حطام 💔مكتملة💔

💔67💔

🔥حطام🔥
🖤شرارة انتقام🔥

#67
طلع لبيتو وسد الباب ورااه كيحيد فالتجاكيط وتبعوو بتيشيرط بقة بصدرو لعاري دوز لابيل مخليه هوط باغلور كيدوي مع أدم باش تاهو غدا يجس للمزرعة هو وليالي يتجمعو كاملين تماك قطع ودااار غادي جاهة الحماام
هز الفوطة داخل للدوش غيسد الباب حتا كيحس بشي حد وراه حاط الموص على عنقو غارسو لداخل وضهرو للصق مع صدرهااا .. نطقات فمسامعو بصوت بارد هامس شراني : ياك قلت ليك غنقتلك اسي سرداار
تبسم جنب باستهزااء ومخليها يشوف شكتحاول تصنع محركاتش فييه ولو ذرة خوف .. بقا واقف عاديي .. خلاها تتنوا مع راسها وهي كتعاود هضرتها بطريقة اخرى
ماريا : حياتك بين يدي فهاد اللحظة .. تشاهد على روحك .. هاد المرة مغاديش نتراجع
خلاها كدوي حتا قالت لي بغات وفلحظة وحدى رجع بيها للور هو رااجع وهي من ورا ضهرو كتحاول تبقا على نفس الوضع باش ميفلتش من يديها .. وهي مركزة مع الموص فوق عنقو حتى كتحسو جرها جرة وحدة قداامو اثرها حس بجريحة صغيرة فعنقو مسوقش ليهاا قدر ما رجع كيشووف فمارياا بعيوون نارية لاوي ليها يديها لييي كضرها ومقربها ليه كثر ضهرها ولا عند صدرو ونطق بكلام بارد شعل العافية فمارياا رجعات كارزة على سنانها
وليد : ماشي هاكا غيموت وليد سردار ... خاصك معايا طرق اخرى اما الموص مكيخلعش
ماريا كتحاول تفلت يديها منو بعصبية : رخيي مني بغيت غير نبين ليك اني قادرة ناخد روحك فاي لحظة .. ولكن ماشي وقتها مزال خاصك تتعذب
طلق من يديها .. ودوز يدو فوق عنقو كيتحسس ديك الضربة رجع شاف فيدو كان فيها الدم شوية تبسم جنب
رجع كيقرب ليها حاكمها من خصرها ووقف عند ودنيها وهمس : وليت عارف طريقة تفكيرك وعارفك ماشي مكلخا باش تقتليني دابة .. جيني من التالي اماريا اش بغيتي ..
رجعات كتحاول تبعد منو ونطقات : فكرة الزوااج حيدهااا من بالك .. حيت انا مستحييييل ننسا كرهيي ليييك فهمتي واش ضروري نفكرك شحال كنكرهك  .. كنكرهك فهمتييي

خلاها كتهضر وتعبر على مدى كرهها ليه مخلات مقالت وهو معلابالووش شعل الما فالجاكوزي ولاحها فيه  .. تلاح معاها حاكمها تحتو والما كيتكب عليهم مفزغهم بزووج مارية زيفها تحل وبان شعرها لي طوييل وفازغ بالماا ورمووشها الكتااف كييف عطااتهم ديك القطرات دالماا جمالية بقا ساهي فتقاصيم وجهها مخليها تتنوا تحتو وهي كتقاومو وممخليش ليها منين تنوض  : نووض عليا

وليد قرب لوجهها كثر ودواا وعينيه فعينيها نيشان : ملي جيتي تا لعندي مافيها باس ندوشو بجوج
هناا ماريا صافي زادت عصبيتها اضعاف بدات كتعافر معاه باش ينوض فوق منها ولكن والو بحال الجبل مكيتحركش : هادشييي لي كتعرف لييه تعنف وتتقرب مني ولكن والله لا كانت ليك بغات ضربو بلكمة لصدرو دفعها على ضهرها حتى تقصحات فيه و عضات على شفايفها مباغاش تبين قبل مدير خطوة اخرى
دوا فمسامعها بصوت نبرتو كتخلع : هادشي لي كنعرف وهدشي لي غنبقا ندير تا نشوفو شكون فينا غيعيا فالاخير
ماريااا : عمرنييي غنتراجع طول مانتا عاايش وقداميي غنجرب الف طرييقة باش نجيييب اخرتك سمعتيييي

مع اخر كلمة رفعاتها فوجهو مد يدو لفكها مزير عليه بقوة لدرجة غيهرسو بين يدو حييت عصباتو مبقاش كيتحكم فراسو : سمعيييها مزياان ودخليييها لهاد الرااس .. خاصك تعرفيي بليي ماشي انا لي كنتهدد هممم

ماريااا كتشوف فيه بدوك العيون الخوضر وهي كتتحدااه بيهم محناتش راسها بالعكس واقفة ليه حسكة فطريقو : وماشي ماريا لي كتستسلم
وليد رخف عليها بشوية كيبتاسم : وانا عارف دواك اماريا
هبط يدو مع عنقهاا بطريقة خفيفة وهو كيدوزها تا وصل لصدرها كيدوز عليه بطراف صباعو  ومقرب وجهو ليها كثر تا ولا نفسو كيضرب فيها حار وهي كارها راسها باغا دفعو ملقاتش كيفاش عينيها حمارو بغات تدوي
حتا كيتفتح عليهم الباب وكدخل الحاجة كتقلب على سرداار كتشوف داك المنظر وكيف قراب لبعضهم

الحاجة : ايييه الالة دايرة لينا فيها الشريفة العفيفة وانا كنقول علاش النهار كامل ونتي لاصقة فيه كيف الحبوبة
ماريا بلعات ريقها بعصبية
وليد  دوا بعصبية: الحاجة
الحاجة : اييه اسيدي تا نتا مكبرها ليها عليها السيدة مهازاهاش الارض جايا دير ليا هنا هاد قلة الحيااا وكتلوط برااجل

مارياا : الا كان هادا رااجل فغير ربحي بيه .. الله يطليكم ..

هزات زيفها مدورااه واخا فازك ومشات كتجري لبيتها
هنا دار وليد عند الحاجة ضاير فيها : عمرك تعاوديها و دخلي للبيت بلا دقان وخليك بعيدو من ماريا 
شار ليها بعينيه للباب فهماتو ساعتها خرجات وهي كنگر وتتحلف فمارية حتا غتخرجها من هاد الدار .

.. دخلات لبيتها معصبة شافت فيها نارة كييف حوايجها مبلوولين وكيف حالتها ولات نطقات كتسولها : ختي مالكي فازكة ..

مارياا غوتات فوجهها بقسوة : قطعي الحس وسيري تنعسي