حطام 💔مكتملة💔

💔155💔

🔥حُطـــــــــــــام🔥
🥀تَمـــــرُّد المَشاعـــــر🥀
#155

..قربات وجلسات حداه..شاف فيها وطلعها ونزلها ورجع شاف فطبلة كانت قهوة تماك:شربيها
فهمات انه باش تصح صح شرباتها وهوما غير ساكتين حتى كتحس بيديه على خصرها وهو كيدوي:تيريزا الحاجة كانت مريضة جبت ليها طبيب وبقيت معاها وطليفون بقة فطموبيل
شافت فيه وبتاسمات وهي كتشد فيديه عاد رجعات فيها الروح:وكيف بقات دابة
وليد:مزيانة
حطات راسها على كتافو:كنبغيك بزاف اوليد
جرها ليه حاضنها بلا تاشي كلمة واخة دغية كتهدن بكلمة منو راه يقدر فأي لحضة دور ليها فالخوة ومايمكنش تنسا بهاد السهولة ماخاصوش يخليها تفكر بزاف فهاد الموضوع وفداكشي لي وقع لبارح فالعرس وكيف ماباتش معاها اكيد اتولي تجيها لحالة غير لا بعد عليها غير شوية حافض مزيان هاد النوع وعارفها تقدر دير اي حاجة وماساهلاش لهاد الدراجة
تيريزا:نمشيو نشوفوها
وليد:على حساب حيت تابعنا السفر
هزات راسها فيه:كيفاش
وليد:مابغيتيش نسافرو شي سيمانة
هزات راسها باه فرحانة:اه بغييت
جمع الوقفة:جمعي شانطتك اتلقايني لتحت
هزات راسها باه ومشات كتجري للبيت فرحانة نسات كلشي فهاد اللحضة ومابقات تفكر فواالو..وهو مابغة يجبد ليها دابة لا خزنة لا والو عارف ماشي وقتو دابة

دقايق ونزلات وشيفور هاز شانطة دارها فطموبيل ركبات وديمارا وهي شادة ليه فيديه..فاتجاه الفلة ياخد.شانطة ديالو لي وصاهم يوجدوها ليه

فالفلة
كانو كيتغداو فصمت والحاجة غير كتشوف فمارية مخنزرة  وكدور داك الفكرة فراسها كيف خاص دير ليها ..حتى كتشوف الخدامة نازلة وفيديها شانطة
الخاجة:فين غادة بداك الشانطة
الخدامة:السي وليد ايسافر قالي نوجدها ليه شوية وليكون هنا
مارية علات راسها وشافت فالشانطة
نارة:فين ايمشي
مارية:ماعرفتش
حتى كيشوفوه داخل هو وتيريزا شادة ليه فيظيه..بعد يديه بشوية من يديها
تيريزا:كي بقيتي شوية
الحاحة فاهمة الفلم:لاباس وليت مزيان دابة
تيريزا:على سلامتك
الحاجة:شكرا ابنتي..فين اتمشي بشانكة اوليد
تيريزا وهي كتشوف فمارية ومبتاسمة:انمشيو هاد سيمانة ندوزو شهر العسل بجوج
نارة بدارجة كتعاود داك الكلمة لي قالت تيريزا بالانجلش:شنو كتعني شهل العسل
مارية ماجاوبتعاش بقات ساكتة وكتشوف فطبسيلها بهدوء وهو مراقبها هضرتها مازال كتردد فودنيه دوة مع نارة بالدارجة:عندنا شي خدمة نساليوها ونجيو
نارة هزات راسها باه
وليد:الشيفور ايبقة يديه للمدرسة الخاصة لي اتبداي تقراي فيها صافي
نارة بابتسامة:واااخة
وليد:قراي مزيان
نارة:واخة كون هاني
رجع شاف فمارية لي مزالة كتاكل بهدوء ماشافتش حتى فيه:يلاه اتيريزا
وخرجو من الدار
نارة:علاش ماداكش معاه نتي
مارية شافت فيها:كوليي وسكتي
بلعات ريقها وسكتات
الحاجة:بعدة يرتاح شوية من الهم والغم ووجوه شي وحدين ..
مارية عارفاها علاياش كتلمح ماداتهاش فيها
الحاجة :ايوا ف قاش نمشيو لطبيب نشوفو داك الجنين فين وصل
مارية علات راسها معصبة اتجاوبها وتقولها دخلي سوق راسك وماكاين لا حمل لا والو وهي تفكر نارة تنهدات:الحاجة هدشي شغلي انا واقلة بلا ماتعدبي راسك ديها فتسابيح لي فيديك وستغفري مولاك
وناضت:زيدي انارة
وناضت وخلاتها كتغلي
الحاجة:واخة اللفعة هنا انوريك احسن ما دار وليد هي سافر ..ايوا دابة تفرجي شغا ندير فيك

بعد مرور أيام

فاقت وهي مبتاسمة من بعد ليلة زوينة بالنسبة ليها مالقاتوش حداها حتى كتلمحو فلبالكون كيكمي ..لوات عليها ليزار وناضت لعندو باستو على ضهرو وعنقاتو:صباح الخير حياتي
ماتسناتوش يجاوبها وتقابلات معاه:كنعيش معاك احسن ايام حياتي وكنزيد نتأكد انه ماغلطتش فاش ختارتك تكون حب حياتي واخة دازو بزاف درجال فحياتي كتبقة نت هو احسن راجل قابلتو والوحيد لي سكن قلبي
وليد لي كيشوف فيها بلا تاشي كلمة..كلامها ماحرك فيه والو بالعكس زاد كرهها وعافها كتر وكتر هو عارفها مدوزة وشحال من علاقة دارت فحياتها وكل علاقة دخلات فيها كان داخل فيها تا لعلاقات الجنسية...هدشي ماكا يعنيهش حيت اول ما غايسالي المهمة ديالو ماغايعقلش عليهاا
تيريزا:نمشي ندوش
هز راسو باه وهو مراقبها تا دخلات للدوش ورجع شعل سيجارو ..غير ايرجعو اينفد تاني الخطة لي فراسو وغيسالي هدشيي فمرا هاد المرة

فنفس البلاد ولكن فمدينة خراا قريبة ليهم بزاف

كانت التحت شافت الخدامة نازلة من عندها من البيت تبعاتها:اش بغات
الخدامة:بغات اتاي كيف لعادة الالة
الحاجة:انا غنوجدو نيت بغيتو تانا نقادو بكانتي
الخدامة:واخة الالة
الحاجة:سيري نفضي داك صالون شوية
تسناتها تا خرجات ومشات كتقاد فاتاي ..وهو كيغلا حلات واحد لقريعة صغيرة فيها شي عشوب يلاه وصلوها من المغرب البارح  وكباتها فيه وخلاتو يزيد يطبخ..كتشوف فيه كيغلي وكتفكر فاش قالت ليها راه ماحاملاش :ها حنا انشوفو واش ماحاملاش بصاح ولا غير باش تسكتينيي..حيت عارفاك لفعة وماتكرهيش تزيدي تربطي فحفيدي معاك ..كان ولا ماكانش انتهنا من هاد اولد يا كاين يا ماكاينش نقطع الشك
طفات عليه وقداتو فجوج كيسان واحد ليها وواحد لمارية وعيطات للخدامة:صافي طلعيه ليها
خداتو وطلعات عندها لقاتها كتصلي حطاتو فوق الطبلة وخرجات
لتحت
جالسة فصالة وكتشرب فداك اتاي بداك لعشوب ..زوين ولكن خطير على الحوامل حيت المكونات لي فيه مجهدين شي لي كيخلي اغلب الحوامل يجهضو
شافت نارة نازلة بشكارتها والخدامة معاها..قربات وباست يد جداتها:هنا مشيت نقرا اجدة
الحاجة:الله يرضي عليك ابنتي سيري
ومشات كتجري فرحانة
لفوق
سلات صلاتها وجلسات كتدلك فراسها كيدرها..جا فبالها هو ملي مشا ما عيط ما والو ولا جات خبارو من غير مرة عيط للحاجة ودوزات ليه نارة يدوي معاهاا.وسمعات من الحاجة انه فرحان وراشقة ليه ومرتاح...حيدات شال من راسها ورماتو لبعيد وهي كتمتم:يمشي لجهنام كاع وانا مالي..تهنيت منو ومن صداعو
وهزات داك الكاس شربات منو جاها مداقو فشكل ماشي بحال ديماا.رجعات تاني شربات.وهي كتفكر ومرة مرة كتجغم منوو..فتالي حطاتو ما قداتش تكملو ما عجبهاش..وشهوتها فأتاي..هزات داك الكاس ونزلات التحت لقات لخدامة كتقاد فصالة:باش قاديتي هاد اتاي مازوينش
الخدامة:ماشي انا الالة الحاجة لي قاداتو
الحاجة كانت مازالة كتشرب منو:علاش مالو هنا كنشرب منو حتى انا زوين ومنسم بلعشوب صالحين للبرد
الخدامة:تانا شربت منو عاد دابة وحسيت براسي مزيانة
مارية رجعات شافت فلكاس ومشات جلسات فصالة بصاح راسها مابقاش يضرها واخة مداقو خايب ..كملات داك الشي لي بقة منو ..ورجعات راسها اللور كتسمع فالحاجة كتقرا فالقرآن تنهدات كترتاح للقرآن بزااف..حلات عنيها فاش نغزها شي حريق فكرشها ..تنهدات ورجعات غمضات عينها حتى كتشهق فاش ضربها بحال الضو فكرشها بلعات ريقها عاضة على شفايفها كتسناه يحبس ولكن غا مازااد ..ولات كرشها كضرهاا بزااف بغات توقف ما قدااتش حطات يديها على كرشها مزيرة عليهاا بالجهد وغوتات:أااااااه
وشافت فالحاجة:الحاااااجة كرشيي كضرنييي اجيي عفاااك اااااه الحااااجة هدشي بزاااف