حطام 💔مكتملة💔

💔148💔

🔥حُطـــــــــــــام🔥
🥀تَمـــــرُّد المَشاعـــــر🥀
#148

الحاجة وصلات للباب ومدات يديها كدق :ولدي وليد  ..واش ندخل

لداخل
وصلو لجنب الناموسية وهو نازل مع عنقها كيبوس فداك لعنيق بوسات دافيين وفنفس الوقت يديه كيتنزل ليها فلكاب لي لابسة تا كاح فالارض ..

رجع تاني لشفايفهاا مامخليلهاش الفورصة فين ترجع اللور فاش كيحس بيها اتبغي تبعد.

.مسيطر عليها مزيان ورغبة ديالو غلباتو وبدات تغلبها تاهيي..

مارية كتلهت وسط شفايفو ماباغاش تستسلم وماباغاتش تضعاف تاني:ولييد حبس هدشي

هز راسو بلا  وهو كينطق غا داك:شششش
ويرجع لشفايفهاا تاني يبوس ويجر فيهم ويديه كدفع فيها لفوق النموسية...

حتى كيتسمع الدقاان وصوت الحاجة تسمع
مارية بعدات شفايفها من شفايفو بالزربة رجع جرها وهو كينطق:الحاجة اي موضوع خليه لغداا مشغول دابة
مارية خرجات عنيها فيه

الحاجة دارت بتسامة خبيتة على وجها ونطقات:غير على ود العرس ديالك نت وتيريزا بعد غدا ما بقة ليه والو يلاه قطعت مع تيريزا البنت كتوجد وبغات تعرف شكون ايحضر للعرس من جيهتناا..خاص نهضرو فهدشي

هزات راسها داك ساع وشافت فيه مقوصة حواجبها ..
وليد مسح على راسو ماكانش باغيها تعرف بهاد الطريقة كان باغيها تعرف من عندو وبطريقتوو

الحاجة دورات لبواني وحلات لباب ودخلات غير شافت مارية دارت راسها مصدومة زعمة كتمتل:سمحولي ما حسابليش ..
بدات كدير راسها كتفتف :شفتك دخلتي لبيت مع نارة
وسكتات كتقاد فشالها وهي فالداخل ديالها فرحانة وهي كتشوف داك نضرات دلقرطاس لي فعنين مارية لوليد

وليد شاف فالحاجة ودوة:الحاجة سيري تنعسي
حنات راسها وخرجات

مارية تحنات هزات الكاب ديالها ولبساتو وهزات شالها ودارتو على شعرها باهمال وتمات غادة
حتى كيجرها :مارية

تنترات منو وهي كترجع باللور وكتدوي وهي عاضة على سنانها:ماتقيسنيييش..وما تبقاش دور بيا ونت تابعك عرس اوليد
وليد:ماارية كنت باغيك تسمعيها مني ونفهمك اش واقع
مارية قربات تا لوجهو وحطات يديها على عنقوو ولسقاتو مع لحييط وزيراات بكااع قوتهاا حتى حس بدفارها ختارقو اللحم ديالوو :مااا عندك ما تفهمنييي سمعتينيي..باشمن صفة غادي تفهمنيي قوليييي انا وياك بيناتنا ورقة ديال زواج ما كانش خاص يكون وغادي يساالي فاقرب وقت..هدييك حياااتك دير لي بغيتيي لاش باغي تشرح لياااا...وشووف عمرررك تحاول تقرب لياااا مرة خراااا سمعتيني عمررررررك

فكل كلمة كتنطق كتزيد تزير على عنقووو ماكرهاتش تخرج روحوو حسات بيه ستحمرهاااا وكيلعب بيهااا...كتزييد تضغط باغة تبرد
وليد كيحس بداك.دفار ختارقو اللحم دعنقوو شوية واتوصل للحنجرة ديالو بكترة ما مزيرة علييه كيشوف فعنيهاا لغاضبيين ..هاهي تحولات تاني لقطة شرسة قادرة تقتلو فرمشة عين لما سيطرش على الوضع ..حيت فعلا ما بقاش قادر يتنفس وقلبو بدا يضرب بالجهد.....شهقاات فاش نتر يديها من عنقووو لدرجة دفارها تجروو مع لحم بطريقة كتقصح وخلات تماك جرحاات على عدد صبعانها طوال مطارسين تماك فعنقو كيسيلو بالدم. لصقها مع لحيط وهو كيسترجع انفاسو وكينهج وشادها من خصرها ومزير بلا ما يقول تا كلمة باغي يقاد انفاسو ويدخل لهوا للرية ديالووو بعدة وهي كتبادلو النضرات بصمت من غير انها كتنهج تاهي ...
قرب تا لودنيهااا كيحرقها بأنفاسو تماك ودوة:حنا الفراش وشركناه ونتي كتقولي بيناتنا غا ورقة امارية..راك كتقولي هاد الهضرة لواحد باس كل شبر فجسمك . انا هدشي كامل كنديرو على قبلك نتي ونارة باغي نعيش معاكم هاني امارية
مارية زادت عضات على سنانهااا:رخييي منييي واش باغيني نقتلك
وليد بليد لوخرا قاص عنقو لي كينزف ورجع شاف فيديه كتسيل بالدم:عارفك ديريها والوحيدة لي تقدر ديرها..والوحيدة لي ما عنديش مشكل نموت على يديها ..
دفعاتو بكاع قوتها ولكن ما تململش :بعاااااد بعاااااااد ما بغييت نسمع منك والووو صووتك ما باغاش نسمعووو
بدات غير كتنتر عرف انه صعييييب يخليها تكالمة وصعيب تشد الارض شاف تا عية وهزهاا بين يديه بسيف عليها وهي كضرب فيه وتغوت حل واحد لمجر هز  لي مينوط..ولاحها فوق النموسية بغات تنوض ولكن جاا فوقهاا متحكم فيها هز ليها يديها لفوق ومينطهم مع النموسية خلا ليها غير يد وحدة...
خلاها كتهز وتحط غير بوحدها بااغة تنوض وكتغوت:حييييييد هدشييييي حييييييييييييييد
وباغة تنووض وكتنتر يديها من المينوط بالسيف حتى جرحات يديها  وماحاساش بدااك ااوجع
بقة كيشوف فيها وناض من فوقها نيشان هز طليفونوو ورجع لعندها تحنى لعندها وهو جالس حداها شد راسها بين يديه وهو كيشوف فيها ودوة بحدة وبصوت مرتاقع:مارية سمعينييي حبسييييي هاد المررض
بلعات ريثها وهي كتشوف فيه وكتلهت ونطقات:مابغيت نسمع والو
دوة :بسيف عليك اتسمعي
وخدم الطليفون فواحد التسجيل..حتى التسمع صوت المكالمة ديالو مع تيريزا مارية كتلهت وتشوف فيه وكتسمع لحوارهم كاامل حتى سالاا
وليد كيدوي معاها بجدية :هادشي كامل على ود الكود لي غيخلني نوصل لداكشي لي باغي وايقاد لينا حياتنا امارية بقات خطوة وحدة وصافييي خطوو وحدة وكلشي غيساليييي فليلة لعرس داكشي لي فالخزنة ايكون بين يديا
وسكت وهو كيشوف فيها هز يديه ودوز اطراف صبعانو على خدها بشوية وهو كيبعد شعرها على جبينها وكمل كلامو:ولكن قولي لي لا امارية كنقسم ليك نتراجع ونحبس هاد زواج دابة ونقلب على حل اخور واخة صعيب ..

#يتبع اهياناري على هاد القطة المتوحشة كانت اتقتل لينا السيد...خليو ارائكم❤