حطام 💔مكتملة💔

💔118💔

🔥حطام🔥
🖤شرارة انتقام🖤
#118
على برة

ليالي كانت متكية على الحيط عرفات راسها غلطات فاش قالت داك الهضرة لخوها ولكن كيفاش قدر يتزوج بوحدة لعبات من موراه ...

هزات راسها فاش شافتهم خنزرات فمارية لي دازت من قدامها تا وقفات كتشوف فأدم من الزاج قربات لعندها وهمسات ليها:كلشي بسبابك
مارية شافت فيها ونزلات راسها وكملات طريقها
ليالي شافت فوليد لي ماشافش تا لجيهتها :خويا بغيت نهضر معاك

كمل طريقو وهو كيدوي:من بعد
وخرج من سبيطار هو وتيريزا لقاها واقفة براا ..شاف فشيفور:هاد الدوة لي فلورقة شريه وجيبو للدار
وركبو فطموبيل ديمارا داك سااع

تيريزا ملي ركبات وهي كل شوية تلمس فيه وتقرب تبوسو على خدو وتكا على كتافووو وهو مخليهااا باغي تايعرف علاباش ناااوية عارف هاد النوع مزيان شنو خاصوو ..

كانت كتحاول ماتشوفش فيهم ولكن تيريزا بحركاتها بزااااف اي واحد ينتابه ..ماجات عنيها غا فاللحضة لي كتبوسو من عنقو وهو سايك ..مدات يديها وحلات شرجم غير شوية وخرجات راسها منو شوية يضرب فيها الريييح
تيريزا دورات وجها:شدي الشرجم ريح ايخربق ليا شعري
مارية تنهدات وشافت فيها ورجعات شافت فالشرجم حلاتو كلووو ورجعات خرجات راسهاا بحاليلا ماسمعات والو.تيريزا خرجات فيها عنيها وشافت فوليد لي كيشوف فطريق مادار تاشي ردة فعل ..رجعات شعرها اللور لي كيحركو الريييح وهي عاضة على سنانهااا تا وصلو للفلة
نزلوو ودخلو للداخل
مارية غير دخلات طلعات للبيت نيشان وهو مراقبها
كانت الخدامة واقفة شاف فيها :وجدي شي حاجة دلماكلة وطلعيها ليها
الخدامة:واخة اسيدي
شاف فتيريزا لي ماعاجبها حاال وباينة كتغلي جا وقتها باش يعرف شنو متحت راسها ميل راسو ومد ليها يديه:اجي
قربات لعندو حاوط خصرها بيديه وجرها لعندوو عارف انه قربوو كياتر فيها وغا شوية دالاهتمام منو يدوبها قرب تا لعنقها وطبع قبلة فشلاتها خلاها ترخة بين يديه كيشي ريشة وهز راسو كيشوف فعنيها لي كيبريو بالفرحة وهمس ليها وعنيه على شفايفها:مالكي
بلعات ريقها لحارارة طلعات معاه وهمسات ليه:بغيت نشوف بيتك
ميل راسو بابتسامة فاهم قصدها وجرها معاه طلعها لبيتو
وليد:هاني راجع

وخرج مشا نيشان لعند مارية باقي ما كمل كلامو معاها
دخل لقاها كتاكل مع كان فيها جووع كلات كلشيي..غير شافتو هزات كاس دلما وشرباتوو وحطات لكاس وهي كتشوف فيه عارفاه باقي ماسالا كلامو دقبيلة عارفاه مزال عندو مايقول ليها
ميل راسو للناموسية شاف نارة ناعسة
قرب ليها وجرها معاه للبالكون

مارية :عارفة مازال عندك ماتقولي
هز راسو باه:كتعجبيني بالذكاء
وليد كيشوف فيها وفداك النضرة لي فعينيها خاصة بيها بحدها واخة مريضة واخة عيانة واخة مهزومة كتبقة نضرتها قوية فكاع الضروف ..قرب لعندها وحط يديه مور ضهرها وجرها لعندو ودوة وعنيه فعنيها:دابة عندي الحق نقيسك امارية وليتي من ممتلكات وليد سردار يعني اي حاجة مسموحة معاك المفروض هاد النهار يكون ديالنا ولكن ماشي مشكل نعوضوه مزال ليام بيناتنا
كيدوي ويحرك يديه مور ضهرهاا
مارية بغات تبعد وهو يتبتها كتر نطقات:واش كيحساب ليك حنا بحال اي جوج عادين اوليد نت راك تزوجتي بوحدة لا علاقة بالزواج تزوجتي بوحدة دمرات لك كلشي ويقدر تموت فاي لحضة بسبابها
تبسم على كلامهاا مراقبها كيف كدوي هز يديه لخدودها لحومر مع الجو باارد حرك اطراف صبعانو بشوية عليهم وعنيه على شفايفها:كنضن قلت لك واخة نمووت امارية ما انخليكش مورايا دخلتي راسك لحساباتي ادن اتحملي النتيجة يا نموتو بجوج يا نعيشو بجوج حيتنا وحدة دابة امارية
مارية بلعات ريقها :كيفاش
قرب تا لودنيها وهمس ليها:نهار يقتلني السم لي مزروع فداتي اتبعيني بهادشي لي درتي خليتيني نفكر فشنو العقاب لي يجي معاك ولي مايخلينيش نخرق راسي معاك فزرعت لك تانتي السم فجسمك دابة ولا مصيرنا واحد امرية عشت اتعيشي مت أتموتي