حطام 💔مكتملة💔

💔156💔

🔥حُطـــــــــــــام🔥
🥀تَمـــــرُّد المَشاعـــــر🥀
#156

ولات كرشها كضرهاا بزااف بغات توقف ما قدااتش حطات يديها على كرشها مزيرة عليهاا بالجهد وغوتات:أااااااه
وشافت فالحاجة:الحاااااجة كرشيي كضرنييي اجيي عفاااك اااااه الحااااجة هدشي بزاااف
الحاجة حطات المصحف وهي كتشوف فيها وميات سؤال فراسها ما حسات براسها تا كانت حداعا تحنات وحطات يديها فكتافها واليد لوخرا شادة ليها فيديها:اويليي مالك
مارية زيرات ليها على يديها بالجهد وهي كتنهج بالوجع لي كتحس بيه كينهش فكرشها:كرضييي الحاجة كتقطعنيي بالحرييق

جاو الخدامات كيتحاراو من غواتهاا
وحدة من الخدامات:أنعيط لسي وليد وصاني لا وقعات شي حاجة نعيط لييه
وقفاتعا الحاجة بصوت حاد:رجعيي لهنااا ماتعيطيش ليه

مارية عراااااقت كلهاااا وكل شوية كتزيد فالغوات..فكرها فاش كانت كتولد فنارة نفس لحريق تقريبا غير هدا ما كايحبسش ..ما بقاتش قادرة تصبر طاحت على ركابيها ملوية على كرشهاا كتغوت والحاجة واقفة وكتشوف فيها بدا شوية دلخوف كيدخل لقلبهااا

الخدامة:واش انخليوها هكااا عنداك توقع ليها شب حفجة
الحاجة رجعات للواقع:جري قولي للشيفور يقرب طموبيل للباب
مشات كتجري عند الشيفور
تحنات عند مارية شداها من دراعها:وقفي نمشيو للطبيب دغية
مارية نزلو دموعها :ماا قاداش الحاجة ما قاداااش هدشيي بزااف
الحاجة شافت فالخدامات:اجييو عاونوني.قربو وكل وحدة مم شداتها ومارية مكالية تقلها علييهم ..تاخرجو لبرا وركبو فطموبيل نيشان للطبيب ....والحاجة عيطات للكلينيك باش يوجدو لبياص ويديها فيد مارية لي كتشربل حداها بالوجع
وصلو للطبيب لقاو الممرضات بالبياص كيتسناو داك ساع حطوها فوق البياص ودخلو بيها للداخل والحاجة تابعاهم ...

يلاه وصلو لغرفة الطوارئ..وهي تشهق الممرضة:الدم
كانت الطبيبة لي اتكلف بيها يلاه هترحة من الغرفة جات على داك المنضر ديال الدم لي باين يلاه بدا ينزل منها ..قربات لعندها:مزوجة
مارية بصوت موجع:كيفااش الدم شنوو هدشييييي واقع لياااا
الطبيبة:مزوجة
الحاجة:ااه 
الطبيبة:دخلوها دغية اتكون حااملة ومتجهض خاص نعتقوها هي والجنين دغية
على هضرتهم مارية كانت بدات تفقد الوعي بدات غير كتمتم:كيي..فاش ..لا...مايمكنش..
زربو عليها دخلوها للداخل

بقات الحاجة واقفة جبدات تسابيح من جيبها وبدات فالتسبيح وفعلا الخوف تمكن منهااا وهي كتخايل ردة فعل وليد لا عرف ..

جبدات داك الساع طليفونها وعيطات للخدامات اكدات عليهم مايعيطوش ليه ومايوصلولوش هدشي ..ووصات شيفور تاهو..

وجلسات فوق واحد الكرسي كتسبح وتطلب من ربي يخرجها من المشكل وكتفكر اش ديير ...وفنفس الوقت ماكرهاتش يطيح داك ااجنين بلا مشاكل

داز الوقت

والحاجة مازال جالسة ومعاها ليالي لي عيطات ليها تجي وعاودات ليها كلشي
ليالي:واش حماقيتي اجدة ياك قلت لك خرجي سوقهم اش داك لهادشي ..راهم جوج درواح اجدة

الحاجة:ماعيطتلكش باش تزيدي تكملي عليااا..ماشتيهاش من نهار دخلات لحياتنا روناتهااا وديما حياة حفيدي فالخطار بسبابهااا ومزاال غا مازايدة فييييه ...وهي قالتلي راه ما حاملاااش علاش كتكدب بغيت نتاكد

ليالي تنهدات معصبة:واش هادي طريقة تاكدي بييهااا ..هداك راه روح لي فكرشهااا ولد حفيييدك من دمنااااا واش حماقيتيي..وحنا حياتنا كانت مرونة من قبل تجي ماشي عاد اترونهاا فين عمر حياتنا كانت مقاادة...

سكتات كتشوف فالحاجة وكملات:دابة شغا ديري مع ولييد راك صافي تعديتي الحدود هاد المرة والله ماغايسمح ليك وماشي بعيد يتبرا منك وعمرك تعاودي تشوفي وجهوو

الحاجة وقفات من فكرة يتبرى منها وماتعاودش تشوفوو راه هو لي بقة ليهااا فييه كلشييي  عارفاه يديرهاا:صافيي سكتييي سكتيييي

على كلامهم خرجات الطبيبة غير شافوها قربو ليها باغين يعرفو اش كاين

ليالي:كيبقات
الطبيبة:الحمد الله هي بيخير وقدرنا نعتقو تا الجنين فأخر لحضة

#يتبع