حطام 💔مكتملة💔

💔174💔

🔥حُطـــــــــــــام🔥
💫الطــــــريق للنهايـــــة💫
#174

مارية بهمس:وايلا ماخرجوهش وايلا قتلوه كيف قتلو باه

لياالي بقات غير كتشوف مافكراتش فهاد الاحتمال ودابة زاد الخوف تسلل لقلبها وغرغرو عنيها بالدموع..الحاجة لي كانت تاهي كتصنت جلسات فدريجات لي حدا لباب وهي كتمتم:ياربي ماتحرمنيش من حفيدي يا ربي ما رججعو لينا سالم ..ترزيت فولدي ماترزينيش حتى فحفيدي
ليالي زيرات على يد مارية:راك حاملة امارية شوفي حالتك كيف دايرة زيدي ندخلو ماعندك ما ديري ولا فاش تعاونيه
بقات غير ساكتة وليالي جاراها ودخلو للداخل وجلسو مقابلين تلفازة كيشوفو فالاخبار
وليالي كل شوية كتعيط لآدم ماكايجاوبش عرفاتو ايكون مشغول مع وليد

الحاجة شافت فمارية ودوات:اش درتي ليه تاخرج معصب ومغبون من شوفاتو ...دخل لدار فرحان وعنيه كيبريو بالفرحة شنو درتي ليه باش طفيتي داك الفرحة
مارية هزات راسها فيها وبالها مشا لداكشي لي وقع بينهم بلعات ريقها ونزلات راسها بلا تا كلمة
ليالي:الحاجة الله يهديك ماشي وقتو
الحاجة:ماعنديش ما غلا من حفادي ..علاش ديما منكداها عليه وانا كنعرف حفيدي دمو حامي وماكايصبرش وصبر عليك نتييي..اش بغيتي منو
ليالي:الحاااجة وجه الله ما سكتييي متناقصبنش هدشي
مارية هزات راسها ونطقات بهدوء:طلبت طلاق رتاحي دابة غنتفارقو وما اتعاوديش تشوفيني
بقاو غير كيشوفو فيها
نزلات راسها وودنيها مع المديعة لي كدوي على هاد القضية كتسنا تسمع شي حاجة تريخها بحال انه طلقو سراحو
تما الحاجة وليالي ضربو الطم مازادو تا شي كلمة

نمشيو لجيهة خرا
جالسين على لبحر هو شاد راسو بيديه وهي كتعاود ليه كاااع داكشيي لي وقع بالتفصيل وكتبكيي
تيريزاا بصوت باكي:انا درت هدشي كامل على ودوو وشوف لاش جزانيييييي ..كان كينتاقم لموت باه ماشي كان باغينيييي قالك مراتو هي مارية
كريم زير على راسو:كنت عارف شي نهار الوليد ايغراق هاهو جا الوقت بقة كيخرود كيخرود حتى طاااح ..الوليد كيحصد داكشي لي زرعو
كريم هز راسو كيشوف فيها كيف كتبكي من قبيلة وهي تعاود ليه وتسكت وترجع تاني تعاود نفس الهضرة شوية تبسمات وبدات تمسح فدموعها:ولكن ولييد راه راجلي انا ماكدة غير كيكدب وليد ما غايتخلاش علياااا
وناضت وهو يجرها :فين غدااا
تيريزا:مايمكنش نخلييه فالحبس أنشوفو ندييير .
كريم تنهد كيمسح على راسو:ماعندك فين تمشي نسااي شي حاجة سميتهااا ولييد اتيريزا هو نتاقم لباه ولي عطا الله عطاه ...خاص نغكرو شغا نظيرو حنا دابة
تنتراات منو كتغوت:سكوووووووووووووت سكوووووووووت لااااا ولييييد مازال ديالي راجلي ماغانسااااهش ماكايهمنيش داكشي لدار بابا كيهمني ولييد لي كيبغينيييي
وقف  تابعها وهي كتغوت وتبكيييي :بببعد علياااااا ولييد كيبغينييي انااا وانا مراتو ماشي مااارية .. ماشييي مارية
غمض عنييه كيتفكر شحال كان حمق فاش كان باغيها للزواج وكيطلبها للزواج وفردة فعل وليد فكل مرة .دمو كيغليي وقلبو كيضرب فلمية ..كيفاش كلشي تقلب كيشوف فختو كيف كتشربل جرها وعنقها بالسيف عليها وهي كتبكي وتغوت :صافيي اختيييي دخليها لدماغك وليد عمرو يكون لييك وليد نتاقم ودابة سلا نتيقامو خلينا نفكرو فحياتنا شغا يوقع فيهاا وفالوليد لي دارها بيديه
تيريزا كتهز راسها بلا وبصوت باكي:مانقدش انا كنبغيه اكريم كنبغيييييه
بقة معنقها وهي كتبكييي حتى عيات جرها وركبو فطموبيل نيشان للدار لقاو مهم تاني دايرة حالة بلبكاا ..اي محامي كيعيطو ليه يعاونهم كيقولهم لامر ماشي فيديهم فيدين الدولة حيت القضية كبيرة

اما فواحد لبلاصة خاصة بالقضايا الكبار كيتجمعو فيها غا كبار رجال الشرطة والمنضمات والمحاميين لمجهدين
آدم جالي برا غادي جاي حتى كيخرج واحد من المحاميين المتكلفين بالقضية
آدم:ها شنو
المحامي:هدشي طويل خاص يدرسو القصية والدلائل كاملين واستجواب طويييل من لهنا لغدا عاد نشوفو اش كاين باش عاد يتقدمو فالمحكمة لي كتكون فقط مع وكيل الملك والمحاميين والمتهمين فجلسة وحدة
آدم:دابة هاد التحقيق ايبقة الليل كامل حتة لصباح
المحامي:اه حنا انديرو ما فجهدنا
آدم:دير كتر ما فجهدك
هز راسو باه ورجع دخل للقاعة ااكبيرة فين مجموعين
المتهمين كاملين جالسين والمينوط فيديهم كلهم كيجاوبو من غير لوكاس لي غير ساكت تقول لسانو تبلوكة ..وليد لي حيدو ليه المينوط وجالس وكيشوف كاع ضواصا مشتتين فوق واحد الطبلة وكاع رجال الامن ورؤساء المنضمات لخاصين ببعض الدولة داخلين فهاد الموضوع كيتاكدو من دلائل ويطرحو الاسئلة وبزااف كان تحقيق طوييييييييل
وليد كيشوف فلوكاس كيف مهزوم وكلو عرقان وكيسمع فالتهم لي منسوبة ليه وكلها صحيحة تبسم بسخرية ودوة:هدشي ماكنتيش حاسب حسابو
لوكاس شاف فيه ورجع بداكرتو اللور نهار قتلو باين وليد وقبل يموت قالهم انه ايجي شي وقت وايخلصو وضحكو وقالو ليه هدشي مستحيل
وليد بحاليلا قرا أفكارو:هانت كتغراق دابة وجد راسك للحساب لكبير
لوكاس كيشوف فيه وشحال كان كيتمناه كون كان ولدو وكيتفكر كيف كان يحساب ليه عمرو يغدرو ولا يسيق لخبار لداكشي لي دارو لباه عرف راسو انه كاع طيران لي كان كيطير والذكاء لي كان كيتسحابو انه ذكي والو قدام وليد لي لوا ليه يديه وجاب ليه حبل اامشنقة تا لعنقو بلا مايحس تبسم باستهزاء وهو كيشوف فوليد شوية بدا كيضحك بصوت مرتافع حتى كلشي بقة غير كيشوف فيه كيضحك بحال شي حمق
واحد من الامن:الهضرة ما بغيتيش تهضر والضحك كضحك وجدوو ليا داك الغرفة نقادوه مزيان ..
جروه وهو كيضحك ويشوف فوليد نيشان لغرفة تعديب وسدو لباب شوية بدا كيتسمع صوت غواتووو وهوما كيعدبو فيه بالضوو ..الشي لي خلا كاع المتهمين يبداو يهضرو ويعتارفو بكلشييي
جا نهار جديد
الليل كامل وهوما تحت التحقيق كامليين عيواو وهدا لي مرمي فوق الشلية بدماياتوو تعكس باش يهضر ويقول شنو عندو ويعتارف بالتهم  ديالو حتى عياا وحس مابقالوش الجهد لي يستحمل شي تعذيب عاد عتارف بكلشيييي واخة عندهم الدلائل خاص بزاف دالمعلومات يسمعوها منو ..الضوصي كان واجد لي غيتقدم للوكيل الملك
فجيهة خرا
الليل كامل ماجاهم نعاس كيتسناو شي خبار تا صباح الحال او والو ..دورات راسها لقاتهم متكيين عياو يلاه داتهم عنيهم شافت فنارة لي تاهي الليل كامل وهي فايقة وكتسنة واخة ماعارفة والو وكل شوية كتسول على وليد ماكايلقاو ما يقولو ..جمعات الوقفة وخرجات من الدار بلا متيحسو بيها ركبات مع شيفور:ديني فين كاين وليد
يلاه ايديماري وهي تركب تا ليالي :انمشي معاك
مارية كتافات بالصمت وديمارا داك الساع تا وصلو للمركز الخاص بالقضايا العليا ..نزلو ودخلو للداخل حتى كيتلاقاو بآدم:شكا ديرو هنا
مارية كتقلب بعنيها :بغيت نشوفو

#يتبع تسناو الجزء الجاي تشوفو الصدمة الكبرى وىوينة لي ايديرو😁