حطام 💔مكتملة💔

💔106💔

🔥حطام 🔥

🖤شرارة إنتقام 🔥

#106
ما حس براسو تا كان موراها حاط يديه على خصرها مبعد شعرها لجيهة لوخرا وهمس ليها:-ليالي ماغاتحنيش فيا خلاص
بلعات ريقها كتحس بحرارة انفاسو على عنقها تلفهااا ولسانها التربط
ادم دايب فيها صافي مابقاش قادر يصبر رجع همس ليها وهو كيبوسها على عنقها:ديري معايا الحل هاد ليلة
وقلبها لجيهتوو كيرجع شعرها اللور :راني صبرت بلا قياس
ليالي :آدم ..انا
قاطعها وهو كيشوف فشفايفها:مالك
بغات تدوي وهو يزرب عليها كيبوس فشفايفها بشوية كيحرك شفايفو غا بلهدانة ويديه طالعة مع دراعها ويرجع تاني ينزلهم تا لخصرهاا..وهي مخلياه مدايرة تاشي ردة فعلم..بعد شوية كيشوف فعنيها كيف كيشوفو فيه كيبريو وهاد لمرة نزل لعنقها كيبوس فيه ويديه مور ضهرها كينزل فداك سنسلة حاس بيها ترخات بين يديه بغة يزيد يكمل طلع من عنقها تا لشفايفها ودخل معاها تاني فقبل ويديه كتسارة على جسمها تا وصل لكتافها بدا كينزل فلكسوة وهو جارها للناموسية...لياليي كتحس بداك لكسوة نازلة من كتافها بلعات ريقها ماباغاش تحبسوو ولكن ماقدراااتش بعدات شفايفها على شفايفو حاطة يديها على الكسوة ونطقات بخوف:أدم مانقدرش
ورجعات اللور حاسة بدموعها اينزلوو :صعيبة عليااا مانقدرش دابة
مسح على راسو بزاف دلافكار كيجيو فبالو نطق:باقي كتفكري فيه ياكي
شافت فيه:ماشي هكاك غير صعيب..
قطعها :صافي فهمت خودي راحتك
وخرج وخلاها تا ملاميحو تبدلوو.. مشا للبيت اخوور
تندات وهي كتجلس فوق الناموسية:ماقدرتش ياربي ماقدرتش

فجيهة لوخراا

غير دخلو للدار جلس هو والحاجة فصالة كتدوي غا هي وهو سارح بتفكيرو لبعيد
الحاجة:قالي ادم قبيلة انه بنت داك لوكاس قدرات تقنع باها باش يحيد لك داك السم خاصو غا يدير اجتماع ويقنع اعضاء المنضمة
هز راسو باه بلا تا كلمة
الحاجة:ايوا على الله اولدي هدشي لي بغيت ..البنت بانتلي ضريفة وكتبغيك زعمة لا بقات هكا واخة باها يدي خلاصو ماتفرطش فيها ..علاش لا ندخلوها للاسلام وتولي معانا ناخدو فيها اجر بعدة حسن من داك اللفعة لي كتقلب غا فين تحفر ليك

شاف فيها يلاه ايدوي وهو يشوفها دايزة من حداهم وفيديها قرعة دلما ماشافتش حتى لجيهتهم
الحاجة كتمتم بهمس:دكر الكلب وجبد الهراوة ..اللفعة هادي

طلعات مع الدروج ما معبراهمش وهو مراقبها تا مابقاتش تبان عاد شاف فالحاجة وهو نايض:الحاجة واش باغة ترجعي للمغرب
الحاجة:لا مازال باغة نبقة شوية علاش
وليد وهو غادي جيهة الدروج:ايوا راك باغة ترجعي للمغرب على هاد لحساب..مارية خرجي سوقها

وطلع مع الدروج مخليها غا كتشوف..ماعرفات واش كيهددها ولا اش بغة..لي فهمات انه هدشي كامل بسباب مارية اللفعة على قولتها

كانت فلبيت كتشرب من لما وهي كتفكر كلامهم لتحت
مارية:ماشي بهاد السهوولة

حتى كتشوفو داخل مع لباب عضات على سنانها ماكايدق ما والوو وكيدير غا لي فراسو..شافتو غادي جيهت نارة لي ناعسة وداك نونوس معنقاه مخشية فيه.تحنى شوية كيلعب ليها بشعرهاا وكيشوف فيها كيف ناعسة بهدووء ..

زاد تحنى طابع قبلة على خدها ..يلاه ايبعد وهي تحل عنيها بشوية شافت فيه شحال بعنيها النايمين بغة يبعد يديه وهي تشدهاا قرباتها لوجها وحطاتها ورجعات غمضات عنيها ونعسات حركة كافية تخلي داك احساس الابوة يتحرك فيه واخة عارف انه يقدر ماتكونش بإرادتها بقى كيحرك اطراف صبعانوو بشوية على خدها وكيتأملهااا لتوانييي من بعد تقاد فوقفتوو مخليها تنعس وشاف فمارية

قرب لعندها كيشوف فيها كيف عاقداهم ومخنزرة وداك الكاس فيديها شوية وتهرسو بكترة مامزيرة عليه ميل راسو :نتي ديما هاكة ولا غا فاش كتشوفيني

مارية:ليل هدا شنو بغيتي
وليد:غدا اتمشي غير نتي ومارية عند طبيب
ميلات شفايفها بطريقة ساخرة:اكيد دغية مليتي شي حاجة باينة
مسح ٦لى راسو عيان وهاد المرص ديالها ماعندوش دماغ ليه ومافيه لي يشرح ليها انه عندو الخدمة غدا فصباح وما ايرجع تا لعشية نطق :ردي لبال لنارة

مارية شافتو خارج وهي توقفو تابعاه:قول لجداك تبعد مني ومادخلنيش فمخططاتكم وفهمها انك نت لي كتقرب مني وتابعنييي وانه مابيني وبينك والوو وعمرو ايكون..

وشافت فلكول دقميجتو فيه لاطراس دلعكار دتيريزا سكتات شخال عاد دوات:وفهمها فعواط ماتبقى مقابلاني تمشي تحضي خطيبتك وتشوف كيف دير باش دخلها للاسلام وتاخد اجر فيها وفيك

مافهمهاش كاع شكا تقول ..تنهد وقرب تا لعندها وتحنى اونفاص لوجها:مارية اشنو باغة علاياش كتقلبي
بعدات راجعة باللور وريحة باغفان نيسائية مخلطة مع ريحتو الرجولة:باغة تخرجوني من مخططاطاتكم لا نت لا جداك

تقاد فالوقفة :تاواحد مامدخلك فشي مخطط نتي لي كدخلي راسك ديري غا عقلك وديها فراسك وبنتك وخوي افكارك من تخربيق وكلشي ايولي مزيان تا من الحاجة دابة ترجع للمغرب

وخرج وخلاهااا كتمتم ليه وتو عد ليييه انه ماغاتخليهش يعيش هانييي وغتندمو على النهار لي دخلها لحياتو
#يتبع_أرائكن