حطام 💔مكتملة💔

💔62💔

🔥حطام 🔥
🖤شرارة انتقام🖤
الجزء :62

جلسو كيستناو ماريا كانت خاشية عيونها فمجلة معرووفة هزاتها من فوق الطابلة كتصفححا ببرود خطير .. فهاد الوقت وليد كان راد ليها البال بنص عين عنيه مفيكسيين عليها يموت ويعرف شنو ميدور ليها فداك راس .. دار عند نارة كيدوي معاها : عجبك الجو
شافت فيه مبتاسمة ببراءة . نارة : اه .. بغيت نحيد الجاكيط .. مد يدو كيزولها ليها حتا حيدها وحطها جنب كيدوي معاها تا كيوقفو عليهم السرباية جايبين ليهم مشرووربات وليكاطو صغار علامن يجييي الغداا .. عمرو ليهم الطبلة .. حتا من المملحات الفاكية غاع لي تشهيتييها تلقاها ومشاو.. ابتسامة نارة توسعات فاش شافت الكاطو لي حطو بغات تدوق منو وهي كتشووف ولكن مقادراش خايفة من ماريا

وليد لاحظ تصرفها تحنا لجيهتها كيدوي معاها : شنو بغيتي؟ .. شافت فيه ورجعات شافت فالكاطو لي عجبها .. نارة شيرات ليه : هاداك .. هزو حطو فالطبسيل لي قدامها : يمكن ليك تاكليه ملي نكون معاك اي حاجى بغتيها ديالك
.. فرحات غير هي غتحط يديها على المعلقة تا كتقفزها ماريا لي دوات بصوت حاد قفزها : جمعي يدييك . وليد ميل راس كيشوف فيها بمعنى منيتك كتفة فقط بنكق اسمها بصوت خاد كتر منها:مارية
.. دوات من تحت سنانها بعدما حطات داك المجلة من يديها بصوت اشبه بفحيح الافعى كيتسمع غير بيناتهم : مكنعاودش الهضرة زوج مرات مغاتاكلش منو وصافي جمعي يديك وحطي داك المعلقة ورحعي اللور ..
كمش ملامحو ساخط على الوضعية تالين غتبقا مريضة وممرضة البنت معاها كرهاتو فيها غير بهاد المواقف لي كدير تا كيبغي يفتح قلبو ليها ويقول صافي راه انا لي غلطت معاها عاد كتخرجلو ببلان اخر راسها قاصح بزاف وهو هدشي مامولفش بيه مامولفش يدير لخواطر لبنادم.. ضرب على الطبلة بالجهد قدام نارة وناض زير على يديها لي كضرها بسخط وعيونو كينفتو الناار فيها ممحكمش فراسو وهو كيدوي تحت سنانو : غاديا تحبسي هاد المرض ديالم ولا غننسا حنا فين وبلي البنت معانا وغنضطر ندير شي حوايج خايبين متخلينيش نخرج على طوعي امارية رتني مصبر راسي بزز
.. شافت فيه بحقد جارة يديها عندها  بي صراتها بزاف عاضة على شفايفها كاتمة المها ولكن مبيناتش وهي كتبادلو نفس الشوفات وقلبها غيطرطق من جيهتو وناضت مخلياه كتشير لشي واحد من السرباية لي عمرو الطبلة حتا كيوقف عليها واحد فيهم
حاني راسو : نعام الالة
ماريا ببرود: الكاطو لي حطيتو واش فيه البيض .. جاوبها ساعتها : ااه الالة كيتخدم بالبيض ..
ماريا : سمحليا ولكن البنت فيها حساسية منو كتبدا ترد وكظرها المعدة
. السرباي : سمحولينا معندناش علم دابا غنبدلو دار عند وليد كيتأسف ... سمح لينا اسي سردار ..
  فهاد اللحظة بالضبط وليد عقد حواجبو كانت البنت غاتاكل شي حاجة تخليها تتمرض ولكن شنو فيها كون قالت ليه لبنت عنظها مساسية من لبيض كاع ماكناو ايوصلو لهادشي عزيز عليها العكس لهاد.دراجة ماكاتقدرش دخل معاه فحوار . شاف فيها مطول الشوفة تا رجعات جلسات وهاد المرة قدامهم وقريبة ليهم وهي مبتاسمة فوجهو باستهزااء رافعة فيه حواجبها .
ماريا بهمس ليه:مزل ماكتعرف بزاف دلخوايج على بنتك اسي سردار متعرف غا تستقوة عليا
بادلها نفس الابتسامة وخدا واحد من المشروبات تيكب فكاسو .. جغم منو كيبرد على راسو هضرتها وحركاتها لمستافزين ايخليوه يظير فيها شي موصيبة تنهد  وعيونو عليها متزحزحوش مدة تا كيجيبو ليهم بلاطو اخر عامر بليكاطو مفيهمش البيض هاد المرة حطوه .. حط وليد لنارة لي عجبها فيهم تاكلو وهو كيعاونها وكيقطع ليها بالموص باش متعذبش .. عاطيها اهتمام من نوع خاص وهو مهدن .. مباغيش يحسسها بالنقص
كملات الكاطو وقالت كما علماتها ماريا : الحمدلله ..
تبسم ليها سردار ومد يدو كيمسح ليها فمها بكلينيكس وعطاها تمسح يديها حتا كيجيييو هاد المرة السرباية والشاف دافعين زوج طوابل طواالو بالروايض فيهم اطباق كباار مغطيين