حطام 💔مكتملة💔

💔66💔

🔥حطام🔥
🖤شرارة انتقام🔥
#66

داز الوقت
كانو جالسين فالمكتب ديال لوكاس كان كيناقش هو وياه لقضية جديدة لي ايخدمو عليها

وتيريزا مفارقاتهمش ....كتحاول تبروفيطي فالوقت باش تتقرب من وليييد اكثر .. ممتيقاش وقتاش طيحو ويولي ديالهاا فاقرب وقت سيدة غادة وكتلصق
ناض سردار من بلاصتو مخاطب لوكاس : صافي القضية مبقاس ليها بزاف.. .. تانكملو غدا ضوصي انديه معايا..

منين بدا الهضرة محيداتش عيونها عليه فاش شافتو وقف تخطفات تتشوف فباها زعمة شد فيه .
لوكااس : جلس نتعشااو مجموعين فداري اليوم

وليد : مرا خرا
تيريزا مازال كترمق باها بشوفاتهاااا

لوكاس داير ليها خاطرها : هي نتلاقاو غدا

وليد فاهم الفلم: هاد المرة مرحبا بيكم نمشيو للمزراعة عندي نيت نعلم تيريزا تماك ايلا بغات

تيريزا عيونها فضحوها بالفرحة : ااه نجيو علاش لا.. هه ياك ابابا ..
شافت فلوكاس باش يسايرها

لوكاس : يييه نتلاقاو غدا
وليد شاف فساعة: صافي فالعشية نتلاقاو تماك نخليكم دابة
هز تيليفونو وناض خارج .. مفيهش لي يزيد كثر باغي غير يوصل للدار ويرتاح من تعب اليوم كلو باغي ياخد دووش ويريح بالو من هاد النهار ويفكر اش يدير مع مارية قلبات ليه لمزاج معارفش كيف يتصرف معاها وهو شاعل وهي قالت ليه مكتعرف والو تاحد فيهم مغيهبط كواريه هادشي لي بانلو ..

ركب فالسياارة نيشاان للدار
مسافة طرييق حتا كيوصل دخل لقا الحاجة ونارة جالسين حاطين الكوطي وكتعلمها كييف طرز كانو جالسيين بهدووء ومنشاغلين حتا كيسمعوه دخل
الحاجة : على سلامتك اولدي
ولييد : كيف داز نهاركم ..
جلس فوق الكانابي حداهم
الحاجة دوزات يديها على شعر نارة مبتاسمة ...... دوزتو مع حفيدتيي .. طلعات كتشبه ليك فاش كنتي صغير تا فالطبع .. تبارك الله هادئة وكتبغي تتعلم شي حاجة جديدة

وليد بتاسم بدون شعور وهو كيشوف فيها مدة كيف كتلعب مامسوقاش بكل براءةوناض : نخليكم
الحاجة :جلس تاكل

وليد : لا بغيت دابة نهبط

طلع لبيتو وسد الباب ورااه كيحيد فالتجاكيط وتبعوو بتيشيرط بقة بصدرو لعاري دوز لابيل مخليه هوط باغلور كيدوي مع أدم باش تاهو غدا يجس للمزرعة هو وليالي يتجمعو كاملين تماك قطع ودااار غادي جاهة الحماام
هز الفوطة داخل للدوش غيسد الباب حتا كيحس بشي حد وراه حاط الموص على عنقو غارسو لداخل وضهرو للصق مع صدرهااا .. نطقات فمسامعو بصوت بارد هامس شراني : ياك قلت ليك غنقتلك اسي سرداار