حطام 💔مكتملة💔

💔154💔

🔥حُطـــــــــــــام🔥
🥀تَمـــــرُّد المَشاعـــــر🥀
#154

ركب فطموبيل ساااخط ولكن هو لها بالمرصاد مزال ليام بيناتهم وحلف تا يخلبها بفمها تقول ماندمتش وانا معاك  جبد طليفونو وكيف توقع كتر من 100ابل من عندهااا وعاد ااميساجات ما قراهمش رجع طليفون لجيبو..وديمارا الطموبيل نيشان لاباغطومو
حل لباب ودخل كيشوف الدار مضلامة شوية من غير الضو دنهار داخل شوية مع شراجم..وقف وسط دار كيشوف صالة كلها مقلوبة ولكيسان مهرسين فالارض دنيا حالتها حالة...
دخل لبيت نعاس نفس الشي مقلوب ومشقلب كتر وكتر..وريحة شراب فكل بلاصة ..
قلب عليها فالبيت ما لقاهاش رجع خرج تاني كيقلب فدار ودخل تاني لصالة حتى كيشوفها جالسة فالارض وقرعة دشراب فيديها..ومرجعة راسها اللور وناعسة مغمضة عنيها
تنهد وهو كيمسح على راسو وقرب لعندها وتحناا كيشوفها لابسة داك سوميج الحمرة ومقادة راسها مزيان واخة لمسكارا سااحت بدموع ولبكة ولعكار ممسوح والاتار ديالو على خدها ..فلحضة جا فبالو ينوض ويخرج ويزدح لباب من موراه ويخليها حتى تبرد بوحدها حيت ما مستاعدش لحماقهااا وهضرتها الخاوية تاني ..تراجع فاخر لحضة حيت هي المفتاح ديالو حالياا...ضرب ليها على وجها بشوية وهي تحل عنيها غير شافتوو عنيها دمعووو ..وقربات لعندو وهو غير كيشوف فيهاا ..وشنقات عليه من الكوول وهي كتبكي وتغووت:فيييييييين كنتييييييي هااا قولييي فين مخليني هنااااا كي لكلبة كنتسنااا سامح فيا فليلة زواجنااااا فيين كنتيييي مشيتييي عندهااا ياااك كنتييي معاهاااا ..كنقسم لييييك انقتلهاااااااا والله غنقتلهاااااا زطمتيي ليا على قلبييي خليتيني كييي لكلبة ..
هو غير كيشوف فيهاا نزل سدسه لسظسها لي على لكول ديالو صدعاتوو وما حاملهاش نقيسوو بعد يديها ووقف وهي نايضة معاه تاهيي مازال كتغووت عض على سنانو وحرها لعندو من شعرها وغوت ليها فوجهاا:سكتيييي
بلعات ريقها وهي ساكتة كتشوف فيه وكتشهق مسح تلى راسو وحرها معاه ندخلها لبيت نعاس:شهاد الحالة دايرة فدار
بغات تدوي وهو يسكتها:سكتيييي
دخلها الحمام وني رجليها يلاه موقفينها سكراانة جايبة لكااو طلق عليها لما باارد وهي كتشهق
وليد :عاجبك رااسك هكاا شوفي حاالتك
تيريزا :بسبااااابك وبسباااب مارية كنكرهااااااااااااا
وليد باغي يزدح لبها راسها مع الحييط حط يديه على فمها بالجهد شوية ويهرسو ليها بين يديه:اتزيدي كلمة وحدة ماشي تا لتم انخرج وعمري نعاود نرجااع اتيريزا
تيريزا عضات على سنانها فاش بعد يديه:ماتنساش كلشي بين يدي انااا سمعتينيي جرب تمشيي وغتشوف شغا ندير
هز حاجبو وتبسم باستهزاء وتم راجع باللور بقات كتشوف فيه خارج وهي مخرجة عنيها فيه رجعات شعرها اللور:ولييد سمحلي عفااك وليد رجااع عفاااك وليييد
وتبعاتو متجري شاداه من يديه:ولييد ماعرفتش راسي شكا نقول سمحلييي ماتمشيش وتخليني عفاااك
بعد يديه من يديها ودوة بحدة:انا ما كنتهددش اتيريزا ماعنديش مشكل نخسر اي حاجة غير مانتهددش
بلعات ريقها :فقدت اعصابي وصافي عارفني ما نديرش شي حاجة تأديك
مسح على راسو بنفاد صبر:سيري دوشي وصحصحي واجي نهضرو
هزات راسها باه :وانة ولكن نلقاك هنا ياك ما اتمشيش.هز راسو بلا وهو كيحيد تجاكيت ديالو:لا
رجعات للبيت جمعات حوايجها ودخلات دوش

نمشيو للجيهة لوخرا

كانت جالسة فصالة هي وليالي:نعاس مادانيش بالفقصة اتقتلني داك اللفعة..شتي اش  وقع لبااارح بسبابها فتالي جا وبايت معاها بحاليلا ما دارت والو انا شاكة فيها ساحرة ليييه ولا دايرة ليه شي حاااجة...قلت غيجي يقتلها يجري عليهااا ويطلقهااا وسيد غا مازاد فيه سمح فالعروسة فليلتها اللولة وجاي يبات مع هاد اللفعة سامح فكلشيي
ليالي تنهدات:جدة قلت لك خرجي سوقهم وليد عارف شكا يدير اتبقاي كدخلي فيهم حتى تجيبيها فراسك خليه يعوم فبحرو أجدة  ماتنسايش مارية حاملة بولدو
وصونا ليها طليفون كان آدم بتاسمات بحب:راجلي جا راه فلباب هنا مشيت اجدة

وخرجات عندو وركبات بقة حابس ما ديماراش شافت فيه:مالك
شاف فيها مخنزر وماشي من عوايدو بلعات ريقها:آدم مالك شنو واقع
ضرب يديه مع دريكسون بالجهد تا قفزااات:ماعارفااش راسك اش درتي
هزات راسها بلا :لا والله ماعرفتش...آدم خلعتيني اش واقع
قرب تا لوجها وهو مخنزر ودوة:كيفاش عطاك خاطرك تركبي وما تبوسيش راجلك
وداك تخنزيرة تحولات لابتسامة..خلاها غير كتشوف مصدومة نطقات:واش حماااق قلبي كان ايوقف واش من نيتك
آدم كيضحك:هههه من نيتيي راه من حقي الالة تبوسيني ونتي راكبة ناشفة هكااا
بدات كتنهد وتقاد فشالها :الله ياربي شهاد راجل ايسكت لي شي نهار القلب
آدم :راني كنتسنا
شافت فيه تا عيات وبتاسمات وقربات طبعات بوسة على خدو يلاه اتقاد فالجلسة وهو يجرها وخطف بوسة على شفايفها بقات كضحك ..ديمارا وهو كيديوي:زيدي نكملو فدار زيدي لحال سخن علياا
تبسمات وقربات شادة ليه فيديه..هزها لفمو وباسها وكملو طريقهم

ندخلو للداخل
الحاجة مازال مابغات تبرد ليها ماكرهاتش تقتلها هي بيديهااا كتزيد تكرهها نهار على خوه فبالها فكرة خاص تطبقهااا تتهنااا بعدة من مشكل واحد عاد تشوف لي باقي
عند تيريزا

خرجات من الدوش لبسات عليها كسيوة خفيفة مبينة مفاتينها نشفات شعرها وسرحاتو قدات ماكياج خفيف
وخرجات لعندو لقاتو جالس فصالة لوخرا وسيجار ديالو فيديه ..وشي خدامة كتجمع فداك الروينة

#يتيع نشوفو شغا يقول ليها😁 شنو ايقول ليها متلا🤔