حطام 💔مكتملة💔

💔112💔

🔥حطام🔥
🖤شرارة انتقام🖤
#112
جا نهار جديد

فبلاصة بعيدة على الفلة
ليل كامل وهي واقفة حدا داك لحيط لي كلو زااج كيطل على بيتووو كتشوف فيه كيف ناعس فوق لباياص ودوك الاجهزة ضايرين بيه ...طبيب عطاه 48 ساعة عاد يبان ليهم واش حالتو ستاقرات ولا لا

ليالي كتشوف فيه حابسة دموعها حتى بغات تنسا لماضي وتعيش حياتها وتصلح علاقتها معاه عاد تضرب برصاص وهاهو دابة كيقاوم المووت..ادم لي ديما ضاحك ديما كيدير لخواطر هاهو دابة فوق سرير ..تنهدات :رجع عفاك وولي على خير وغنكون معاك كيف بغيتي انكون مراتك وعمري نخصر خاطرك مابغيتش نخصرك أ ادم

الجدة:بنتي ليل كامل ونتي واقفة سيري رتاحي فدار
هزات راسها بلا:خليني اجدة
الجدة:وليد ماعرفتش فين زاد علم الله اش واقع فحفيدي قالي طبيب غرزولوو وملي فاق من البنج مالقاوهش ماعرفتش اش وقع لييهم ياربييي ما حميهم ياربيي
ليالي:امييين ياربي امييين

فجيهة خرا

ملي غمضات عنيها لبارح ماحلاتهم نعساات مافاقتش كااع وتاهو نعس ما ولاش فااق ...

حل عنيه بشوية حاط يديه على راسو كيضروو
فتواني كاع داكشي لي وقع من ول لبارح فاش خرج فصباح حتى لاحدات لبارح رجعو ليه لدماغو مسح على راسو ودور وجهوو كيشوف فيديه لي فيديها شاف فيها كيف ناعسة بهدووء تهز شوية وعنيه عليها قوص حواجبو من الوجع لي شدو فجنبو ..

تحنى لعندها شوية مميل راسو كيشوف فيها كيف كتبان بريئة وهي ناعسة

هز يديه لوجها كيحرك اطراف صبعانو بشوية على خدودها وعنيه كيتساراو على ملاميحهاا وافكار كتديه وأفكار كتجيبو بعد شعرها على وجهاا .وكيزيد يميل راسوو ..ساهيي فيها حتة كيشوف ملاميحها بداو كيتحركو باش اتفيق بقة مراقبها كيتسناها تحل عنيها..تواني وحلات عنيها ..جاو نيشان على عنيه بقات غا كتشوف فيه كتحاول تستوعب وهو فوقها قريب ليها ويديه على خدهااا..احدات لبارح كلهم رجعوو ليها..كتشوف فيه وتاكد راه هدشي حقيقي وهو عايش ..وقريب ليها دابة..حسات بيديه نازلة على خدها بالعرض البطيئ بورشاتها اا وصل لعنقها حرك اطراف صبعانو غا بشوية حتى كتشهق فااااش دور يديه على عنقهااا وزير خانقهااا...قرب تا لودنيها وهو كيدوي عاض على سنانو مامهتامش كاااع انه شوية وايسحق عنقها بين يديه:قلت لك اتمناي كون مت ..واتندمي حيت ماقتلتينيش وماهربتيش لبارح
مارية كتحااول تبعد يديييه مابقاتش قادرة تنفس وجهاا حماار وعنيهاا دمعووو تا لهضرة ماباغاش تخرجلها كيتسمع غا صوت ديالها كتنجه..
كمل كلامو مبعد من ودنيها وتقابل مع وجها كيشوف فيعنيها بكل حقد:ماغاديش نتعامل معاك بضمير امرية .حدرتك ودرت عين ميكة على كاع أفعالك ولكن باش تدخليي فانتقامي وطعنيني فضهري مع عدوياا وزيد تكوني سباب فهداك لي بين لحياة والموت دابة فسبيطار كيموت راه مانسمحش لك ..كنتي ادمري حياة عائلة كاااملة منهم حياة بنتك وحياتك
زاد ضغط عليها كيتفنن فتعديبهاااا تا لون دوجهااا تبدل ولات كتشوف لموت بين عنيهااا هاهو كيوفيي بكلاموو هاهو وجهو تانييي هاهو مارحمهااش وكيلعب دابة بروحهاا بين يديه وعنيه فعنيها ..
نطق بحقد تاني:ها وليد.جديد لي حدرتك منو من اليوم امارية كاين غتطبيق واي حاجة اتجي منيي ماغانتسناكش ترفضيها ولاا تمنعيني منها مشاو دوك ليام
مارية صافي بدات كتحس بقلبها ايوقف وريتهاااا اتنفاااجر صافي غتمووت نزلو دموعها مابقاش ليها الجهد يديها ترخاااو وهي باقي كتشوف فيه..ميل راسو كيشوف كيف جهدها تقادة عاد رخة منها خلاها كتكح وتنفس بالجهد وحاطة يديها على صدرهااا مزيرة على ليزار بقوة لي كانت مخنووقة لهواااا فاش دخل لريتهااا قصحهاااا..تهزااات وهي كتحس بالردة ودوخة ناضت بصعوبة مازل كتكح ونزلات من النموسية نيشان للحمام وسدات عليها وتحنات كترد غا لخوااا ولماا..مع ما واكلة والووو حاسة بمصارنهاا ايخرجوو جلسات فلارض كتلهت وتسترجع انفاسهاا

على برة ناض وهو كيمسح على راسو عاقد غوبااشتوو وكيكح مرة مرة جا فبالو ينشي يفرع عليها داك الحمام ويكمل عليهاا ..دخل للحمام طرف حالتوو من داك الدم ولحالة لي كان فيها بما دافي وخرج لبس عليه بشوية مازال داتو عياانة وتعبانة وراسو كيضروو ..شاف جيهة لحمام مازال سادة عليها وما ناوياش تخرج قرب وضرب لباب برجليه تا قفزات كانت باقة جالسة فلارض وكتلهت فشلانة وطيارة شا.اها بقلة لماكلة والاعصاب وضغط وكان ايخنقها..
وليد رجع ضرب لباب برجليه ودوة وهو عاض على سنانو بصوت ساخط:مازال امارية انتحااسبووو
وخرج من البيت مبلج لباب بساروت ونزل كيوصي لخدامات تا وحدة ما تقرب لداك لبيت ولا تفتح عليها واخة يوقع لي يوقع وخرج من الفلة راكب فطموبييل وكسيراا
مارية خرجات من الحمام متكية على لحيط وجها ولا شاااحب وراسها تقيل عليهااا قلبها مزموت مشات جيهة لباب بغات تحلو لقاتو مبلج تنهداات ومشات تكات فوق النموسية شاداها طيارة