حطام 💔مكتملة💔

💔136💔

🔥حطام🔥
🖤شرارة انتقام🖤
#136

جا نهار جديد
كتحس بشي حاشة على خصرها متقلة عليهاا ..حلات عنيها بشوية وهي كتشوفو قدامهاا بقات شحال كتشوف فيه وناضت جالسة كتبعد يديه من عليها وترجع فشعرها اللور ماعارفاش كيفاش جات لهناا طاحت دودة بنعااس من غير شي لقطات فبالها يحساب ليها غا كانت كتحلم تنهدات متنرفزة من هاد الوضع لي باينة مزال اتشوف ماكتر منو لا بقات معاه حيت عارفة شحال راسو قاصح وماكايتنازلش وهدشيي غيزيد يخليها تمرد علييه ودير شي حوايج مايعجبوهش وهدشي لي ماباغاش خاص تببة متبتة حيت عارفة تاحاجة ماكادوز عليه ..هي باغة تنفد داكشي بلا مايحس وبلا مشاكيل باش تهنى وتدي بنتها وتمشي بحالهاا
نزلات من النموسية فاش شافتو حل عنيه يلاه ادخل للحمام باش دوش حالتهاا وتصلي صلاتها ونيت تهرب منو..حتى كتسمع صوتو لباح بنعاس :غنمشيو نشوفو طبيب دنارة
ماجاوباتوش ودخلات للحمام..هو جمع الوقفة كيمسح على راسوو لبس علييه سروااو وخلا صدرو عاري محتاج تاهو لشي دوش دافي باش يصحصح..هز طليفونو وخرج من لبيت هكاك بصدرو عاري ..ماكاييجي غا مع ليالي والحاجة ونارة نازلين يفطرو..وقفو كيشوفو فيه كيف خارج من بيت مارية ووحدة كتشوف فلوخرا داز من حداهم بلا تاشي كلمة كيصبح خاسر . دخل لبيتو دوش علييه ولبس وكماا كاروه رد لمزااج عاد نزل للتحت يفطر ويشرب قهوتوو باش يمشيو

جلس فطبلة وهو كيقول صباح لخير ولفو عليه هكا خاص تا يتروق عاد يدوي :صباح الخير
الحاجة:صباح الخير
وليد بهدوء:فين نارة
الحاجة:صيفطات موراها مهاا تبدل ليها فين اتمشيو؟
وليد:رونديفو مع طبيب دنارة
هزات راسها باه وهي كتشوف مارية نازلة هي ونارة ..وكتقاد فحجابها جلسات هي ونارة وهو مراقبها بعنيه كيشوف فيها ويشرب من قهوتوو..بدات كتفطر بهدوء ماشافتش حتى لجيهتوو

حتى سلاو وناض جمع الوقفة:يلاه نمشيو
وقفو تاهوو ..نزل ليها شال من على كتافها وقفات باش تقادوو حتى كتنطق نارة:ختيي شنو داكشي عندك فعنقك

مارية شافت فيها:شنو فعنقي
نارة:اه واش طحتي ولا عضاتك شي حاجة لونو زرق
مارية عاد سرات معايااا تزنكات وهي كتشوف كلشي كيشوف فيهاا وهو واقف كيتمنضر فانجزاتووو..والحاجة هازة حاجبها وعنيها على عنق مارية لي دغية خباتو بشال وهي كتجر نارة:والو انارة زيدي نمشييو
وخرجااات ماحملاتش راسها فهاد اللحضة..تبعهم تاهووو حل ليهم باب طموبيل ركبو ..وهي مدورة وحها لجيهة لوخراا اتنفااجر
ديماراا عارفهاا دابة واصلة ليها للعضم غا كيفاش جامعة يديها على شكل لكمة

نرجعو للفلة

الحاجة:شتي اللفعة شتييي على عنييك مامشات تادارتهاا غدا عاود نسمعو خبارها حاملة ديرها اللفعة باش تشدووو لعباات بدماغ حفيدييي
ليالي كتشرب من كاسها دلماا:دابة ماعندنا مانديروو راسو قااصح وراه مراتو المشكلة ولكن ماتخافيش اجدة ضاروري ماغانستافدو منها بشي حاجة
الحاجة:كيفاش
ليالي بدات كتعاود ليها والحاجة كتوسع فعنيها:واش حماقيتي بغيتيه يدير شي موصيبة راه حدرناا
ليالي:انخليوه بينو وبينهاا حنا مالناا انضربوها بنكرة عارفها كطير هي لي دارت هدشي ادن تحلها بيديها واناا را راجلي لي كيموت دابة ماغاندوزهالهاش ساهلة اجدة خليها تاهي تمشي للهاوية صدقات هي هديك ماصدقاتش ماسوقناش .حيتاش كنقسم ليك اجدة ووقعات لادم شي حاجة غنقتلهااا والله تانقتلهاا
الحاجة بقات غير كتشوف ودور الهضرة فدماغهاا:اربي وشهاد المصائب انشوفو هدشي ديالك فين ايوصلنا
ليالي وقفات:انمشي للطبيب نشوف أدم دعي معاه اجدة نسمع عليه شي خبار دلخير يلاه نخليك