حطام 💔مكتملة💔

💔172💔

🔥حُطـــــــــــــام🔥
💫الطــــــريق للنهايـــــة💫
#172
وصل للمنضمة
دخل هو وآدم لقاعة الاجتماعات لقاهم كلهم مجمعين جلس هو وآدم فبلاصتهم
لوكاس بابتسامة:لاش جمعتينا اليوم
وليد بابتسامة خبيتة على وجهو:صبرو شوية
وشاف فساعة:قريب يوصلو
لوكاس:شكون هادو
وليد:مفجأة غادي تعرفها
على كلامو تحلات الباب وبانت تيريزا
لوكاس بجدية:تيريزا تسناي فالمكتب عندنا اجتماع
يلاه اترجع باللور وهو يوقفها وليد:خليك تانتي حضري لاجتماع
مافهمو والو علاياش كيدوي بقة شي كيشوف فشي وتيريزا جلسات بعيد عليهم شوية اونفاص مع وليد 
وليد كل شوية كيشوف فساعة
آدم وصلو ميساج فطليفونو بتاسم وقرب طليفون لوليد يقرا ااميساج
وليد تكا على لكرسي راجع باللور وكيشوف فلباب:ها ضيافنا جااو
تحلات الباب بالجهد ودخلو تقريبا 10 درجال مسلحين لابسين لكحل ولقناع على وجهم وجوج بلباس رسمي
كلشي وقف
لوكاي:شنو واقع
قرب واحد من دوك لي لابسين لباس رسمي:حصلي الشرف اسي لوكاس نعلمك انك دابة مطلوب كمجرم عند كاع المنضمات حيت ختارقتي القوانين ودرتي اعمال اجرامية سرية وهدشي بالدليل وكنتي يد عون لعصابات اجرامية نت وكاع الفريق العمل ديالك ..ونفدتي مهام سرية خارجة على القنون ...وهدشي بلا قتل الارواح وصفقات ربحتي من موراهم لفلوس هدي  كتسمى خيانة للمهنة ..وتلفيق تهم لناس ابرياء منهم اب وليد سردار لي تاهمتوه بالخيانة وقتلتوه هدشي كامل بالادلة وزيد وزيد ضوصيكم عامر وفيه ما يدار ..كاع المنضمات وصلوهم الدلائل سمحلي نقولك راك مشيتي فيها نت ورباعتك
وشاف فوليد:والفضل كيرجع لوليد سردار لي جاب لينا الضوصي لي فيه كاع اعمالكم الاجرامية
لوكاس لي فهاد اللحضة رجليه فشلو عليه لدرجة لسانو تبلوكة وغير كيشوف فوليد
وليد كيشوف فلوكاس تماااامااا هاد النضرة لي كان صابر باش يشوفهااا من شحال هداااا هاهو كيشوفو مصدوم ومهرس ومكسور ومغدور ومحكوور كلشي تجمع فنضرة وحدة ...
جمع الوقفة وقرب تا لعند لوكاس ودوة:ااه هدا انا الوكاس انا لي تقتي فيا ودخلتيني لدارك ورديتيني نسيبك وحيدتي ليا داك السم اااه انا لي غدرتك وطعنتك انا لي صيفطتي ليه باه فصندوق ميت متهم بالخيانة وهو لي كان وفي ليكم من داك النهار حلفت تا نجيب حقوو وهناا وفيت بوعدي وجد راسك للجحيم دابة
وبقة كيضحك مخلي لوكاس مصدوم وكيتمتم:لا مايمكنش لااا مايمكنش لا مايمكنش
وليد هز راسو باه:لا يمكن راك مشيتي فيها
لوكاس ولا كلو كيرجف وغير كيخربق فالهضرة:اناا كل نهار كنتأكد من الخزنة كيف درتي ليهاا..ما يمكنش
تيريزا لي كانت معنقة ساكها وعنيها دامعين وكتشوف فوليد ولوكاس وكلها كترجف
لوكاس شاف فولييد وعض على سنانو وطار علييه وشنق عليه باغي يخنقوو:لااااااا مايمككككككنش لااااا غنقتللللللك كيف قتلت باااااااااك مايمكنش ديرها بيااااا مايمككككنش
تيريزا جات كتجري وهي كتبكي:باباااااا رخييي منووو أتقتلووو رخيييي
وليد كيضحك كيزيد يستافز لوكاس تدخلو رجال المسلحيين وبعدو لوكاس على وليد
لوكاس كيلهت عروقو بانو وعنيه ولاو حومر مازال مامتيقش:كيييفاااش قدرتي ديرهااااا كيفاااااش زوجتك بنتيييييي ودخلتك داري ودرتك فقيمة ولدي وكتر كاااع كيفاااش.
وليد ميل راسو:مايشرفنيش نكون ولدك ولا نسيبك تيقتي راني تزوجت ببنتك من نيتك بنتك كانت فقط وسيلة باش جبت الضوصي هي لي عاوناتنيي
لوكاس زاد تصدم وشاف فبنتو لي حاطة يديها على فمها:شتي شحال خايبة حلفتها فيك وواعدت راسي تا نخليك تشوف الجحيم ايوا خلص دابة
لوكاس كيشوف فتيريزا:كيكذب يااك نتي ما درتيش هدشي مايمكنش بنتي دير فيااا هدشي مااااااا يمكننننننش
تبتوه مزيان ولصقوه مع الحيط ملوين يديه اللور ومينطوه ودوروه تاني كيغوت:دوييييييييي شنوو هدشي درتي
قفزات وشافت فوليد لي واقف وكيقاد فحوايجو:ولييييد ياك نت راجليي يااك ماضحكتيش علياااا وليييد قولي انا مراااتك
وليد:داكشي لي سمعتيه هو لي كاين اتيريزا انا ماشي راجلك
قرب تا لعندها وهمس ليها قدام ودنيها بصوت كتسمعو غير هي:انا اصلا مزوج ومراتي هي مارية..انا عارف الماضي ديالك كامل وشحال من راجل كنتي معاك بغيتي نحسبهم ليك هانية.. وزيد وزيد كيفاش بغيتني نكون راجلك ...وتسيطري زعمة عليا وتهديدات
ورجع باللور وهو كيشوف كاع فريق عمل دلوكاس تمينطو تاهوما وتيريزا كتهز راسها بلا  وكتحط يديها على ودنيها:لا لا نت راجليي كتكدب اه كتكدب علياا نت رااااجليييي انااا ماشييي هييييييي ولييييد نت راجليييييي هدشي كاامل كدووب كدووووب
تيريزا كتهز راسها بلا  وكتحط يديها على ودنيها:لا لا نت راجليي كتكدب اه كتكدب علياا نت رااااجليييي انااا ماشييي هييييييي ولييييد نت راجليييييي هدشي كاامل كدووب كدووووب

وليد كيشوف فيها كيف كتغوت ويرجع يشوف فلوكاس ورباعتو كيف كلهم مينطووهم منزضر كان كيتسنااه من شحال هداا كيشوف لوكاس كيف كيوف فتيريزا وهي كتغوت
وليد دور وجهو على كلام واحد من رجال لي لابسين رسمي ولمينوط فيديه:وليد سيردار حتى نت أتفضل معانا ..حتى نت مطلوب التهم ديالك اتعرفهم لهيه
آدم قرب مخرج عنيهي فيه:كيفااش يتفضل معااكم واش من نيتك راه هو لي جاب ليكم كااع الادلةة..بعد هاد المينووط

الشخص تنهد:ماشي بهاد البساطة سمحلي ندير خدمتي
آدم واقف قدامهم:لا مايمكنننش

وليد تنهد وحط يديه على كتاف آدم:أدم انا موجد راسي لاي حااجة وهدشي كنت عارفوو
آدم:كيفااش كنتيي عارفوووو كنتي عاارف راسك اتشد
وليد بعد آدم من طريقو ومد يديه للمينوط..داك الساع مينطو داك الشخص لي من الامن :آدم انا قاد براسي بغيتك ترجع للدار وتشدد الحراسة على دار وتأكد على مارية ماتخرجش من دار بوحدها هي ونارة ورد ليهم لبال
آدم غير واقف ومصدوم ماحسابليهش ايتشد تاهوو هدشي ماكانش فحسباتهم لي كانو كيناقشوهاا

واحد من الامن:هبطوهم للفاركونيط دابة
تيريزا كتهز راسها ببا وهي كتشوفهم جارين باها وموراه وليد ودموعها كيزيدو ينزلوو ..ما حسات براسها تا كانت شادة فيد وليد:رخييييو منووو فين داييينوو رخيييييييو ولييييد عفااااك ماتخلينيش الله يخلييك ولييد
تنتر منها والبوليس خرجوه وهي مازال تابعااه كتغوت ومامسوقااش لباهااا كاااع حاسة براسها كتحلم وغتفيق من هاد الكابوس وكتعيط غابسميتووو
تاخرجو برى ...هناا لقاااو بزاف دصحافيين واقفيين غير شافوهم مشاو كيتجراو كيصوروهم كيق معتاقلينهم كامليين ومقربين لميكرو ليهم وكيسولوو:السي لوكاس واش بصاح طلعتي خائن ونسيبك هو لي فضحك
ص:السي وليد بصاح تقربتي منهم باش تاخد.دلائل..طلعتي بطل والسي لوكاس هو الخائن ..
وبزااف دلاسئلة بلا أجوبة تا ركبو فلفاركونيط وطمزبيلات خرين تابعسنهم دلبوليس دنيا ولات مقلوووبة  وتيرزا طاحت فالارض على ركابيها تجمعو عليها الصحافة وهي كتبكي كيصوروو فيها ويسجلو فالفيديوات ويسولو وهي غير كتبكي وتغوت بسميتوو:وليييييييد راااجليييي داكشيي كدوب ماكيمكنش يتخلا عليااا ولييييييد
حتى كيسمع صوت شي طموبيل كتفراني بالجهد ..كان كريم نزل كيجري وقرب كيدفع فداك صحافة :بعدوووو
وتحنا لعندها شادها من دراعها غير شافتو زادت فلبكااا:خوويا كرييم وليد داوه ولييد راجليي اناااااااا ماشي مارية ..كرييييم ديير شيي حااحجة
نوضها وهو كيدفع فصحافة ركبها فطموبيل وركب تاهو مبعد من لمكان...وآدم لي كان كيركب فطموبيلتو كيدوز فلابيلات كاع المحاميين لي كيعرف هضر معاهم مايمكنش يخلي صاحبو يغراق نسا كاع الوصاية لي وصاه ولييد
#يتيع خليو تعاليقكم لهاد الروينة🥺🤦‍♀️