حطام 💔مكتملة💔

💔178💔

🔥حُطـــــــــــــام🔥
💫الطــــــريق للنهايـــــة💫
#178
بعد مرور شهر ..
خبار خروجو من الحبس كاسر الدنيااا ..شهر داز تقيل على عائلتو والناس لي كيتسناوه

على برى كانو الرجال ديالو دايرين ليه طريق على ود الصحافة تا وصل للطموبيل تماك لقا آدم كيتسناه..آدم تبسم وعنقو وبعد :على سلامة اصاحبي
وليد:الله يسلمك اصاحبي
ركب فبلاصة الشيفور وآدم من الجيهة لوخرا وديمارا داك السااع

فجيهة خرا
كريم:ردو لبال مزيان ماتخليوهاش تخرج واخة يوقع لي يوقع
وخرج من دار شهر كامل ما مشا لخدمتو ومشروعو خاص يضرب طليلة تماك واخة النفسة مزفتة ما فيه مايسمع شي كلمة ماهياش من داكشي لي وقع

أما لفوق
كانت جالسة فالارض مقابلة التلفازة وكتسمع اخبار خروجو من الحبس زيرات ااتليكومونض:غيمشييي عندهااااا ماغايجييش عندييي
وقفات غادة جاية فلبيت :انا لي مراتو انا لي خاص يجي عندي داك اللفعة باغة تفرق بيناتنااا انا غنوريهاا غنقتلهااااااا
وتحنات كتقلب تحت الطبلة فين مخبية الساروت الاحتياطيي

وجيهة خرا
الحاجة ما قاداها فرحة واخيرا جاي لدار جالسة هي وليالي فصالة والابتسامة على وجههم ومقابلين لباب فوقاش يشوفوه داخل منها
أما هديك لي لفوق
جالسة فوق النموسية ومتكية على الكادر ويديها على بطنها يلاه خرجات من الحمام من بعد ما ردات ...نارة جالسة فلبالكون كتسناه فوقاش يوصل وتشوف طموبيلتو.. مارية قبل شهر حتى جمعات حوايجها وحوايج نارة وبغات ترجع للمغرب ولكن تراجعات فأخر لحضة يكفي داكشي لي دارت فيه حيت لاساق لخبار رجعات للمغرب وهو فالحبس غيتهور تاني ويدر شي موصيبة تولي هي سبابو تاني مابغاتش تزيد دير شي مشكل ...ولكن ليوم ايخرج وكاع افكارها تخربقوو كتحس غير بيديها كيرجفو وعنيها على لبالكون حاضية نارة فوقاش اتجي كتجري وتقولها وليد جاا...ماعارفاش كيفاش ايكون هاد اللقاء بينهم متوترة بزاف وغير ساكتة

على برى
دخلات طموبيلتو مع باب الفلة تا ستاقرات قدام الباب ضارو بيه رجالو كيسلمو عليه فرحانين برجوعووو حتى كيتسمع صوت نارة :وليييييييييد
هز راسو ليها كيشوفها كتنقز فبلاصتها ودير ليه باي وهي كضحك تبسم ليها وظار ليها باي باي تاهو وتم داخل للدار
لفوق
ناضت جالسة من صوت نارة وهي كتعيط وليد كتشوفها كتنقز ..قلبها ولا كيضرب فلمية ...
نارة خرجات مم لبالكون كتجري:ولييييد جااااا وليد فدار امارية
وحلات لباب وهبطات لعندو كتجري..خلاتها مع قلبها لي كيزدح بالجهد وكتحس بالصهد وغير كتبلع فريقها احاسيسها تخربقو ماعارفاش شنو تفسر هدشي لي كتحس بيه واش خوف من اللقاء ولا وحش وشوق  ليه ولا حيت اخيرا اتقدر ترجع للمغرب وتطلق منو ولا ماعرف بالضبط
لتحت
نزلات مع دروج كتشوفهم كيعنقوه بلبكا تقول سنين ماشافوه  قفات وهي مبتاسمة:ولييد
دزر وحهو وشاف فيها ووساعت ابتسامتو وتحنا فاتح ليها يديه جات كتجري عنقاتو ضمها ليه كتر وكتر
بعدات :توحشتك بزاف اوليد
تبسم كتر من هاد الكلمة لاول مرة يسمعها منها خلاتو يبوس ليها يديداتها بجوج بحال شي اميرة:وانا كتر منك
نارة:ما اتوليش تمشي ياك .
هز راسو بلا:لا ماعندي فين نمشي دابة
رجعات عنقاتو:انا فرحانة بزاف وأخيرا انوليو نتحمعو مارية قالتلي فاش اترجع انمشيو للمغرب 
ورجعات شافت فيه :ياك
هز راسو باه وبالو هاد المرة مع مارية ...هز بنتو بين يديه ومشا وجلس مع العائلة عاطيهم الوقت  عارف تاهوما مازايكونش داز عليهم قليل من دوك ليام لي دازو

لفوق
كانت متكية فوق النموسية ماعرفاتش علاش كانت كتسناه يطلع عندها حيت عارفاه ايطلع ..عيات ما تسنا حتى داتها عنيها ونعسات الحمل كيدير ليها اانعاس بزاف وكيرخيهاا ...
داز الوقت وفوسط نعاسها كتحس بشي يد كتسارا على جسمها خصوصا فوق كرشها بحال شي حد كيماصي لها كرشها غير بشوية ..ويد خرا فوق شعرها ..ستحلات هاد الحركات لدرجة مابغاتش تفيق من النعاس    ..دقايق وهي تحل عنيها بشوية ماساخياش تفيق راسها تقيل عليهاا..حتى جات عنيها فعنيه النايمين لحروش فااشوفة مقوص حواجبو وكيشوف فيها ..غمضات عنيها ورجعات حلاتهم باغة التأكد ولكن لقاتو مازال ادن ماكاتحلمش ..تنهدات بصوت مسموع وهي كتشوف فيه بدوك لعوينات لخوضر ديالها لي ياما دوبوه وسحروه الفريدين من النوعهم خلاتو تاني يسرح فيهم ..كيشوفو فبعضهم بحاليلا اول مرة ايشوفو بعضياتهم ويديه مازال كيتحركو على كرشها خاشيهم تحت تريكو