حطام 💔مكتملة💔

💔169💔

🔥حُطـــــــــــــام🔥
🥀تَمـــــرُّد المَشاعـــــر🥀
#169

حتى حس بيها ترخات كانت اطيح كوما شدهاش..قلبها بين يديه كيشوفها مغيبة ضرب لها على وجها بشوية:ماارية حلي عنيك
بلعات ريقها مرخية وداتها مهلومة ماقاداش تدوي ولا تحل عنيها
هزها بين يديه بالزربة وتم خارج بيها وكلشي كيشوف تا خرج لعلى برا حلو ليه باب طموبيل اللوراني حطها ويلاه ايتهز وهي تشدو من الكول دعنقو وهي كتهمس بتعب:مابغيتش نمشي للطبيب ديني لدار عفاك ماحاملاش الطبيب بغيت غير نرتاح فدار
بقة كيشوف فيها من بعد هز راسو باه:واخة رتاحي
وبعد ومشا ركب فجيهتو وديمارا نيشان للدار وطريق كاملة وهو مرة مرة كيشوف فيها فلمراية تا وصلو هزها وطلعها للبيت حطها فوق النموسية ..وهي كيشي ريشة بين يديه حلات عنيها بشوية ومدات يديها للمجر ما قظاتش توصل ليه
وليد :شنو بغيتي
مارية:دوة
حلو داك ساع لقا تماك واحد الفنيد محيد ليه لغلاف ..جبد وحدة وعمر كاس دلما وعاونها شرباتو ورجعات تكات وهو غير كيشوف فيها تحنا لعندها:واش نتي بيخير
هزات راسها باه:بيخير
بغة ينوض من حداها وهي تشد ليه فيديه وهمسات ليه:خليك
زادت كراتو تا تما حداها خشات راسها فصدرو متستنشق بغافان ديالو رجولي وغمضات عنيها ونعسات..كان شاد فيديها لي كيرجفو مزالة تحت تاتير داكشي لي وقاع راه ماشي ساهل عليها..تحنا باس ليها راسها كان طليفونو كيصوني فجيبو ماكلفش راسو يشوف تا شكون قطع قبل يديرونجيها صوت طليفون وبقة متكي حداها ..وفبالو مية فكرة كدور

فجيهة خرا
تيريزا وهي مبتاسمة:انا سباب فكلشي ابابا ضربت البنت صغيرة وسبيت مارية ومخليت مادرت باش وصلتهم لداك الحالة..راك عارفني فتش كنغير ماكانبقاش عارفة راسي شكا ندير..وليد ماستحملش كلامي عليها تصرف هكاك.اصلا مارية اترجع للمغرب بحالها وانتهنا.بابا بغيت نصلح علاقتي بوليد
لوكاس مسح على راسو:راك دابة رونتي تا علاقتي انا معااه بسباب الفشوش ديالك ماعرفتش كيف غنقدر نشوف فيه
تيريزا:كاين حل واحد ابابا حيت انا مامستاعداش نخسر وليد وحتى نت مامستاعدش تخسر علاقتك بيه
لوكاس:شنو هو
تيريزا:تحيد ليه السم لي فجسمو من غدا هكا اتزيد تكسب التقة ديالو وانا انزيد نتقرب منو وما انبقاش خايفاه لا يموت وديجا هضرنا فهدشي ووافقتي
لوكاس:وعلاش بدلتي رأيك
تيريزا:حيت كنبغيه وحيت يستاهل يتحيد ليه السم
بقة ساكت شحال
تيريزا:بابا وليد راه هو حياتي سمعتيني
تنهد:صافي غدا ايجي الطبيب الخاص لي زرعو ليه وايتحيد ليه
بتاسمات وباستو على خدو:شكرا اباباااا
داز الوقت
كان الليل ..حلات عنيها بتعب عاقلة فاش جات الخدامة وجابت لماكلة فيقها ووكلها بسبف ورجعات نعسات ..لقاتو حداها تهزات من بلاصتها ونزلات كتجري نيشان للحمام كترد .تهزات كتشوف راسها فلمراية وكتغسل فوجها وحالتها ..ملي بداتها الخالو دردان ادن علامات الحمل ايبداو تنهدات كتفكر فهداك لي برا ..خرجات من لحمام لقاتو كيتسناها ..رجعات للناموسية وتكات ..حتى كتحس بيه حداها ونطق:مازال ماناوية تقوليلي اش واقع وهاد الدورة شهرية لي كتصلي بيها
وسكت وكمل:ولا غير نعرف بطريقتي
بلعات ريقعا وعطاتو بالضهر:ماعندك ماتعرف حيت ماكاين والو ..نت باغي تدخل فشي حاجة كتخص لعيالات
وغمضات عنيها حتى كتحس بيديه على خسرها حرها لصدرو وحط راسو على كتافها حدا عنقها ودوة:كتخص مراتي ماعندي ماندير بلعيالات
بلعات ريقها وهي كتحس بداك القبلة الدافية على عنقها ...بقاو هكاك تانعسو بجوج

جا نهار جديد

كان حاضر حتى آدم ومعاهم الطبيب لي ايحيد ليه السم لي تزرع ليه ..اول مرة ايشوف هاد الطبيب نهار زرعوه ليه ماشاف والو حتى فاق ..
لوكاس:نتمنى اوليد تنسى داكشي لي وقع لبارح لحضة غضب وصافي اما راك عارف شحال كنقدرك
هز راسو باه بلا تا كلمة
لوكاس :هاد السم لمزروع انحيدو ليك باش نبين لك اني كتيق فيك ومعتابرك واحد من ولادي
كانت معاهم تيريزا الفرحة كتبان فعنيها:ماشي واحد من ولادك ابابا ..مايمكنش وليد يكون خويا
غير لوماس لي ضحك اما كلشي بقة سامت
جات الممرضة:الغرفة واجدة
الطبيب:يمكن لك تفضل
ناض ودخل للغرفة فين ايحيد هاد السم..ماكايتحيدش بلعملية..هاد السم كاين فواحد الجزء فالجسم وخاصو واحد الالة بحال الهندة(المغناطيس) كيحطوها على الجسم وكيبقاو طالعين وداك السم تابع داك لابارااي حتى كتخرج على الفم ..وهاد الطريقة كتكون كتوجع شوية عليها كيديرو المنوم

داز الوقت
كانت فلبالكون كتسناه يبان بطموبيلتو..حتى كتسمع الدقان شوية دخلات الخدامة:مدام مارية لوراق وصلوك
خداتهم والخدامة خرجات..حلات داك الوراق بقات كتقراهم كانو ديال الطلاق ..مايمكنش تبقة معاه صافي هدشي ايسالي وتاهي خاص ترجع بحالها هي وبنتها..ماغاتحرموش من بنتو يجي يشوفها فوقاش ما بغة غير هي ماتبقاش محسوبة مراتو..عارفاه ما ايتقبلهاش فاللول ولكن اتقنعو وعارفاه مستحيل يرضى يبقة مع وحدة ماباغاهش ..حطات يديها على كرشها ماخاصش يعرف بهاد الحمل..حتى يوقع طلاق ..او واخة يوقع لي يوقع ما يمكنش تبقة معاه صعيب عليها تنسى الماضي لي ديما تابعها ..تنهدات وهي كتشوف فساعة وقت العصر...توضات ولبسات لباس صلاة وبدات تصلي..سلات  هازات كفوفها للسما وكتطلب من ربي داكشي لي فخاطرها حتى سلات وحيدات لباس صلاة..يلاه اتخرج للبالكون وهي تصدم..كتشوفو واقف متكي على الحيط وكيشوف فيها حسات بدوخة وهي كتشوفو ماحساتش بيه فاش دخل