حطام 💔مكتملة💔

💔116💔

🔥حطام🔥
🖤شرارة انتقام🖤
#التتمة
ترخات قبل طييح شدهااا جارها لعندو عرفها سخفاات
تكا على لحيط وهي بين احضانو تنهد ساخط على الوضعية كيتمتم:ماارية..مارية
هزها بالخف نيشان للنموسية وحطها كيفحص فنبض ديالها لقاه ضعيييف وتنفسها تقييل قوص حواجبوو كيرجع يتأكد تا من جسمها كلو كيرجف مافهم والووو حالتها ماشي عادية تزيد شوية يقدر تمشي فيهااا...
هزها بالخف بين يديييه خارج من البيت بحاليلا كيتسابق مع الوقت كاع لاعراض لي عليها ماكايبشروش بالخير بحكم تجربتوو ضومين ديالو خلاه يكون طبيب فشي حالات ويعرف غير من شوفة لواحد شنو بيه ...هازها ونازل فدروج ومرة مرة كيشوف فيها وينطق عاض على سنانو:ماشي بهاد بسهوولة امارية
داز من حدا الحاجة لي جمعات الوقفة:شنووو وااااقع
خرج مع لباب نيشان للطموبيل ركبها وركب ومسيرا لسبيطار فين كاين آدم

فالصبيطار

حطوها فوق البياص نيشان للمستعجلات بقة واقف على برة كيمسح على راسوو والافكار كيلعبو فدماغوو وكل شوية يشوف فساعة وطبيب مازال ماخرج من عندها
دازت نص ساعة تقريبا حتى كيخرج طبيب وقف عليه داك ساع:مالها ..شنو عندها

طبيب:المريضة كون زادت شوية كنا انفقدوها عندها نقص فتغدية تقريبا شي تلتيام ماكلات وزوات معدتها بلمااا شي لي خلاها تبقة غير ترد لخوا كان ايوقع التهاب فالمعدة وزيد نفسيتها مريضة وعليها ضغوطات من جسمها لي كلو كيرجف بصعوبة باش قدرنا نخليوها ترخف على يديها لي كانت جامعاها على شكل لكمة .وهي سخفانة وكتردد شي كلام مامفهومش .المريضة خاصها الراحة جسديا ونفسيا اولدي

وليد كيشوف فيه وكييسمع لكلاموو ومقوص حواجبو
الطبيب:درنا ليها المغدي اتفيق من بعد مدة نخليك دابة

ومشا وخلاه واقف كيشوف فلباب..حتى كيشوفهم مخرجينها فلبياص ايحولوها لغرفة عادية
بقة مراقبهم تا دخلوها لواحد الغرفة عاد مشا لجيهتها
الممرضة:تقدر دخل تشوفها

ماشافش تالجيهتها دفع لباب ودخل بقة واقف اونفاص معاها كيشوف فيهاا بهدوء ودماغوو خدام كيفكر..علاش دارت داكشي كامل وخربقات كلشي ملي اتوصل لهاد الحالة وتقرب تموت..لاش كتشعل لعافية وتحرق تا راسها بداك العافية..علاش كتعدب راسها هي لولا علاش كدير شي حاجة وهي ماقاداش بيها

ماحس براسو تا كان حداها ويديه كتلعب فخصلاة شعرها كيتأملها وهي ناعسة ..شوية بدات كتمتم بهممس نزل لمستواها شوية فاش بدات كتهز راسها يمين وشمال حتى توضح ليه كلامها:وليييد..ماتمووتش...ولييد
شد ليها فيديها ونطق:مارية
زيرات ليه على يديه وهي مزال كتمتم وتخربق فلكلام:ولييد ..ناارة...بنتيي..باباااا سمحليي..سمحلييي
حتى كتحل عنيها وهي كتشهق لقاتو غاهو قدامها قريب ليها جراتو وعنقاتوو وففمها غير سميتو:وليييد ماتمشييش ايقتلووكك اولييد
دافنة راسها فصدرووو وكترجف ومغمضة عنيهااا قلبها كيضرب فلمية :ماتمشييش عفاااك ماتمشيييش
مسح ليها على شعرهاا:صافيي تهدنيي هاني معاااك شوفي فيا
كتهز راسها بلا وتزيد تتشبت بيه:ماتمشيييش خليييك عفاااك ماتمشيييش ..بابا ماغايسمحليييش ..انا سباااب انااااا
شوية رتافع صوتهاا كتغوت وتبكييي وتزيييد تدفن راسها فصدرو:اناا سبااااب انا لي انقتل كلشيييييي كلشي ايمووت ياااك اتموووت تابنتيييي ....
وليد كيحتول يبعدها عليه عارفها كتهلوس :مارية فيقيي ماوااقع والوو حلي عنييك شوفي فيا انا معاااك ماارية
كتهز راسها بلااا وتزيد تبكي وتغوت..مد يديه ضغط على واحد الزر دقايق وطبيب والممرضة كانو عندهم بالسيف باش شدوها وضربو ليها واحد المهدئ شوية بشوية ترخااات وفقدات الوعي تاني وقادوها فبلاصتها وهو مازال جالس حداها ويديه فيديها مزيرة عليييه مابغاش ترخيي..دار اشارة ليهم باش يخرجو وبقة هو معاهااا...
تنهد كيشوف فيها ودوة وهو كيمسح جبينها دوك نقيطات ديال لعرق بقوة لغوات:مارية شوفي فين وصلتينا بعنااادك
كيشوف فانه وامة كيبغي يأديها وبأمكانو يأديها ويعدبها مزيان ولكن شي حاجة فلداخل ديالو كتمنعووو يمكن حيت عارف من ورا هاد العناد والشراسة كاينة انسانة وحدا خرااا تنهد وهو كيفكر شنو غيدير معاها مايمكنش يدوزها ليها هكا ساهلة