حطام 💔مكتملة💔

💔140💔

🔥حُطـــــــــــــام🔥
🥀تَمـــــرُّد المَشاعـــــر🥀
#140

نمشيو لجيهة خراا

كانت جالسة فصالة وكتصوني عليه والوو تا بدا يدخلها شك وقعات ليه شي حاجة وهو يلاه خرج من صبيطار
لبارح طريق كاملة وهو ساكت تا وصلو لحدا دار حطها وكسيرا مشاا..وماولاش وماباتش فدار

ليالي :عنداك توقع لييه شي حاجة تا طليفونو طاافي
ناضت باغة تلبس عليها وتمشي برجليها للمنضمة اكيد ايكون تماك وايلا ماكانش عاد تشوف اش ادير

مع نوضة مع كتشوفو داخل مع باب دار..بقات غير كتشوف فيه..وهو كيشد لباب ويحط سوارتو وطليفونو فوق واحد طبيلة حدا لباب ..ماشافش لجيهتها..عيط للخدامة:وجدي ليا قهوتي علامن ندوش باش نمشي للخدمة

ومشا دخل نيشان للبيت وهي غير كتشوف عرفاه مقلق من داكشي لي دارت ولكن علاقل يخلي ليها لخبار غير فين بايت
تبعاتو للبيت كتشوفو كيحيد تيشورطو بقة بصدرو عاري وهز فوطة قبل يدخل للحمام وقفات ليه فلباب لحمام:فين هدشي ديالك
آدم كيشوف فيها وفداك جميعة لي دايرة لشعرها سفينجة مخربقة وشعرها نازل على عنيها وداك لبيجامة لغوز كتبان كيوت قرب تا لوجها ودوة:داخل ندوش دخلي معايا
بلعات ريقها:كندوي علاش مابتيش فدار ونت يلاه خارج من طبيب وزايدها طافي طليفونك
تنهد كيحط يديه على باب لحمام وهي فابوسط:باش تراجعي راسك وتفكري مزيان حيتاش بنتيلي غير كتخربقي
قوصات حواجبها:كنت بغيت نعاون خويا..ومالها هي ماديرش شي حاجة ياك هي سباب فكلشي وقالت باغة تصلح الغلاط ادن خاص تصلحو
آدم:ونتيي مااالك شكون طلب منك ديري شي حاجة..وزعمتيها وكنتي اتكوني سباب فموتها وضيعو لينا كلشي درناه داك ساع كنا انمشيو فيها كاملين..كون ماتدخلش وليد فاخر لحضة كانو ايقتلوها ..ماتكونيش انانية بتفكيرك اليالي
ليالي:انا انانية
هز راسو باه:اه اليالي البنت ماعندها تاشي ذنب الغلط وقع وندمات ونتي بغيتي تغرقيها وتغرقينا معاها..ماتزيديش تكملي على خوك هو واحل وكيتقاتل باش يسالي هدشي على خير ادن خليييه راه عارف شكا يدير وانا صاحبو واقف معااه وغادين دقة دقة لاش ادخلي نتي ولا هي..باش تعاونونا جلسو وتبتوو بلا داك طيران دوالو
بقات غير كتشوف فيه
حط يديه على خدودها لي ولاو حومر وقرسها غير بشوية:واشوفي فياا
ليالي:انا ماشي انانية انا شفت اش داز علينا بسباب مراا كيف فرتكات لينا العش مابغيتش يتعاود نفس شي.
آدم:هديك بحدها ومارية بحدها مارية عندها اسباب وماشي خايبة لداك الدراجة..
تنهد:نتي عارفة هدشي غير باغة تعكسي راسك
حط يديه على كتافها:ديري عقلك وخدمي عقلك وفكري مزيان سمعتيني نتي فاهمة كلشي خاصك غير تستوعبيه
بقات غير كتشوف فيه عارفة عندو الحق ولكن هي ولات كتخاف من كلشي. ما عرفات ماتقول
مابغاش يزيد يضغط عليها:شنو دابة ما اتخلينيش ندخل ندوش ولا ناوية ندوشو بجوج
شافتو بدا كيجرها وهي تهرب من بين يديه دار كيشوف فيها
ليالي:شنو واش باقي مقلق مني
آدم تكا على باب الحمام :على اينا حاجة بضبط واش على لبارح ولا على اخر مرة
فهمات قصدو نزلات راسها:على كلشي
بقا كيشوف فيها وحل لباب ودخل لحمام خلاها غير كتشوف ما قتلها ما حياهاا :اوووف ماعرفتش كيف غنشرح ليه
وخرجات من لبيت مشات للكوزينة لقات لخدامة كتقاد صنية تكلفات هي وقدات ليه تا ماياكل ..وخرجات من لكوزينة وصينية فيديها جات معاه قد قد حطات ليه داكشي فوق الطبلة وجلسات بعيد كتشوف فيه كيفطر بلا تا كلمة ..حتى سلا شرب كاس دلما ووقف وهي كتسناه يقول شي حاجة والمشكلة هي ماقاداش تزيد تدوي وتقولو انه داك الليلة كانت خايفة
تم خارج مع لباب حتى كيوقف ودار شاف فيها:غنرجاع بالليل لخبار فراسك لا بغيتي نتصالحو
وسكت وكمل:أمراتي
وحل لباب وخرج وهو مبتاسم عارف شكا يدور فراسها خليها توجد راسها هاد الليلة