حطام 💔مكتملة💔

💔104💔

🔥حطام 🔥

🖤شرارة إنتقام 🔥

#104

جا نهار جديد

كانت هابطة فدروج كتقلب عليه بعنيها حتى كيبان ليها خارج مع لباب عيطات ليه:وليد
وقف عرف مولات صوت وشكون من غيرها لي كيتميز بداك البحة لخاصة بيه شاف فيها جاية لعندو تا وقفات حداه ما قال تا كلمة من غير ميل راسو بمعنى شنو
مارية بهدوء:بغيت نخرج نشري طليفون ضاروري مايمكنش نبقا بلا بيه
مسح على راسو داير ابتسامة ساخرة : زعمة ماعندكش طليفون
خشات يديها فجيابها جامعاهم على شكل لكمة وزيرات عليهم زعمة يكون عاق ولقا تسجيلات شافت فيه راسمة على وجهها ملامح عاديين ماباغاش تبين ليه :ماعنديش
بقة كيشوف فيها شحال من بعد نطق:شيفور ايتسناك برة يوصلك
هزات راسها باه كتحاول تفهم شوفاتو حتى حل لباب وخرج.طلعات مع دروج بدلات عليها ونزلات ركبات مع شيفور وصلها لواحد لبلاصة كلها محلات ديال طليفونات يلاه اتنزل مد ليها شيفور كارط بونكيغ وصاه وليد يعطيها ليها ماعرفاتش كيفاش مشات من بالها قضية لفلوس وهي ماهازة معاها تا ريال.. دخلات لواحد فيهم وهو كيتسناها برة ..بقات كدور فعنيها ختارت واحد طليفون من نوع ايفون لموديل جديد ومداتو ليه بدة يشرح ليها كيف تخدمو وهي غادة معاه فلهضرة وكتشوف فيه كتقرا شخصيتو او واش تيق فيه يعاونها جمع ليها طليفون مع نمرة جديدة وهو مبتاسم:بصحة الالة
مارية:شكرا ليك
جبدات طليفونها لاخور من جيبها:بغيتك فواحد لغراد
البائع:مرحبا امري
مرية:عندي واحد تسجيل هنا بغيتك دخلو ليا فشي usb
هز راسو باه:هي لولا ارهلي دابة نيت
خنتشات فطليفون شحال وهي كتقاد تسجيل حيدات منو داكشي لي زايد وخلات غا الهضرة المهمة ومظاتو ليه:هاهو
خداه ودقايق ومدها ليها:هاهي واجدة
مارية:عندي ليك واحد الطلب
عرف انه لامر مهم بطريقة باش دوات:ياك لاباس
مارية:اتخليلي نمرتك وفاش نعيط ليك اتصيفط هاد usb لهاد لعنوان لي انكتب لك مسألة حياة او موت وهدشي خاص يبقة بيناتنا عفاك
هز راسو باه:صافي كوني هانية
مارية:عطيني شي برية وستيلو
مدها ليها كتبات فيها لعنوان باقة عاقلة عليه وسمية لوكاس لوبيز وخشات ل usb فيها :هاهي
خداها وخباها:صافي كوني هانية
خدات نمرتو وشكراتو وخرجات ركبات تاني مع شيفور وصلها للدار

داز الوقت وبدا يطيح الضلام

كان فكامل اناقتو بلباسو الرسمي جاي مع جسمو الضخم ..قاد صدافات الكول ..وشاف فلمراية كيفكر مزيان فهادشي لي غيدير..خرج من بيتوو كيتمشى فلكولوار ..ولخدامات غا كيشوفوه كينزلو عنيهم ..غير كيفوتهم كيرجعو يشوفو فيه شحال جا كلاس وشحال مهياب ..كيتنهدو غا مع راسهم

تا وصل لبيتها حل لباب ودخل شاف نارة فلبالكون كتلعب فالمكعب ومارية جالسة فوق لفوطوي ومرجعة راسها اللور ومغمضة عنيها ميل راسو ماشي ناعسة هي كتفكر..قرب تا لعندها وتحنى عند ودنيها وهمس ليها:هدشي كامل تفكير
حلات عنيها داك ساع وشافت فيه قريب ليها ريحة باغفانو تغلغلات فأعماقها..تواني وهوما كيشوفو فبعضهم تا كسر الصمت هو:شنو هدشي لي مخليك تفكري فيه لهاد الدراجة
ماعجبهاش هاد القرب لي بينهم تقادات فالجلسة شي لي خلاه تاهو يتقاد فالوقفة خاشي يديه فجيابو
دوات وهي كتقاد فحوايجها:تا دماغي باغي تعرف شكا يدور فيه
وليد:ماكرهتش
شافت فيه مطلعاه ومنزلاه كيف داك لكوستسم جاي مع فورمتو رياضية ومبين عضلاتو ..وكيف شعرو لبني مرجعو اللور بطريقة كلاسيكسة مواتياه
نزلات عنيها من عليه:شنو باقي كدير هنا اتعطل على بنت لباطرون
وليد:قالتلي لخدامة ما اتمشيش
مارية:وعلاش انمشي ماعندي ماندير تماك لا انا لا نارة
وليد رجع شوفاتو لنارة ورجع شاف فمارية كيف كتشوف فيه ميل راسو لداك نونوس لي فوق واحد لبلاكار باقي فبلاصتو ملي وصا لخدامة طلعو لنارة قرب ومشا هزو .وخرج عند نارة للبالكون قرب ليها وحطو قدامها هي قبل تشوف شكون جابو بتاسمات وشدات داك نونوس لكبير فيديداتو:واااااو كيحمق
عرف انه باقي ماشافت هاد نونوس ومارية ما كلفاتش راسها توريه ليها
نارة هزات راها وشافت فيه واختافات داك الابتسامة من وجها بعدات يديها من عليه ونزلات راسها نازل معاها شعرها مخبي ملاميحها..تحنى لعندها:نارة
ماجاوباتوش هز دييه وبعد شعرها دهبي من على وجها:شوفي فيا
هزات راسها بلا ..حط صبعانو على دقنها وهز ليها راسها لعندو ودوة:لا عطيتي فرصة لباباك يتقرب منك ماغاتندميش اندير اي حاجة نتي باغاها وغتفرحك
بقات غير كتشوف فيه كيف كيدوي معاها هي بحنان قرب وطبع قبلة على جبينها وجمع الوقفة يلاه ايخرج من لبالكون وهو يسمع صوتها:بصاح اتزوج بتيريزا
شاف فيها تصدم من سؤالها..هز راسو باه
رجعات نزلات راسها بلا تاشي كلمة بقة كيشوف فيها شحال وخرج لقاها باقة جالسة كمل طريقو وخرح من لبيت وسد لباب....ناضت وخرجات للبالكون يضرب فيها الريح كتشوف لتحت كيف ركب فطموبيل ولحاجة حداه وطموبيل خرا فيها ليالي وادم ..حتى ديماراو ومشاو ..رجعات شافت فنارة كيف كتشوف فداك نونوس بحاليلا مترددة شوية مدات يديها وجراتو لعندها من يديداتوو وبدات كتلعب بيه..تنهدات وخرجات تكات فوق لفوطوي وتليكومونض فيديها كتقلب فلقنناوات

داز الوقت
كانت واقفة حداه خاشية يديها فدراعوو اطير بلفرحة جاية كيووت بديك لكسيوة مبينة فرمتها حوتة وشعرها مطلوق مبوكل مع ماكياج مناسب ملاميحها زوينين ولخاتم دلالماس مزين صبيعاتها لخطبة دازت كيف بغات كل شوية تبين لخاتم قدام صحافة لي كيصورو فيهم ويسولو على علاقتهم وغير هي لي كتجاوب اطيير بلفرحة ..شافت فوليد وهي كتجاوب على سؤال واحد من صحافة:اه حب متبادل والا علاش ايخطبني وانوافق وغادي نتزوجو وليد سردار هو حب حياتي وكيبغيني تاهو..ياك أحياتي
بقة كيشوف فيها شحال وهي كتسناه يجاوب ميل راسو باه:اه ضاروري
بالفرحة تهزات حاطة يديها على صدرو جراتو وباستو من شفايفو بوسة طويلة وصحافة كتصوور

فجيهة خراا

كانت مازال كتقلب فداك التلفازة حتى كتوقف فوحدة من القنوات الالمانية وجات عنيها غا غلى صورتهم كيركبو لخواتم وكيف باس ليها يديها ..وتاني رجعو لصورة خرا حاط يديه على خصرها والمقدمة كتهضر على الخطبة ويهضرو على لخاتم دلالماس شحال تمانوو غالي..حتى كيوصلو لصورة كانو قراب بزاف شفايفوو على شفايفها ويديها على صدرو وهو حاط يديه على خصرها كيبانو فرحانين بددلات لقناة ماجات غا فقناة كيهضرو على نفس الموضوع ونفس صور ..طفاتها وناضت مشات نيشان لطليفونها وهي كتمتم:عايش زعمة لحياة وماعارفش داكشي لي كيتسناك اسردار
دوزات شي نمرة وخرجات للبالكون كتسنى يجاوبها