حطام 💔مكتملة💔

💔132💔

🔥حطام🔥
🖤شرارة انتقام🖤
#132

لحرارة طلعات معاها من كلاموو :كتحللللم سمعتينييي
قفزت فاش باسهااا من عنقهااا:ماغانتفاكش معاك دابة

قفزو بجوج فاش سمعوو صوت جاي لجيهتهم ومن صوتها عرفو شكوون داك سااع بعداتوو عليها كتقاد فشالهااا وكتدوي ماخاصش يحسو بوالو وتعمدات تدوي بالانجلش:ولييد هادي حياتي وانا لي كنقرر عارفاك كتخاف عليا وعلى بنتي على وجه المرحوم الله يرحمو لي وصاك علينا وكنتو بحال لخووت ولكن ماشي لدرجة تحدد مصيري انا مازل ماقلت موافقة على كريم ولكن بغيت نحس براسي انا لي كنقرر

وليد ميل راسو كيشوف داك جوج لي وقفو علييهم وكيتصنتوو

تيريزا كتشوف فمارية وترجع تشوف فوليد وتتصنت لكلام مارية
مارية شافت فكريم:وهدشي ديالك نت ماشي هكا كيدار ماشي اجي على غفلة قول باغي نتزوج وتسولنيي شنو قررت وتسنااا منا نقولولك موافقيين وليد كيبقة من عائلتي وراجلي الله يرحمو وصاه علينااا سمعتينيي فهاد الحالة لي درتي والموقف لي حطيتيني فيه راه كلامو فوق كلامك ماحتارمتينيش اكاريم

وشافت فتيريزا:ونتي فاش جا يخطبك وليد ياك علمكم بالوقت وخداا الادن وجا ونتوما على بال ماشي بحال هاد الطريقة

تيريزاا بقات غير كتشوف فيها ..كلامهاا قنعهااا وتا كريم لي ولا كيحس بالذنب كاع:عندك الحق ولكن..

قاطعاتو:مازال خاص تعرف راسك اش باغي بنتيلي غير كتخربق
كريم باندفاع:انا باغيك للحلال امارية هدشي لي باغييي ومزال كنتسناك توافقي
بلعات ريقها كتشوف فوليد لي دغية بدا يتقلب تانيي نطقات داك ساع:باقين بعاد على الموافقة ماجاتش لبالي اصلا جاين على هدشي
تيريزا قربات عند وليد وشاد ليه فيديه وهي كتشوف فمارية:ماغاتندميش لا وافقتي امارية كنوااعدك وتا وليد غير باقي ماعرف كريم كيف داير ومتردد خايف من وصايت راجلك الله يرحمو هدي فهمتها ياك اوليد
وليد شاف فيها يلاه ايدوي وهي تقاطعو تيريزا:بغيت ندوي معاك بوحدناا

مارية حنات راسها:هنا لداخل
ومشات
تيريزا شافت فخوها:عفاك اخويا
هز راسو باه ورجع تاهو اللور غادي وعنين وليييد حاضين من لبعيييد مارية وكريم لي موراها تا مابقاوش يبانووو
تيريزاا:وليد فهمني هدشي لي واقع شنو سباب هاد الغضب كامل وهاد الاهتمام بمارية لي فات حدووو يكفيي داكشيي لي كتاشفت عليييك ماتزيدش تصدمنيي وانا لي كنت ناوية ننسا داك التسجييل ونبداو من جديد خربقتي ليا كاع حساباتيي واش عنيك فمارية كنقسم ليييك انقلب دنياااا فوق راسها واخة نعرف تموووت اوليد نت ونتبعك اناااا..وماتكونش لغيري وتلعب عليااا

بقة كيشوف فيها بهدوء ها لي مابغااااش تدخل شي فشي وتزيد تا تسجيل فالموضوع
تيريزا :جاوبنييي راه غنحماق اوليد وقلبي كيتقطع بالغيييرة وانا كنشوفك فداك الحالة على قبلهاااا راه ماتتصورش شنو ممكن نديييير بهادشي لي كنحس بيه داابة نمشي نفرش كلشيييي وتقلب هاد الليلة جنازة لينا كاملييين