حطام 💔مكتملة💔

💔145💔

🔥حُطـــــــــــــام🔥
🥀تَمـــــرُّد المَشاعـــــر🥀
#145

لتحت
كانو منزلين راسهم وكيسمعو لكلامو لي كان وجهو ليهم كاملين وكيهضر بكل جدية :مانبغي نشوف تاشي واحد فيكم واقف تحت داك لبالكون ولا هاز عنيه تمااك
كيديوي وعنيه على هداك لي شوية ويغراق فحوايجة هو نفسو لي كان يشوف فيها قبيبة ..غير كيبلع فريقو ما قادرش يشوف فوليد

وليد عرف انه الميساج وصل ما بغاش يقطع ليه رزقو ويجري عليه هدا اندار اكيد اسكون فهمو وعارفو ما ايعاودهاش...رجع اللور من بعد ما جاوبوه بانه اينفدو الاوامر ديالو وطلع لبيتو ابجديد هز فوطة وحوايجو ودخل يدوش يخفف عليه
فجيهة خرا

كانت عصفورة بين دراعو عاطياه بظهر حاطة يديها فوق وجهها حشمانة ومزنكة حنيكاتها موردين وكتبتسم بخجل وهو معنقها من اللور ومنعسها على يديه
وليد الاخرة معنقها من خصرها بيها ورجليه فوق رجليها اجسادهم ملاصقة وانفاسهم وقلوبهم ملاصقة
سمعات صوت هزاز الهاتف وهي تغمض عينيها بزربة كتهرب من مواجهتو فأول صباح ليهم بزوج حسات بيه كيتحرك بشوية مفيقو صوت التيليفون
دوز المكالمة وكيدوي بصوت ناعس وبحك ديال نعاس : الو

كيدوز يدو التانية فوق شعرها بلطف :اهاه

وكيدوز لحيتو فوق كتفها العاري كتدقها : مغنساليش هاد النهار انا باقي مع مراتي

سمعات داك كلمة ديال مراتي وتنغات رجعات فحال كونفيتير ديال لفريز

ابتسم بشر :اه باقي فناموسية

بقات غير كضور فعينيها : اويلي هذا اش كيقول "

ضارت عندو بزربة كضرب فوق صدرو بلكمات يديها الصغيرة وغاطسة وجهها فوسط صدرو كتفركل وكتنطق سميتو بصوت رقيق وحشمان

بزاف ومطولة اسمو : آدمممم

وهو كيضحك طلق تيليفون وعنقها كيلعب ليها على اعصابها قطع المكالمة من زمان وكيطلعها عليها ماشي حمق يقول داك لكلام باسها فوق راسها وهو معنقها :" صباح النور العروسة "

فجيهة خرا

كانت نازلة من الدروج وعنيها كيقلبو عليه شافت فلخدامة:فين بابا
الخدامة:راه فالمكتب ديالو
هزات راسها باه ومشات عندو ..دخلات وقربات باستو على خدو:بابا الليل كامل ونت خدام وجيتي تاني للمكتب تخدم رتاح شوية
لوكتس تنهد:صافي ساليت قاديت شي ضواصا وصافي
هزات راسها باه وقربات كدير ليه لمصاج على عنقو وعنيها على داك لمراية لي من موراها لخزنة ..كتفكر فكلام وليد
تيريزا:بابا
لوكاس:نعام ابنتي
تيريزا:محتاجة للخزنة السرية ديالك
علا حاجبو:علاش
تيريزا: لكوليي ديال الاماس لي تصنع خصيصا ليا كيسوا لملاين بغيت نديرو فالخزنة الخاصة بيك حيت مامحتاجاهش وما انديروش هو وشي مجوهرات ديالي ..خفت يمشيو ليا وراك عارف حاجتي شحال عزيزة عليا ..نهار نحتاجهم ناخدهم

لوكاس:واش عارفة داك الخزنة شنو فيها ..
قاطعاتو:ماكايهمنيش اش فيها ابابا داكشي ماكايخصنيش ..غراضي بمجوهراتي لي كيسواو لملاين وصافي...دابة اش قلتي بوحدك لي كنتيق فيك أناخدهم من عند ماما ونجيبهم نديرهم هنا اوكييي
تنهد عياان تاهو باغي غير ينعس هز راسو باه:جيبيهم وهنينا نمشي ننعس
وجمع الوقفة وتمو خارجين بجوج وقبل يخرج وقفاتو ..زربات عليه وهي كتشوف فساعة فيديها كتمتل عليه انها زربانة:ارا لكود ابابا دغية قبل طلع تنعس نيت خاصني نخرج ..نديرهم فلكوفر ونمشي نقضي شغالي
تنهد وهو كيمسح على راسو كيضرو:20090202
كانت جابدة طليفونها سجلاتو وباستو على خدو:طلع ابابا ترتاح خرجو من لمكتب هو مشا لبيتو وهي مشات لبيتها
غير دخلات تلاحت فوق النموسية وهي مبتاسمة دوزات نيشان نمرتو مابقاتش قادرة تزيد تصبر خاص يتزوجو خلاص

عند وليد
غير رجع للبيت دوش لبس شورط خفيف وتلاح فوق النموسية باغي غير ينعس..غمض عنيه وترخاا باش يديه النعاس..
حتى كيصدعو صوت طليفون تنهد مابغاش يجاوب .رجعات تاني صوناات ساط بالجهد ومد يديه هزو شاف سميتها وهوما ملاميحو يتقلبو كتر من ما كانو مقلوبين جاوب بصوت جااف بارد :الو
تيريزا:حياتي لاباس
وليد:لاباس
تيريزا:مالك كتجاوبني هكا حشومة عليك
تنهد:عيان وباغي غير نعس اتيريزا
تيريزا عارفاه بايت خدام هو وباها :سمحلي احياتي عارفاك ماجيتي من الخدمة تا لصباح ولكن عندي ليك واحد الخبر ايعجبك
قوص حواجبو ماعندوش لكانة لهاد تخربيق:أشنو
تيريزا:صافي كود الخزنة عندي
عنيه تحلو مزيان ورسم على وجهو ابتسامة خبيثة :قولي نسمع
تيريزا:كل حاجة فوقتها زوينة ..لكود هاهو عندي ..ايوا وزواجنا فوقاش.
عارفها ما ساهلاش:فوقاش بغيتي
بتاسمات:فاخر الاسبوع ما كرهتش من غدا ولكن خاص نوجد راسي لزواجنا
وليد:عرس كبير وكترة لبشار وداك تخربيق ماعنديش معاه
تيريزا:بغيت كلشي يسيق لخبار
سكت وماجاوبهاش تنهدات:صافي واخة حفل بسيط بيناتنا
وليد:صافي
تيريزا:كلشي ايمشي كيف ما بغيتي واي حاجة بغيتيها انديرها ولكود ايكون عندك ليلة عرسنا انا ما بغيت والو منك من غير تكون راجلي ونعيشو بجوج
تنهد كيمسح على راسو باغي يسبها باغي يخنقها ولكن مابقاش بزاف:وتانتي هدشي لي باغة هو لي ايكون
فرحاات هي اصلا غير كلمة منو كتفرحها :انا فرحاانة بزاف
وليد:ومزال اتفرحي..المهم نخليك دابة غادي نعس
تيريزا:واخة رتاح بحالك
وقطع داك الساع دافن راسو فالمخدة وبدا تاني دماغو يخدم انه قرب للهدف ديالو لي سنين وهو كيحاول يوصل ليه ..جرب كاع الطرق ما خلا ما ظار هاهو دابة قرب يوصل وغيدمرهم كاملييين عاد ايرتاح
تنهد وغمض عنيه وستسلم للنعاس ودماغو مزال كيخطط ويفصل

#يتبع بقاو تقولو عليها مكلخة تا يخرج ليكم منها لعجب🙄