حطام 💔مكتملة💔

💔157💔

🔥حُطـــــــــــــام🔥
🥀تَمـــــرُّد المَشاعـــــر🥀
#157

لبالي تنهدات براحة على كلامهاا وهي مزال كتصنت للطبيبة:هي يلاه فبداية الحمل ديالها ..وشربات شي أعشاب ماخاصش تشربهم لي حاملة هدشي لي كان غيسبب ليها الاجهاض الحمد الله شرباتهم وهوما مخلطين ..ماشي بوحدهم كون خسرنا الجنين ..ولكن هدشي راه اتر على الحمل ديالها ..الجنين ولا ساهل يتهز من بلاصتو خاصها الراحة وما تحركش بزاف وهاد الايام تبقة تعنس على ضهرها ودير خدية تحت من رجليها ..المهم دير احتياطاتها كاملين..مع شي دوايات تبعهم وغتكون بيخير اتبقة معانا هاد نهار وغدا فصباح تمشي لدار

ليالي:ان شاء الله..وهي فاقت
الطبيبة شافت فالساعة:من دابة  ساعة ونص اتحل عنيها
وخلاتهم ومشات
ليالي:الحمد الله ياربي
شافت فالحاجة لي غير ساكتة:هدشي ماكايعنيش انك فلتي منها ..مارية ماغاتسكتش وهدشي من حقها اجدة
الجدة بقات غير ساكتة ما جاوبتهاش
دازت نص ساعة كانو عندها لداخل
حتى كيشوفوها حلات عنيها كتحاول تستوعب اش وقع ..قربات عندها ليالي:على سلامة
مارية شافت فيها مقوصة حواجبها ودوات بهدوء عكس داك البركان لي فلداخل ديالها:هدشي لي وقع بسباب الحمل
ليالي هزات راسها باه
مارية حطات يديها على كرشها ودوات وعنيها فعينين ليالي باغا شي جواب يريحها:طاح ياك مابقيتش حاملة
ليالي:لا راه الجنين بيخير الحمد الله خاصك غير الراحة وماتحركي..
قاطعاتهاا وهي مزيرة على كرشها وبصوت مرتاافع:علااااااش ماماتش علااااااااش
ليالي:شكا تقولي امارية
مارية بصوت بصوت مغزف:يااربييي ماشي للمرة التانيييية
ليالي شدات ليها فديها كتشوفها كلعا كترجف وملاميحهاا مخربقيييين وكتمتم بكلام مامفهومش
مارية بغات تنوض وهي ترجع تجلس من الحريق لي شدنا فكرها حييت تهزات بالجهد قوصات حواحبها مقوصة حواجبها
ليالي:ماخاصش تحركي بالجهد  راك باقة مريضة نتي والجنين
رجعات تمااات مغمضة عنيها كاتمة دموعها بسيف باش ما ينزلوش كيفاش حاملة منو للمرة الثانية مابغاتش تقبلهااا .هدشييي مابغاتوش يوقع حيت مزال باغة تمشي بحالها وماتوليش تشوفووو مازال مامتيقة انه حاملة ...
بقاو غير كيشوفو فسها كيف مغمضة عنيها ويظيها على كرشهااا وملاميحها ماكايبشروش بالخير..
حتى كتحل عنيها وكتشوف فالحاجة:داك لعشوب شربيتيهم ليا باش تفتلي الجنين ياك
الحاجة بقات غير كتلعتم فالهضرة
ليالي:مارية من حقك ديري اي حاجةراه حياتك وحياة ولدك لي كانو فخطر..ولكن وليد لاعرف انه بغات تقتل ليه ولدو ايتبرا منها فمراا وايمحيها من حياتو..انا عارفة جدة ماشي النوع لي شراني غير ماعرفتش اش وقع ليها المهم ديري لي بغيتي
مارية كتشوف فالحاجة وهي مخنزرة :يتبرا منك باش نتهنا منك ومن صداااعك ومن هدشي لي كديري وانا صابرة عليك
الحاجة بلعات ريقها ودوات:تقدري تفرقيني على حفيدي لي تربا على يدي وولا طرف مني ..نتي يلاه دخلتي لهاد العاىلة لبارح ماغاتعرفيش قيمتو عندي قداش
مارية :خليه يعرفك على حقيقتك
الحاجة عنيها تغرغرو بدوع بمجرد ما اتقولهالو صافي ايمحي اتارها من حياتو
مارية شداها الدوخة ناضت جالسة بصعووبة مازال دمها كيغلي مزال كتقول انه هدشي غا حبم مازال هاد الحمل ماداخل لراسها ..رجعات كتمات دموعها وهي كتنهد بصوت مرتافع وشافت فالحاجة:هدشي ايبقة هنااا .كلشي ايبقة كيف كان بحاليلا ما وقع والو..انا مادخلتش للطبيب ونتي مادرتيلي والو
الحاجة مصدومة كيفاش ما اتقول وااو:كيفاش وعلاش
مارية حاسة براسها اينفاجر عليها:ماشي سوقك ديري هدشي لي قلت لك ونساي هدشي لي وقع هنا
الحاجة هزات راسها باه وهي كتشوف فعينيها باغة تأكد واش بصاح...حتى كيصوني طليفون ليالي جاوبات داك الساع كان آدم
ليالي:الوو..راني مع جدة انشريو شي حوايج...هااا كيفاش ..اااه على سلامتو ..واخة بسلامة..
وقطعات وهي كتشوف فمارية:وليد راه راجع من السفر
الحاجة بخوف:صافي ايعرف كلشي لا جا للطبيب..طبيبة اتقول ليه كلشي صافيي مشيت فيها
مارية:انمشيو للدار قبل يوصل
ليالي:ولكن قالتلك طبيبة..
قاطعاتها:عاونينني نزل