حطام 💔مكتملة💔

💔147💔

🔥حُطـــــــــــــام🔥
🥀تَمـــــرُّد المَشاعـــــر🥀
#147
مارية كتشوف كلشي كيشوف فيهم وجها ولا حمر بدات كتلعتم تا يديها فشلو عليها باش تهز لكتاب

..ونارة لي كانت واقفة بعيد وكانت كتشوفهم كيف كيجمعو ليها فالكتوبة بحال اي ام واب ..وكيف هزها باش تاخد الكتاب كانت مبتاسمة وكتش ف فيهم

مارية عضات على سنانها:نزلنييييي
وليد ضغط على خصرها:خودي لكتاب ولا انظيرو حوايج خرين
بلعات ريقها كتشوف ناس مازال كيشوفو ومبتاسمين وكيتعامسو مع بعضهم خدات دتك الكتاب وهو ينزلها بالعرض لبطيئ وخلا ضهرها لاصق مع صدرو وتحنا لودنيها وهمس ليها:كتولي زوينة ونتي حشمانة
بغات تبعد وهو يجرها:فيك كاع مواصفات تكوني ام نا قصك غا العقل
عضات على سنانها وبعدات عليه كتقاد فحوايجها:تانا
حمقة لي خارجة معاكم ..اخر مرة دير بحال تبرهيش قدام الناس
علا حاجبو وهو كيقرب ليها بطريقة خلاتها ترجع اللور هربانة منو:ما عنديش مشكل فالمشاهد الرومانسية قدام الناس
يلاه اتحاوبو وهي تجي نارة:صافي خديت كلشي
بتاسم وخدا منها السلة:ومشا خلص كلشي مع شكارة وكاع داكشي لي اتحتاج
يلا ايخرجو وه ما يسمعو جوج بنات كيدويو بالانجلش:سعداتها بيه شوفي على زين فيه وعلى رجولة وكيف كيعاملها ..كيبانو عائلة زوينة
شافت فيهم مارية بداك الشوفات ديالها دلقرطاس شوفات شرسين قطة متوحشة صافي..بلعو ريقهم ونزلو عنيهم هاربين من حداها..وليد بقة غير كيشوف  ..
خرجو وركبو فطموبيل وديمارا بصمت نفس الهدوء تاني شي ما كايشوف فشي
وليد:عاجبك الحال
نارة:بزاااااف
وليد:مزال من بعد نشريو الحوايج الجداد لي اتحتاجي
بتاسمات فرحانة :صافي واخة
بقات ساكتة شحال وهي تنطق:دابة ملي مارية حاملة واتجيب ليا خويا وشفتكم وليتو مزيانين معايا وليت كنبغي نشوفكم بجوج
وليد كيشوف فيها من لمراية وفنفس الوقت كيسوك كيساينها تكمل
نارة:تقدرو تكونو بابا وماما
وليد يلاه تيهضر وهي تقاطعو مارية:نارة انا ما حاملة ما والو ما كاين لا خوك لا والو وهدشي لي كتقولي...
قاطعها وليد بحدة: سكتييي
مارية بنفس الحدة:كيفاش سكتي نكدبو عليها..
نارة جمعات رجليها لعندها وهي كتشوفهم كيتغاوتو بدات كتبكي وكتهز راسها بلا ويدات كدوي:اناا بغييت خويااا ما تقولي ليش قتلتي خويااا ..جدة قالت لبارح اتقتلي اولد غير بلفقصة والاعصاب لي فيك .نتوما اتبقاو ديما كدابزو

وليد وقف الطموبيل وهو كيسوط وكيشوف فمارية مخنزر وضار شاف فنارة:نارة هاد الهضرة ما كايناش مارية ماعارفاش شكا تقول
مارية ضورات وجها كتشوف فنارة كانت ادوي ملي شافت حالتها كيفاش سكتات
وليد قرب وشد لنارة فيديها:مارية مازال حاملة كتعرفي شنو هو الوحم
هزات راسها باه وهي كتمسح فدموعها يكمها:اه قالتلي جدة كتبقة تشهى بزاف اولا كتمشي ليها شهية وكتبقى دير شي حوايج ماشي الخاطرها وكتولي بحال الحمقة والمصعورة
مارية خرجات عنيها فيها هادي شكا تقول عضات سنانها بالحهد ما خصهاش تبقة تخليها مع الحاجة
وليد مسح على راسو من كلام الحاجة لي كتوصلو لنارة هز راسو باه:تقريبا هدشي لي واقع لمارية الوحم لي خلاها تقول داكشي اما هي باقة حاملة وحنا ماكاندابزوش غير كنتناقشو
نارة شافت فمارية :واش بصاح
وليد شاف فمارية مخنزر زعمة ماتزيديش فيه
مارية تنهدات:عندو الحق ما تديش عليا
بتاسمات وسط دموعها :صافي
وقربات باست مارية على خدها وحطات يديها على كرشها:متحمسة فوقاش نشوفو ايكون زوين بزاف
مارية كتافات بشبه ابتسامة
وليد ديمارا الطموبيل:وظابة انمشيو لواحد البارك دالالعاب ناكلو تمااك
نارة هزات راسها باه فرحانة
وصلو لتماك نيشان مشات كتلعب..وهوما جالسين كيشوفو فيها وسامتين واحد ما دوة مع لاخور من غير كل مرة واحد فيهم كيسرق شوفة لاخور..دوزو لعشية تماك تا ضلام الحال ولبارك بدا يخوا ..ورجعو تاني لطموبيل ركبو..وهو قبل يركب دوز لابيل:كلشي  واجد...اه اسيدي كلشي هو هداك..وواخة
وقطع وركب نيشان للدار نزلو لقاو لحاجة فصالة غير شافتهم داخلين مجموعين خنزرات ..مشات نارة كتجري كتعاود للحاجة اش دارو نهار كامل بتفصيل حتى قاش وليد هز مارية
مارية تلونات وهي كتشوف فنارة:شي حوايج ما كايتعاودوش انارة
الحاجو خنزرات:انا جداتها يمكن ليها تعاودلي لي بغات..وهاص نمشيو للطبيب نديرو فحص للجنين
مارية شقلبات عنيها ما فيها ما يتزايد معاها فالهضرة :نارة زيدي نطلعو النعسو مشا لحال
الحاجة كتشوف فيها ومخنزرة عارفة لبلان كامل لي داير وليد
وليد طلع لبيتو الجديد  ومارية طلعو لبيتهم لي ولا بيت نارة غير حلات لباب وهي تصدم من هدشي كيف ولا. دخلات...كلشي فلغوز وديكورات دلبنات صغار بحالالاميران..ناموسية بحجم صغير ديال شخص واحد ما كاين تاشي فوطوي من غير واحد لجليسة بحال الارجوحة..نارة بدات كتنقز فرحاانة:وااااااااااو كيييحمق زويييييييين بزاااااااف ..هدا ولا بيتييييي كيف بغيتوو
مارية  مشات كتقلب فلبلاكرات تا حوايحها ما كاينينش جمعات يديها على شكل لكمة وتمات خارجة من لبيت نيشان للبيت الجديد حلات لباب بالجهد..كان واقف بصدرو لعاري عارفها اتجي
دخلات:نت شكا تخربق شنو هدشي درتي
قرب ليها بهدوء تا وصل لعندها وهي مراقباه مخرجة فيه عنيها كتسناه شغا يقول حتى كيصدمها فاش جرها من خصرها لعندو ملصقها معاه مقرب لشفايفها وهمس ليها:نهار كامل وانا صابر باش يجي الليل وتكوني معايا
مارية بلعات ريقها:رخي مني
زاد قرب لشفايفها وهمس ليها:توحشتك
تبلوكات وهو ستاغل لفورصة ودخل معاها فقبلة دافية وفنفس الوقت كيحيد لسها فشال لي على شعرها جارها معاه للداخل

لتحت
الخدامة:اه الالة شفتها دخلات للبيت عندو
هزات راسها باه وهي طالعة لعندهم:ايوا نعرضوها تاهي لعرس حفيدي لي بقة ليه نهار دابة نيت