حطام 💔مكتملة💔

💔105💔

🔥حطام 🔥

🖤شرارة إنتقام 🔥

#105
بعد يديه من خصرها ماحاملش هاد الاجواء فمرا..
تيريزا شدات ليه فيديه:فين غادي
شاف فيديها لي على يديه وبعد يديه بهدوء:هاني جاي

ومشا وخلاها مع شي ضيوف حاضرين للخطبة...دور وجهو بان ليه لوكاس ملاهيي ..كمل طريقو داخل لداخل للدار...شافها غادة جيهت لكولوار تبعها حتى وقف عليها:فين هو المكتب

كانت بلباس لخدامات:هاهو جيهت الدروج مع الدورة لباب ديالو كبيرة متميزة..المهم راني عطلت لكاميرا لي اونفاص معاه ولي لداخل لمدة 15 لدقيقة

هز راسو باه ومشا جيهت الدروج لقة لمكتب حل الباب ودخل كيشوف هنا ولهيه ضاروري مايكون هنا مخبي دوك لوراق وضوصيات وشي فيديوات باغيهم وهوما لي ايطيحو لوكاس وكاع المنضمة .
.هاد الادلة مايمكنش يخبيهم فاي بلاصة حتى من كوفر دلبنك لخاص بهدشي مايتيقش بيه ادن ايكونو فالمكتب..

.بقة كيدور عنيه عليه مزيان كيشوف فديكورات ..اللوحات لي معلقين فلحيط ..فلارض فكل بلاصة..قرب كيقلب مور اللوحات ..فالمكتب ...كيشوف واش كاينة شي بلاصة سرية...

على برة

كان غادي جيهة المكتب حتى كتوقفو بصوتها:بابا فين غادي

لوكاس:غادي للمكتب بغيت واحد ضوصي نعطيه لوليد يشوفو غدا عندنا واحد المداهمة لشي مافيا كيتاجرو فالبنات
تيريزا:حتى نهار خطوبتي اتهضرو على الخدمة
جرها من دراعها غادي بيها جيهة لمكتب لي اونفاص معاهم:دابة قوليلي فرحانة
هزات راسها باه :بزااف كاع ابابا
وقف حدا باب المكتب وهو كيبوس ليها يديها:هدشي لي بغيت ابنتي ماكاتجيش معاك تغوبيشة
حط يديه على لبواني باش ايحلها:احبيبة باباها

لداخل

كان اونفاص مع واحد لمراية جاية كبيرة كيشوف فيها ويشوف فساعة مابقاش بزاف ..وبقات ليه غا هاد لمراية يتأكد منها ...حتى كتحل الباب
ووقف وهو كيشوف من لمراية شكون ايدخل مع الباب.

لداخل

كان اونفاص مع واحد لمراية جاية كبيرة كيشوف فيها ويشوف فساعة مابقاش بزاف ..وبقات ليه غا هاد لمراية يتأكد منها ...حتى كتحل الباب
ووقف وهو كيشوف من لمراية شكون أيدخل مع الباب.
شدات لباب وعنيها عليه وتكات على لباب كتشوف فيه
كان كيشوف فيها بهدوء من لمراية..
تيريزا:بابا راه مشا يجيب ليا طليفوني
وقربات لعندو وكملات:واش خاص نسولك شنو كدير فمكتب بابا
دار لجيهتها وهو خاشي يديه فجيابو :سولي
بتاسمات وهي كتحط يديها على صدرو :متلا شنو كدير هنا
دور يديه مع خصرها وجرها لعندو كتر منزل راسو دافنو فعنقها ودوة بهمس بورشها:متلا كانت عندي مكالمة ضرورية ماخاص يسمعها تا واحد ولقيت هاد المكتب خاوي
تيريزا صافي ترفعاات نسات كاع داك شكوك لي كانو فدماغها فهاد االحضة بلعات ريقها وهو مكمل كلامو من بعد ماطبع قبلة على عنقها خلاتها دووب وقلبها يبغي يوقف :اولا كنتسناك تجي عندي
عضات على شفايفها مبتاسمة هدشي بزاف عليها كانت كتمنى غا شوفة منو ودابة هاهو قريب ليها...هز ليها راسها لعندو كيشوف فشفايفها وهي كتسناه غا فوقاش يديرها قرب لشفايفها وجرها لعندوو كتر وكتر وبدا كيبوسها..هي ترخات بين يديه هازة يديها مور عنقو وتجاوبات معااه اطيير بالفرحة ماباغاشش يبعد.دقايق قلال وهوما هكاا.حتى كتحل لباب ..ختم داك القبلة وبعدها عليه بشوية ويديه مازالة على خصرها..كان لوكاس وهو مبتاسم:واقلة جيت فشي وقت ماشي هو هداك
تيريزا لي لفرحة كتبان فعنيها:ااه ابابا
لوكاس ضحك:هههههه هي قوليلي صدرتيني نجيب طليفون فاخر لحضة باش تجيبي خطيبك لهنا ياكي
هزات راسها باه:ههه ااه ابابا
لوكاس قرب لعندهم:انا فرحان بزاف حيت وليتي نسيبي
وليد فوق طاقتو رسم واحد لابتسامة خفيفة:وانا كتر منك
لوكاس:اجي نجلسو
جلس فوق لفوطوي وتيريزا لاصقة فيه جالسة حداه وشادة ليه فيديه وكتلعب بيها..ولوكاس كيشرح ليه المدتهمة لي ايديرو غدا ووليد داخل معاه فالحوار كيختارو شكون ايكون فالفرقة المداهمة وكيف اتكون
تيريزا ماكاتسمعش كاع لكلامهم حاضياه غا هو كيف كيهضر متبت وبكل رجولة وحركات يديه وتعابير وجهو ..ماتكرهش يبقة ديما هكا حداها..وكتمنى فوقاش خلاص يتزوجو وتولي معاه فدار وحدة

سلاو مناقشتهم ووقف جامع الوقفة:انا غتسمحولي انمشي تا لحاجة اتكون عيات

لوكاس:بصاح شفتها قبيلة غا جالسة وباينة عيات
تيريزا:انبقاو نتشاوفو ياك
هز راسو باه :ضاروري
هزات يديها لي فيها لخااتم وباستو :انا فرحانة بزاف
كتافة انه يجرها لعندو بحاليلا معنقها:يلاه نخليك
تيريزا:أنوصل معاك

تمو خارجين وهوما يلقاو كريم فوجهم وليد بغة يكمل طريقو وهو يوقفو صوتو:انا لي باقي ماباركتش ليكم
تيريزا بتاسمات وهي كتشوفو كيقرب وكيعنقها:مبروك اختي
وشاف فوليد وقرب ليه وهو راسم على وجهو ابتسامة خبيتة:مبروك ومرحبا بيك فالعائلة
وقرب تا لودنيه وهمس ليه:باقي مانسبت داكشي ديال داك النهار وماغانرتاح تانعرف اش كاين
وليد ماجاوبو على والو جر تيريزا معاه وخرجوو الحاجة كانت كتسنى وصلو للطموبيل حل ليها لباب ركبات
تيريزا قربات ليه وعنقلتو:كنبغييك اوليد واخيرا تحققات سي حاجة كنت باغاها
باسها على خدها:مازال نتجمعو
.هزات راسها باه:يلاه تصبحي على خير
تيريزا:تصبح على خير
ركب وهو كيدير اشارة لادم باش يتحركو ديماراا ومشااو

فطموبيلة ادام
ليال:هدشي لي كيدير وليد خالعني خايفة يتقلب عليه
آدم: قلتها ليه قالي عارف راسو شكا يدير ها حنا انشوفوو

وصلو لدار
دخللوو وهوما كيهضرو على هاد الحفل ..كانت واقفة حدا لمراية كتحيد فلحجاب حتى تطلق شعرها:اصلا داك لوكاس مارتاحيتش ليه كتحس بيه خبيت من شوفاتو تعرفو مامزيانش الله ياخد فيه لحق حرمنا من بابا الله يرحمووو
كان متكي علي لحيط ومراقبها ومامسوقش لكلامها كيشوف غا داك شعر طويل لي نزل تا لخصرها ودوك لعوينات زورق ..حيدات لكاب طويل وحطاتو وهي مازال كدوي ..كانت لا بسة من لتحت كسوة طويلة مزيرة على فورمتهاا. ما حس براسو تا كان موراها حاط يديه على خصرها مبعد شعرها لجيهة لوخرا وهمس ليها:-ليالي ماغاتحنيش فيا خلاص
بلعات ريقها كتحس بحرارة انفاسو على عنقها تلفهااا ولسانها التربط

#يتبع