حطام 💔مكتملة💔

💔63💔

🔥حطام🔥
🖤شرارة انتقام🖤
🖤الجزء 63🖤
خرجو من المصعد شاد فيد نارة: انا ومارية عندنا شي
شغال نتي اتبقاي مع سكرتيرة علامن نساليو  واخة

نارة حركات راسها بااه وهي ساكتة كتشوف فمارية

وليد قرب لسكرتيرة : خليها معاك حتا نسالي
السكرتيرة : واخة اسي سردار

دار عند ماريا دار ليها اشارة : تبعيني للمكتب .. تمشا بجانتلمانية دخل للمكتب ديالو حيد المونطو من فوق كتافو وعلقو فبلاصتو كيدوز الاتصال من تيليفونو وهو كيشوف فيها وهي مراقباه عندها فضول تعرف شنو متحت راسو من صباح وهي حاسة بشي حاجة ماشي تا لتم ضورات عنيها كتكتاشف المكتب ببرود مكدير حتا تعابير .. رجع كيدوي فالتيليفون وعيونو عليها كيف كتتصرف وكيييف كتتمشا وداك الهدووء لي كيعتابرو مأشرات عاصفة قريبة بحد ذاتها 

وليد : كان عليا نلقاك فالمكتب يمكن

المحامي : سمحليا اسي سردار .. تعطلت بسبب زحمة سير

ولييد ماجابوش  .. وقطع عليه مزالو كيشوف فيها تا نطق : جلسيي

بلاما تجاوبو ولا تتلفت جيهتو جلسات فواحد الفوطوي حيت بصح حسات براسها عيانة
تمشا بهدووء وجلس قدامها .. فوق الفوطوي داير رجل على رجل شعل سيكجروو كيكمييه بالثقال علامن يجيي المحاامييي

مارياا شماات ريحة السيكار رفعات راسها مخنزرة فيه ونااضت من حدااه لاقرب نافدة كتشم ريحة الهواا دييك الريحة خنقااتها كتكره لكارو منو يحتو وشكلو كيفكروها فديك ليلة المشؤومة كيف كان كيطفيه على لحمها بلا شفقة  حسات بلحرارة طالعة معاها وانها مابقاتش قادرة تزيد تبقة معاه مازال كتصبر راسها بزز علامن تشوف اش واقع هنا ولاش جايبهم مدة وهي واقفة فداك الشرجم وهو مراقبها بهدوء كيمي فسيجارو على خاطرو

دازو 10 الدقايق حتا كتسمع الدقان فباب المكتب .. هنا نطق سرداار : دخل

تفتح الباب ودخل المحامي فيدو ملف : نهارك مبروك سي سردار سمحلي تعطلت راه..

وليد قاطعو : حط لوراق وتوكل

المحاميي مازادش كلمة وحدة دار داكشي لي قالو وخرج
..

تفحصهم سردار بين يديه كانو هوما هادوك .. حطهم فوق الطبلة وطفا سيجارو لي فيدو لاخرة ..

وليد : مارية لوطفي
شافت فيه وهو كيحط لوراق قدامها

وليد : خاصك توقعي هاد الورااق

هزاتهم فيديها وجلسات : نقراهم بعدة
فتحات الملف تتقرا ورقة بورقة وهي كتتفحص بدقة

كتلقا الاوراق للاولين كلهم كيقولو بلي الا مات وليد املاكو كلهم غادين يتحولو لبنتو نارة .. وذاكرين جمييع الاملاك فالوراق بالتدقيق .. بقات كتشوف ببرود هادشي مهمهاش ومحرك فيها والو املاكو يدير بيهم لي عجبو بقات غادة كتقرا . كانو شي شرووط بسااط كتقرا بكل جمود وبرود حتا كتوصل لورااق تخدم معاه فشركة و عقد القراان كمشات ملامحها دغية تحولو من البرود والهدوء لملامح حادين مخنزرة كتقرا وتعااود كتلقا سميتها وسميت وليد سردار ولات كتغلي بحاليلا لعافية شاعلة فيها نهار كامل وهي صابرة ومستحملة هدشي كامل ولكن تا لهنا وفاض لكاس ماكاتهتيلش راسها مراتو تموووووت ومايوقعش هدشي  جعرات وناااضت لايحة ليه دووك الورااق قدامو

مارية : شهاااد الزمر .. شنووو هاد الزعامة كاملة لي فيييك عرفتي واخة نعرف نموووووت أسردار نمووووت ومانتزوجش بييك واش مازال ماعارفش انا شحال كنكرهك انا راه كون تجيني لفرصة مانتردضش باش نقتلك حتى دقيقة
وقربات تا لوجهو كتزيد غا كتجعر ملي كتفكر العقد: كنت عارفاك حقير وماكاتسواش ولكن ماشي لدرجة تبغي تزوج بيا انا لي كنقلب على اي حاجة ندمركلك حياتك بيهااا
ورجعات اللور هازة ساكهاا كتغلي ونطقات:حيوااااان يحساب ليه رخيصة على راسي ولا غير ايذكر زواج انسى داك ست سنين لي دازو حقيييير وهدشي كيحوم على بنت لباطرون ديالو
ملي نفاجرات وبدات تدوي بديك طريقة وهو غير واقف وكيشوف فيها متبت وكيسمع لكلامهاا وكل شوية ملاميحو كيتبدلو مع كل كلمة نطقات هو فبالو حوايج خرين باغي يصلح لماضي ولغلط لي دار وانه يمكن يطلقو من بعد المهم تسمى مطلقة ماكانش باغي يعاندها ويدير راسو فيها حيت لي داز عليها ماشي ساهل ولكن كلامهااا كلاممهاا بضبط وجرأتهاااا تعداو الحدود ماشي وليد سردار لي يتقالو هاد لكلام وفوجهووو حس بيها هانت رجولتو وهو كلشي كيضرب ليه الف حساب ..كانت مازل كتسب وغادة لجيهة لباب حتى كتشهق فاش كتحس بيه جرها وزدحها مع لحيط تا توجعات يلاه ادوي وهي تحس بيديه على عنقها خانقها غمضات عنيها كتسمع لكلامووو بصوتوو لي كيزعزع معصب وساخط وحرارة انفاسو على وجها:مارية كنقولك صبري قليل امارية