حطام 💔مكتملة💔

💔126💔

🔥حطام🔥
🖤شرارة انتقام🖤
#126

قبل بنص ساعة

فاقت من نعااس كانت عيانة ونيت هرابة من تفكير فداكشي لي وقع مارضاتش انهاا ترخات بين يدييه كاع مابقاتش فاهمة راسها فهاد ليام تالية هي ماشي هكاا وماخصهاش تكون هكا وزيد هاد السم لي تزرع فجسمهاا تنهدات وهي كتشوف فنارة قدامها متكية حداها وحالة عويناتها كتشوف فيها بعويناتها زريرقين كيف سما..لا مشاو بجوج لمن أيخليوهااا وشنو أيوقع فيهاا..تا مها براسها ماعندها لا تالي لا والي بقات ليها غا مارية وحفيدتهاا ..مها اتموت غا بلفقصة ...خاص دير شي حل تاهي كيفما هو هاز هادشي وكيتقاتل باش يخرجهم من هادشي تاهي ولات داخلة فهاد اللعبة وكيفما دخلهااا وحملها المسؤولية وكيهدد فيها لا مات اتبعو تاهي خاص تتدخل وتقلب تاهي على الحل باش يخرجو كاملييين من هاد المتاهة وهاد المصيبة لي غضرب كاع العائلة ولكن كيفاااش هدشيي لي خاص تفكر فييه كيف غدييير ضاروري كاين شي حل خاص غا تقاد افكارهاا وتعرف كيفاش باغة تبقة قوية لداكشي لي جااااي

ناضت جالسة وهي كدوي مايمكنش تبقة محبوسة فلبيت وحابسة معاها لبنت باقة صغيرة:زيدي نهبطو لتحت وناكلو شي حاجة راه ضلام لحال ولكن تسنايني نتوضة ونصلي
تمات غادة جيهة لحمام وقفات شافت نارة:خاص تبداي تصلي تانتي هدا الوقت راك كبرتي

نارة بحماس:واخة اختي
مارية:من غداا اتبداي صافي
نارة:وااخة
دخلات توضات وخرجات صلات لعشااا..حيدات لباس صلاة وقدات حجابها ونزلو للتحت دخلات للكوزينة طلبات منهم شي حاجة ياكلوها ..وجدوها ليهم داك ساع...وتجمعات هي ونارة فصالة كلااو وجمعوو داكشيي

مارية:نعيطو ندوي مع ماما
نارة:اه اه توحشتهاا بزااااف من داك النهار لي دوينا معاهاا
مارية دوزات نمرة دماماها غبرات عليها اكيد اتكوون تشوشات وكيف توقعات غير بدات كدوي معاها بدات تبكيي بسيف باش سكتاتهاا وكتقولها كلشي مزيان
مارية تنهدات:دابة نجيو حنا اماما ماعندك ماتجي ديري هنا من الاحس
مها:قلبي ناغزني ابنتي عرفاك مخبية عليا شي حاجة
مارية:وصافي اماما نتي غا دعي معانا وانرجعو فاقرب وقت ممكن وهاهو بيناتنا طليفون
تنهدات:الله يكون معاكم ابنتي
مارية:ها نارة باغة دوي معاك
دوزاتها ليها:ماما توحشتك بزاااااف بزااف وبغيت غا امتى نشوفك
دمعو عنيها:تانا ابنتي توحشتك ياك مهلين فيك كلشي هو هداك
نارة:اه اماما مزيانين معايا..غير قولي ليهم نتي هي ماما ماشي مارية وبابا هو لي فتصويرة ماشي وليد ياكي ..
عرفات لقضية مرونة عندهم مسحات دموعها:ابنتي لا قلت لك شحال هدا ديما خدمي دماغك وتقعي اي حاجة من هاد الدنيا وهدشي لي واقع دابة شوفيه من جيهة اخرا شحال زوين وفصالحك.انا كنبقة ماماك فجميع الاحوال
نارة كتصنت ليها هي لي كتفهمهاا دلات شفايفها:ماما بغيتك نتي لي تبقاي ماما
ومدات طليفون لمارية هاربة من كلامها واخة داك الهضرة كدور فدماغها
مارية يلاه اتكمل لكلام مع مها وهي تشوفها داخلة مع لباب كيشي عاصفة وسلاح فيديها وقفات داك ساع شافت لخدامة دايزة زربات عليها:طلعي نارة للبيت وخليك معاها ماتخرجوش

الخدامة واخة جرات معاها نارة وطلعو مع الدروج بالزربة ونارة مافاهمة والوو

ليالي وقفات على مارية ودموع فعنيهااا هازة سلاح فوجهاا:ايلاا خويااا ماقدش يقتلك ويهنينا منك كيف دار مع مراتوو انا غنهنيييه منك وانا لي غنزعم هاد اامرة
الحاجة من موراها كتشوفها هازة سلاح :الله ابنتييي حطي داك سلاح لاش اتوسخي يدييك فييها كون كانت دايزة فيها لقتيلة كون قتلها خوووك خليه بينو بينهااا نعلي شيييطااان

ليالي :الااااا خويااا راه عرفات تلعب ليه بدماااغو وهو ماموالفالوووش مراتو لي مراتو كان كيبغييها ومارحمهاااش وهادي لي تاهي غدراتو مع العدو ديالو مور ضهرووو وباعتو برخييص مشا تزوج بيها ومخليها فداار وانا راجلي بين الحياة والموت بسباابهاااا ..اليوم كان غايمووووت وغدا ماعرفناهش واش ايعييش ولا لاااا خليني نبرد قلبيي فيهاااا خلينييي ندير شي حاااجة تا اناااا ونقتلها قبل ماتزيييد تخرب هاد العائلة كتر نا هي خرباانة ماغاظيش نستخمل نزيد نفقد شب حد اخووور من عائلتييي بسبااب شي واااحد يكفي داكشي لي فقدناااه

مارية غير كتشوف فيها وكيف كدوي بحرقة والحاجة كتسايس معاها بللام بينما جا ولييد

مارية:لا كان هدشي ايريحك ديريهاا وعندك الحق ديريها حاسة بيك
وحطات يديها على صدرها:تانا بحالك هاد العافية لي شاعلة فقلبك تانا شعلات فيا سنين وكنت باغة غير فوقاش نطفيها تانا فقدت اعز الناس لياا لي هو بابا بسباب تهوري وبسباب خوووك وفقدت راسييي ومراههقي وشبابي وحياتي ..ماعشتش كيف ناس عشت ديما مخبية ديما كنفكر ديما وسط الكوابيس..
كيفما نتي واقفة دابة بسلاح باغة تنتاقمي وتقتليني تانا داكشي لي درت كنت باغة نتاقم من خوووك والغضب عما عيني وخلطت شي مع شيي

ليالييي كلامهااا قاسهااا ولكن مابغاتش تستوعبو وهدا عيبهاا:سكتييييي انا ماشي هي ولييد باش اضحكي عليا بجوج كلمااات نتيي لفعة سامة كيف كتقول جدة وانااا غنحبس هدشيي هاد اامرة انا لي غنتصرررف وماغانترااجعش

قادات السلاح فيدها مزيان وهي كتمسح دموعها باليد لوخرا حاطة صبعها على زنااد

الحاجة قربات لعندها:ليالييي الله يخلييك نعلي شيطااان ماتهوريش وتندميييي
لياليي:ماتقربييييييييييش بعديي هادي خاص تمووووت
وقربات تا لعند مارية كتشوف ليها فعنيها صافيي ناوية علييها

مارية قراات فعنييهاا انه ماغاتراجعش واخة دير ليدارت غمضاات عنيها موجدة راسها لييهاا شهقات فاش تضربات داك لقرطاسة مجهدة وصوت لغواااات
ديال الحاااجة

بقات مغمضة عنيها كتسنة طيييح ولا شي حاجة ولكن والو ماكاتحس بوالو

حلات عنييها دااك ساااع وهي تشوفو قدامهااا وليالييي شادة ففمهااا وكتتبكيي مصدونة وتغوت:لا لاا خوياااا لااا ضربتك لاااش جبتي فطريقييي لااش جيتي قدامهااا الله اربي شنوو درت

مارية رجعات شافت فيييه مصدومة تاهييي

#يتبع_تعاليقكن بناتي كنا فمارية صدقنا فلوليد🥺🤦‍♀️