حطام 💔مكتملة💔

💔111💔

🔥حطام🔥
🖤شرارة انتقام🖤
#111

شاف فيها وهو مطلع يديه لوجها ومبعد خصلات شعرها اللور وحبس كيدوز اطراف صبعانو على خدها وعنيه على ملاميحها الحادين مقلقين وخوفانين من ديما كيقول عليها قطة متوحشة ونطق:دعيي نموت امارية حيت لا بقيت عايش ماغانبقاش وليد لي كيسايس معاك
وترخة مغمض عنيه ويديه شوية بشوية نزلات من خدهاا

بقات كتشوف فيه بعينها التالفين كلشي تخلط عليها رجعات شعرها اللور ومدات يديها لحدا عنقو كتقيص النبص ديالو باقي عايش ماعرفات ماديري

قربات كضرب ليه بشوية على وجهو ونطقات بصوت كيرجف:ولييد..ولييد حل عنييك

جرات خدية وحطاتها تحت راسو وهو مرخييي ..

رجعات تاني كتقيص ليه النبض من يديه وترجع تاني لعنقوو ويديها كيرجفوو وكتمتم:ماتمووتش عفااك...خليك عاايش ...ياربي ماديرش فياا هكا ياربيي مايمووتش

قفزات فاش بداا كيكح زير ليها على يديها كيكح بحاليلا كيتوجع..حتى كتشهق فاش خرج ليه الدم من فمووو بدات كتزعزعووو وهي خاايفة:ولييييد فيييق فيييق شنوو هدشيييي ...ولييد كتموووت يااك
والو ماحبسش من لكحااان ودم كينزل شوية مع كل كحة بحاليلا صدرو مجروح ..مدات يديها لبكية دلكلينكس حداها وبدات تمسح ليه جهة فمووو وهو كينهج مغمض عنيييه

نزلو دموعها وهي كتشوف فيه كيموت قدامهااا وكتقول انا سبااب ..نزلات تا لحدا وجهوو ودموع نازلين من عنيها كتشوف فيه :دمرتيلي حياتيي اولييد ماتزيدش دمرهاااا ماتخلينيش نموت مع ضميريي ماتزيدش دير فيا هكاااا حرام علييييك...ماتموتش عفاااك ..
غمضات عنيها كتبكيي ..حتى كتحس بيديه على خصرها حلات عنيها دامعين بزربة كتشوف فيه حال عنيه وكتشوف فيه بلعات ريقها ونطقات:ولييد
طلع يديه لوجها تا وصل لخدها فين نازلة واحد الدمعة مسحها باطراف صباعوو وقربهم لفمو وطبع قبلة وهمس بصوت تعبان كيشوف فعويناتها لملونين غارقين فدموع وحواجبها مقوصين:مارية رونتي كلشي خربقتي ليا حساباتي ..وانا لي عمري سايست شي واحد تا ليك نتي عمري عطيت فرص وعمري حنِّيت تا ليك نتي عمر ضميري أنبني تا ليك نتي
رفع يديه دافنهم وسط شعرها كيلعب بخصلات شعرها وهو كيشووف فيها بهدووء حتى كتشهق فاش كيزير على شعرها وكيجرها كتر لعندوو تا ولا وجهو مقابل لوجها ماكايفصل بيناتهم والو ونطق وهو عاض على سنانو:تحملي لي ايجيك امارية لا بقيت عاايش طلبي الله نموت ولا كملي داكشي لي بديتيه وقتليني
بقات غير كتشوف فيه مقوصة حواجبها ومقصحة
حتى كتحس بيديه كترخة شوية بشوية وعنيه كيتغمضو وهو كيتمتم بهمس :ماارية..مارية
تا ترخات يديه تاني فاقد الوعيي..
رجعات شعرها اللور كتمسح فدموعهاا ورجعات قاصت النبض ديالو وناضت واقفة نازلة من فوق النموسية كلامو كيتردد فودنيها عقل كيقولها هربي وعقل كيقولها خلييييك..بقات راحعة باللور تا لصقات مع لحيط وعنيها مفيكسين عليه جلسات فالارض جامعة يديها عندها ..وجسمها كلوو كيتهز فتالي وقفات صافيي خاص تهرب موحال يعيش داك ساع اتمشي فيها تاهي وبنتها ماغايرحمهم تا واااحد وايلا عااش راه غيوفي بوعدو وينفد تهديدو ..مشات جيهت لباب كضور ساروت باش تخرج حتى كتسمع صوتوو البااح:مارية
ضورات وجها شافت فيه :راه غنجبدك من تحت الارض امارية
وقطع كلامو لكحة لي شداتووو حاط يديه على قلبوو
حلات لباب وخرجات

مشاا نيشان للبيت لقات نارة ومعاها لخدامة
مارية شافت فالخدامة ودارت ليها اشارة باش تخرج وقربت عند نارة لي كتشوف فيها:ختي فين كنتي خفت بزاف
مسحات ليها على شعرها:صافيي هاني معاك انمشيو دابة بحالنا فمرا انسوا اي حاجة عندها علاقة بهاد البلاصة صافي
نارة:او وليد جا
مارية بقات كتشوف فيها دورات وجها:جمعتي حوايجك
نارة :اه جمعتهم..ولكن وليد ماغايجيش يقلنا بسلامة
مارية شافت فيها وقربات تحنات لعنظها:ماكنتيش كتبغيه وماكنتيش كدوي معاه شنو تبدل دابة متسولي عليه
نارة بقات غير كتشوف فيها حنات راسها عاد دوات بهمس:ماعرفتش اختي هو تعامل معايا مزيان
مارية بقات غير كتشوف فيها جمعات الوقفة كترجع فشعرها اللور وهرجات للبالكون تشم هواا بارد كما على اللع يرتاح هاكرها...وتفكيرها مع هداك لي خلاتوو فلبيت بوحدو كيحلف فيها ..وفنفس الوقت كيمووت..عزات راسها كتشوف فسماا وكتستنشق لهوااا وتفكير قتلهااا حاسة براسها اتحماق :ياربيي ما عاوني يااربيي
وقفات شحال عاد خرجات عند نارة لي جالسة ومعنقة نونوس كتدوي معاه:حنا انمشيو دابة ما انوليوش نرجعو ..انخليك هنا مع وليد صافي ..وليد غيتهلا فيك

مارية بقات كتشوف فيها:نارة

نارة وقفات:نعام اختي واش انمشيو
مارية :لا انبقاو هنا مازال
نارة بقات غير كتشوف مافاهمة والو رجعات شافت فنونوس:مازال انبقاو معاك ومازال انشوفو وليد..واخة توحشت ماما ..تا لشي نهار نمشيو عندها انا ونت وختي ووليد
وعنقاتو
مارية:طلعي لبلاصتك ونعسي مشا لحال انا عندي شي شغال انقضيه
نارة دارت داكشي لي قالت ليها تخشات فبلاصتها معنقة نونوس...مارية خلات ليها ضو خافت خدام وخرجات من لبيت راجعة لعندوو ..دخلات لقاتو مازل فبلاصتوو قربات لعندو حاطة يديها على جبينو حرارتو بدات كطلع ..قالت علاش اتخليه وتهرب وتزيد تكمل على راسها تبقة معاه ولي بغة يوقع يوقع..ناضت عمرات واحد لبانيو صغير بلما وجابت منديل وجلسات حداه ..حاطة ليه داك لمنديل فازك فوق جبينوو وكتشووف فيه ..وترجع تاني تبدلو..ومرة مرة تحط يديها على يديه تقيص النبض...

داز الوقت عيااات بزااف ماواكلة والو من لباارح راسها كتحس بيه اينفااجر تحنات كتقيص النبض ديالو ...وقربات همسات ليه قدام ودنيه:وليد
رجعات شافت فيه لا رد فعل ..نطقات تاني وهي كدوز يديها على شعروو بشوية:ولييد خاص تشرب لما ريقك ايكون ناشف
ناضت جايبة واحد القرعة دلما عمرات كاس وطلعات حداه وبدات كتزعزع فيه بشوية باش يفييق و تهمس باسمو ..حتى كيشد ليها يديها وهو باقي مغمض عنيه:علاش رجعتي
بلعات ريقها وهي كتشوفو حل عينيه:علاش رجعتي
مارية قلبات وجها لجيهة لوخرا ماباغاش تشوف فعنيه ونطقات:صافي اوليد
زير ليها على يديها باغي ينووض ولكن توجع من جنبوو قوص حواجبو قربات حاطة يديها على صدرو:ماتحركش لجرح غينزف
ماكانش عندو الجهد رجع تكا كيلهت..قربات ليه لما:شرب لماا
شاف فيها راسم على وجهو ابتسامة ساخرة تهز شوية شرب من يديها داك لكاس دلما كامل حطاتو ورجع تاني تكاا مغمض عنييه وهو باقي شاد فيديها..بقات كتشوف فيه:انوض نشوف يجيبو شي طبيب
يلاه بغات تنوض وهو يزير على يديها :خليك ..طبيب ماعندو مايدير
مارية:ولكن..
قاطعها:ششش
بقات كتشوف فيه تانعس تاني..بغات تبعد يديها ولكن كان مزير عليها ..رجعات اللور جارة لخدية لعندها قاضاتها وتكات عياات بزاااف مابقالهاش الجهد وغمضات عنيها دغية داتها عنيها ويديها فيديه

#يتبع بناتيييي اش بان ليكم فهادشي🥺 زغبية هاد مارية