حطام 💔مكتملة💔

💔151💔

🔥حُطـــــــــــــام🔥
🥀تَمـــــرُّد المَشاعـــــر🥀
#151

سلات الموسيقى وبعد وهو كيهمس ليها:لاهي باك وخوك
هزات راسها باه ونساحب بهدوء وهو كيدير اشارة لآدم لي فهموو ..
لوكاس شاف فتيريزا:فين هو وليد..انمشب نشوفو
شداتو من يديه:هاهو جاي ابابا ..امم مزال فرحتنا خاص تكمل
لوكاس:كيفاش
تيريزا:اجي معايا
جرات تا وقفو حدا كريم ومارية وشافت فخوها وبتاسمات وقربات وهمسات ليه:قلت لك غير تبعنس وكلشي ايمشي كيف بغيتي.
تبسم:خطيرة اختي
تيريزا شافت فمارية:كان خويا قالي تافقتي نتي وساه باش تفكري. كنضن فكرتي بزاف وماعندك تا عدر باش ترفضي خويا نتي عارفاه شحال ياغيك وناوي لحلال كيف كتقولو نتوما...وما اتلقايش ما حسن منو  ما ايلقاش ما حسن منك ياك
مارية شافت فيها يلاه اتدوي وهي تقاطعها قربات تا لودنيها ودوات:انا كندير كاع داكشي لي باغي وليد..ووليد واعدني باش تا انا لي بغيتها اتنفد ..ما كانضنش انك نتي اتفهمي كتر من وليد
مارية هزات راسها فيها مقوصة حواجبها:شكا تقولي
تيريزا بتاسمات:راكي فاهمة كلشي
مارية دورات وجها كتقلي على وليد ما بانش ليها
تيريزا:وليد ما كاينش حيت نفدت ليه داكشي لي بغة ودابة داكشي لي بغيتو خاص يتنفد ماحدي باقة زوينة
كريم:شكا تقولو
تيريزا :والو هضرة بيناتناا..ايوا قول اخويا داكشي لي خاص يتقال
وغمزاتو وكريم قرب لمارية:قلتها ومازل كنقوبا امارية شرف كبير ليا لا قبلتي تكوني مراتي وكنواعدك اتعيشي معايا مزيان
بلعات ريقهاا وهي كتشوف فيه وترجع تشوف فتيريزا
كريم جبد بواطة دلخاتم من جيبو وتحنا على ركابيه وحلو قدامها:تقبلي تزوجي بيااا
بلعات ريقها
تيريزا :جاوبي باش تكمل فرحتناا
مارية شافت فيها وكتشوف داك النضرات لي فعينيها ما كايبشروش بلخير نطقات:مواافقة
تيريزا ضحكات بصوت مرتاافع وكريم ركب ليها بخاتم فصبعها وباس ليها يدسها وهو ايطير بالفرحة:ماتصوريش شحال فرحان امارية
مارية غير ساكتة ومبلوكية زربو عليها زربة خايبة كان خاص توافق حيت عارفاه دابة ايكون مشا يحل الخزنة مابغاتش ترون ليه كلشي..ياك ما غاتزوجش بكريم ياك غير كلمة نطقاتها وصافي وهدشي غيسالي فاش غادي يجيب داكشي لي فالخزنة

الحاجة:هاد اللفعة شكا دييير اويلي واش حماقت
ليالي :لاساق وليد لخبار يقلب دنيا فوق راسنا كاملين
آدم مشا لعندها عارف شي حاجة ماشي هي هديك همس ليها:مارية شنو واقع
مارية شافت فيه:كان خاص ندير هكا ..كانت كتهددني
آدم هز راسو باه:صافي كلشي غيسالي
هزات راسها باه وهي كتحس بكريم جرها من يديها معاه
تيريزا باافرحة خدات المايكرافون وبدات تدوي وصوتها مسموع فكاع الفلة:كنشكركم حيت جيتو حضرتو معانا فزواجي انا و وليد سردار هدا اسعد نهار فحياتي .وان شاء الله مازال جايين افراح خرين اتشاركوهم معانا..وبهاد المناسبة ماحدكم مازال معانا بغيت نعلن على خطوبة خويا كريم هو ومارية ..واخيرا قبلات باش تزوج بيه ..وشحال متواتين مبروك عليكم