتو عتبة لبااب وكيشوفو فيه وفمارية ..شعرها مكشووف وداك لكااب ما ساتر والووو.قرب لاقرب واحد فيهم لييه شنق عليييه وهو كيدوي صااعر:وااااش قلت لك اجيييو واشش عيطت لشي وااحد فيييكم
ودفعو:تحركوووو من قدااامييي
جاا طايح مسكيين فلارض تهز من بلاصتو تابع صحابو لي سبقووه ..
الحاجة:اويليييييي شهاد الموصيييبة واش باغة تقتلييييينا..ولييد خرج من تمااك
وليد قرب وزداح داك البااب
ورجع دار عند مارية:كنقسم لك امارية حتى مرضتييي وهاد اامرض ديااالك غيوصلنا لشي مواصل ما تماااااش
وتم غادي جيهتهاا بحال شي عجاجة..وهي كترجع بااللور:غنتلااح فلعاافية والله تاندييرهاااااا ماااتقررربش
وشافت من موراهااا ورجعات شافت فيه راجعة باللور حتى كتغوووت من لوجع لي شدها من رجليهاا..زطمات على زاج لمراية لي هرساتها قبيلة كانت غطييح على داك العافية كوما شدهاش من دراعها وجرها لعندوو معنقهااا...عيات ضربو على صدرو وتغوت:رخييييي منيييي رخييي كنكررهاااااااااك علاااش خليتينيي نديرها علااااش..كنكررررهك
عياات ضرب وتبكيي فتالي عيات وحطات راسها على صدرو كتبكيي وهو حاضنهاا:ششش صافي امارية تهدنييي
كيحس بيها كترجف بين يديه كي شي قطة